Monday, November 26, 2012
අද අපේ රටේ බහුතරයක් තරුණ ප‍්‍රජාවට තමන්ගේ උසස් අධ්‍යාපන අයිතිය අහිමිවෙලා.
"හෙටක් සහිත රටක් උදෙසා වූ ‘තරුණ්‍යයේ හඬ’" සංවිධානයේ හම්බන්තොට දිසා සමුළුව ඊයේ (24) පස්වරුවේ තංගල්ල සමූපකාර ශාලාවේදී විශාල තරුණ තරුණියන් පිරිසකගේ සහභාගීත්වයෙන් පැවැත්වූ බව එම සංවිධානයේ මාධ්‍ය ඒකකය පවසයි.
හම්බන්තොට දිස්ත‍්‍රික් සභාවේ නිළධාරී මණ්ඩලය තෝරාපත් කර ගැනීමද මෙහිදී සිදු වී තිබේ. එහි දි මහේෂ් අබේපිටිය මහතා සභාපතිවරයා ලෙසද, අශෝකා රාජීනි මෙනවිය ලේකම්වරිය ලෙසද තේරීපත්වී ඇත.
තාරුණ්‍යයේහඬ සංවිධානයේ ජාතික සූදානම් කිරීමේ කමිටුවේ සම කැඳවුම්කරු ගයාන් ජානක මහතා සහ සමාජවාදී තරුණ සංගමයේ ජාතික සංවිධායක බිමල් රත්නායක මහතාද මේ අවස්ථාවට සහභාගි විය.
එහි දි අදහස් දැක්වූ ගයාන් ජානක මහතා දැක්වූ අදහස් පහත පළවේ,
‘‘ලාංකීය තරුණ තරුණියන්ට අද අභියෝග රාශියකට මුහුණ දෙන්න සිද්ධවෙලා තියනවා. අද අපේ රටේ බහුතරයක් තරුණ ප‍්‍රජාවට තමන්ගේ උසස් අධ්‍යාපන අයිතිය අහිමිවෙලා. එක් අවුරුද්දකදී අපේ රටේ සාමාන්‍යයෙන් දරුවන් 350,000ක් පමණ උපදිනවා. ඒ අතරින් වාර්ෂිකව උසස්පෙළ විභාගයට පෙනී සිටින්නේ 220,000ක් පමණයි. නමුත් ඒකෙනුත් මේ කඩඉම පහු කරන්නේ 140,000ක් දෙනා පමණයි. මේ 140,000 යෙනුත් සරසවිවලට ඇතුලත් කරගන්නේ 20,000ක් විතරයි. නමත් අර ඉතිරිවන 330,000ට මොකද වෙන්නේ. ඒ අයට අධ්‍යාපනය ලබන්නට අයිතියක් නැද්ද.
අපේ රටේ තරුණ තරුණියන් ලක්ෂ 15කට රැකියා නෑ. තවත් විශාල පිරිසක් ඌණ සේවා නියුක්තිකයින්. ඒවගේම මේ පසුගිය වසරවලදී ආර්ථික අර්බුදය නිසා කර්මාන්ත ශාලා වසා දැමීම හේතුවෙන් දහස් ගණනක් තරුණ තරුණියන්ට රැකියා අහිමි වුණා. මේ අයගේ අනාගතයට මොකද වෙන්නේ. කවුද ඒ අය වෙනුවෙන් කතා කරන්නේ. ඒ අය වෙනුවෙන් අපේ රටේ තිබෙන වැඩපිළිවෙල මොකක්ද?
තරුණ ප‍්‍රජාවගේ ප‍්‍රශ්ණ මේ විදිහට කාගෙවත් අවධානයට ලක්නොවී තිබිද්දි විවිධ සමාජ අපචාර පිළිබඳ චෝදනා නම් නොවඩුව ඔවුන් වෙත එල්ල වෙනවා. ඒ නිසා අද වන විට තරුණයින්ට තම අයිතිවාසිකම් දිනා ගැනීම වෙනුවෙන් අභියෝගයක් තිබෙනවා. ඒ අභියෝගය ජයගන්න පුළුවන් අරගල කිරීම තුළින්ම පමණයි. අරගල තුළින් අභියෝග ජය ගැනීම පිළිබඳව උදාහරණ අප මේ මෑත කාලීනව දක්වන්න පුළුවන්. කටුනායක වෙළඳ කලාපයේ සේවක සේවිකාවන්ගේ සේවක අර්ත සාධක අරමුදල රැකගැනීම වෙනුවෙන් වූ අරගලය, උසස්පෙළ ඉසෙඞ් ස්කොර් ප‍්‍රශ්නය පිළිබඳ අරගලය. පුද්ගලික විශ්ව විද්‍යාලවලට එරෙහි ශිෂ්‍ය අරගලය ඉන් කිහිපයක්.
තාරුණ්‍යයේ හඬ බිහි වෙන්නේ තරුණයින්ගේ අභියෝග ජය ගැනීම පිණිස අරගල කිරීම වෙනුවෙන්. ඒ නිසා තරුණ ඔබට ජීවිතයේ අභියෝග ජයගන්න ඒ වෙනුවෙන් අරගල කරන්න තාරුණ්‍යයේ හඬ සමග එක්වන්න කියලා. සහෝදරාත්මකව ඇරයුම් කරනවා.’’
තාරුණ්‍යයේ හඩ අනුරාධපුර දිස්ත‍්‍රික් සමුළුව හා දිසා සභාව පිහිටූවීම අද (25) සවස 03ට අනුරාධපුර CTC ශාලාවේදී පැවැත්වීමට නියමිතය.
2 comments:
jayawewa
ehema wenne na Namal bebige "tharunnyata hetak thiyanawa" eken ape jewitha kalla godadavi. me yakkunta pissu nikan dagalanawa.
Post a Comment
කොමෙන්ටුවක් දාන්න අමතක කරන්න එපා...