Showing posts with label Stories. Show all posts
Showing posts with label Stories. Show all posts

Thursday, April 24, 2014

සමසෞඛ්‍ය උපාධිය කප්පාදු කළේ සෞඛ්‍ය අමාත්‍යාංශයයි

සම සෞඛ්‍ය විද්‍යාපීඨයේ උපාධි කාලසීමාව කප්පාදු කර ඇත්තේ සෞඛ්‍ය අමාත්‍යාංශය හා රජයේ වෛද්‍ය නිලධාරීන්ගේ සංගමය විසින් බවත්, සමසෞඛ්‍ය විද්‍යාපීඨ සිසු ප්‍රශ්නය ඇත්තේ පේරාදෙණිය විශ්වවිද්‍යාලයේ පමණක් බවත් උසස් අධ්‍යාපන අමාත්‍ය එස්.බී. දිසානායක මහතා පැවසීය.
මඩකලපුව හා ජයවර්ධනපුර විශ්වවිද්‍යාලවල එම තත්ත්වය නොමැති බවද ඒ මහතා පැවසීය.
උසස් අධ්‍යාපන අමාත්‍ය එස්.බී. දිසානායක මහතා ඒ බව ප්‍රකාශ කර සිටියේ විශ්වවිද්‍යාල සිසුන් හත්සිය එකොළොස් දෙනෙකුට මහපොළ ශිෂ්‍යත්ව ආධාර මුදල් ලබාදීම සඳහා උඩරට කලා සංගම් ශාලාවේදී පැවති උත්සව සභාව අවසානයේ මාධ්‍යවේදීන් නැගූ ප්‍රශ්නයකට පිළිතුරු දෙමිනි.
එහිදී ඒ මහතා වැඩිදුරටත් පවසා සිටියේ, රජයේ වෛද්‍ය නිලධාරීන්ගේ සංගමය සමසෞඛ්‍ය විද්‍යා පීඨ සිසුන්ගේ උපාධි කාලසීමාව වසර තුනකට එහා ගෙන යාමට අවසර නොදෙන බවත්, සමසෞඛ්‍ය සිසුන් වසර හතරක උපාධි කාලසීමාවක් ඉල්ලා සිටින බවත්ය.

Saturday, April 5, 2014

වෛද්‍ය මා‍ෆියාව හා සම සෞඛ්‍ය ප්‍රශ්නය

AHS
පේරාදෙණිය හා රුහුණ සරසවි වල සම සෞඛ්‍ය විද්‍යා පීඨ සිසුන් දැන් මාස 2 කටත් අධික කාලයක් තිස්සේ ගලහ මං සන්ධියේත්, ගාලු නගරයේත් අඛණ්ඩ සත්‍යග්‍රහයක් පවත්වමින් සිටිති.

මෙම සත්‍යග්‍රහය ගැන අදාල කිසිම බලධාරියෙකුගේ අවධානය යොමුව ඇති බවක් නොපෙනේ.කාලයත් සමග සිසුන් උනන්දුව හීන වී සත්‍යග්‍රහය නවතා ආපසු දේශනවලට සහභාගි වනු ඇතැයි බලධාරින් සිතා සිටින බවක් ඔවුන්ගේ කියුම් කෙරුම් වලින් පෙනේ.

මෙම වර්ජක සිසුන් ඉල්ලා සිටින්නේ කුමක්ද?

2006 දී මෙම සම සෞඛ්‍ය විද්‍යා පීඨ ආරම්භ කරන විට වසර 4ක්ව තිබී පසුව වසර 3කට කපාදු කරන ලද පාඨමාලා කාලය නැවත වසර හතර දක්වා දිගු කර දෙන ලෙස ඔව්හු ඉල්ලා සිටිති.

ආරම්භයේදී වසර 4කට සැලසුම් කර සිසු කණ්ඩායම් කිහිපයක්ම උපාධිය ලබාගන්නා තෙක් සිව් වසරක පාඨමාලා පැවත්වීමෙන් පෙනී යන්නේ හෙද ,විකිරණ ශිල්පි, වෛද්‍ය රසායනගාර ශිල්පි,භෞත චිකිත්සක යන මෙම උපාධි පාඨමාලාවල වසර හතරක් උගැන්වීමට තරම් සෛධාන්තික හා ප්‍රායෝගික විෂය කරුණු ඇති බවයි.

එසේම කප්පාදුවෙන් පසුව පවා විශේෂ උපාධියක් ලෙස සිව් අවුරුදු පාඨමාලා පැවත්වීමට යෝජනා කිරීමෙන් (3+1) පෙනී යන්නේද එම සත්‍යයමය.

එසේ නම් පාඨමාලා වසර තුනකට කප්පාදු කිරීම යනු නිසැක ලෙසම අදාල විෂය නිර්දේශයන්ගෙන් 25% එනම් 1/4 ක් කපා දැමීමයි. එය අදාල උපාධි පාඨමාලා වලට ඇති පිලිගැනීම බරපතල ලෙස බිඳ හෙලන්නකි. එසේම එම සිසුන් උපාධි ලබා රෝගී සත්කාර සේවයට ගිය පසු ඔවුන්ගේ සේවය ලබා ගන්නා රෝගීන්ට කරන බලවත් අසාධාරණයකි.

මෙම කප්පාදුව ගැන උසස් අධ්‍යාපන අමාත්‍ය වරයා හා එම අමාත්‍යාංශයේ ලේකම් වරයා ලබා දෙන්නේ අමු මැටි පිලිතුරකි.ඔවුන් කියන්නේ රජයේ වෛද්‍ය නිලධාරි සංගමයේ විරෝධතාව නිසා උපාධි පාඨමාලවල කාලය කප්පාදු කළ බවයි. ඔවුන් මෙසේ කියන්නේ රෙදි ඇඳගෙනද නැත්නම් ඔවුන්ට සුපුරුදු ලෙස අමු හෙලුවෙන්දැයි අප නොදනිමු.

එහෙත් එම කථාව ඇත්තක් බව නම් අප දනිමු.

ප්‍රශ්නය නම් මෙරට අධ්‍යාපනය ගැන , විශේෂයෙන් සරසවි අධ්‍යාපනය ගැන හා උපාධි පාඨමාලාවල සංයුතිය හා කාල සීමා ගැන තීරණය කිරීමට ර.වෛ. නි සංගමය වැනි හුදු ආත්මාර්ථකාමි,ගෝත්‍රිකවාදි මානසිකත්වයකින් හෙබි වෘත්තීය සමීතියකට බාර වීමයි. එය බරපතල ඛේදවාචකයකි.

ගෝත්‍රික මානසිකත්වයකින් හෙබි පාදෙනියගේ නායකත්වයෙන් යුත් ර.වෛ.නි සංගමය මැදිහත් වන්නේ හුදු පාඨමාලා කාලය කප්පාදු කිරීමට පමණක් නොවේ. සම සෞඛ්‍ය සිසුන්ට අවශ්‍ය නවීන සායනික පුහුණුව ලබා දිය හැකි පහසුකම් මහනුවර හා පේරාදෙණිය රෝහල්වල තිබියදී එම සිසුන්ට එම පහසුකම් භාවිතා කිරීමට ඉඩ නොදෙමින් ඔවුන් කුරුණෑගල රෝහලට හා කොළඹ පෞද්ගලික රෝහල් වෙත පන්නා දැමීමට කටයුතු කර ඇත්තේද මෙම ඊනියා රජයේ වෛද්‍ය නිලධාරි සංගමයේ ගල් වැදි යුගයට අයත් නිලධාරින්මය.

ර.වෛ. නි.සංගමය මෙලෙස හැසිරෙන්නේ අන් කිසිවක් නිසා නොව හුදු වෘත්තීමය ඊර්ෂ්‍යාව හා මාන්නය නිසාය. ඔවුන් සිතා සිටින්නේ මෙරට සෞඛ්‍ය ක්ෂේත්‍රයේ ඉහළින්ම සිටිය යුත්තේ ඔවුන් බවයි. එයට අභියෝගයක් විය හැකි කිසිවකට ඔවුන් ඉඩ නොදෙයි.කිසිවෙක් ඔවුන්ට වඩා අධ්‍යාපනයක් ලබනවාට ඔවුන් විරුද්ධය.

අනිත් අතට ආණ්ඩුව සමග සන්ධාන ගත වී සිටින පාදෙනිය ප්‍රමුඛ ර.වෛ.නි සං. නායකයන් වෘත්තීය අයිතිවාසිකම් කිසිවක් නො ඉල්ලයි. ඒ වෙනුවට තම සාමාජිකයන් රවටා ගැනීම සඳහා මෙවැනි ගුණ්ඩු භාවිතා කරන අතර බලධාරින්ගේ සහයත් ඔවුන්ට නිතැනින්ම හිමිවේ. මේ පිලිබඳව ඇති තවත් හොඳ උදාහරණයක් නම් රෝහල් වල ඇති අඩු පාඩු ගැන වචනයක්වත් නොකියන පාදෙනිය මෑතක සිට පිටිකිරි බීම ගැනත් , කෘෂි රසායනික ගැනත් මහා දේශප්‍රේමියකු මෙන් කතා කිරීමට ඉදිරිපත් වීමයි.

ඇත්තෙන්ම ර.වෛ. නි. සංගමය වෘත්තීය සමීතියකට වඩා ලං වෙන්නේ හිට්ලර්ගේ එස්.එස්. හමුදාවටය. ඔවුන් කරන්නේ වෘත්තීය අයිතිවාසිකම් දිනා ගැනීමට සටන් කිරීම නොව තම බලය යොදවා අනෙකුන් පොඩි පට්ටම් කර දැමීමය.

මොවුන්ගේ මෙම ඒකාධිකාරය වහාම පරාජය කළ යුතුය.සියලු දෙනා එකතු වී ඊට එරෙහිව හඬ නැගිය යුතුය. නො එසේනම් පාදෙනියට අවශ්‍ය පරිදි ජීවත් වීමට හිත හදා ගත යුතුය. මක් නිසා ද යත් ඉදිරියේදී අප නිදා ගත යුත්තේ කෙසේ දැයි යන්නටත් නීති දැමීමට ර.වෛ. නි. සංගමය කටයුතු කිරීමට ඉඩ ඇති බැවිනි.

Sunday, June 9, 2013

දැන් විශ්වවිද්‍යාලවලින් හදන්නේ ඔය ජාතියේ වාචාලයෝ - අන්තරයේ කැඳවුම්කරු සංජීව බණ්‌ඩාර

Sanjeewa Bandara
ප්‍රශ්නය - සරසවි ශිෂ්‍යයා පළමුව ඉගෙනුම වෙනුවට පළමුව දේශපාලනය හෝ අරගලය යන්න තෝරාගෙන තිබෙන බව පෙනෙනවා. සබරගමුවේ කල බැගෑනිය එහි ප්‍රතිඵලයක්‌ නොවේද?

පිළිතුර - සබරගමුවේ විශ්ව විද්‍යාලය තුළ අපි උද්ඝෝෂණ ව්‍යාපාරය පටන් ගත්තේ ඉතාම සාධාරණ ඉල්ලීම් ප්‍රමාණයක්‌ මුල්කරගෙන. විශ්වවිද්‍යාලය තුළ ශිෂ්‍ය බඳවා ගැනීම් බරපතළ ලෙස කප්පාදු කළා. 30% ක්‌ කප්පාදු කර තිබුණා. තවමත් ව්‍යවහාරික විද්‍යා විෂයන්ගේ පුරප්පාඩු 178 ක්‌ තිබෙනවා. මේ රටේ ලක්‍ෂ සංඛ්‍යාවක්‌ සිසුන් උ.පෙළ සමත් වෙලා, යන්න විශ්වවිද්‍යාලයක්‌ නැතුව බලාගෙන ඉන්නවා. එහෙම තත්ත්වයක්‌ තුළ එක ශිෂ්‍යයකුට හරි උසස්‌ අධ්‍යාපන අවස්‌ථා අහිමි කිරීම බරපතළ අපරාධයක්‌. සබරගමුව විශ්වවිද්‍යාලයේ එක පීඨයක විතරක්‌ තත්ත්වයයි මම මේ කියන්නේ. මේ පුරප්පාඩු පුරවන්න කියන ඉල්ලීම අපි කළා. විශ්වවිද්‍යාල අර්ධ පෞද්ගලික විශ්වවිද්‍යාල කරන්න ආණ්‌ඩුව කටයුතු කරනවා. එක අතකින් පෞද්ගලික විශ්වවිද්‍යාල පටන් ගන්නවා. අනිත් පැත්තෙන් රජයේ විශ්වවිද්‍යාලවල අධ්‍යාපනය විකුණනවා. විශ්වවිද්‍යාලවල ගාස්‌තු අය කිරීම් වැඩි කරන්න පටන් ගත්තා. සබරගමුව විශ්වවිද්‍යාලයේ 500% කින් ගාස්‌තු වැඩි කළා. ඇතුළත් වීමේ ගාස්‌තු, පුස්‌තකාල සේවා ගාස්‌තු, පහසුකම් ගාස්‌තු, ක්‍රීඩා වලට අදාළ ගාස්‌තු සියල්ල 500% කින් වැඩි කළා. මහපොළ වැඩි වෙලා නැහැ. දෙමවුපියන්ගේ ආදායම් හෝ වැටුප් මට්‌ටම් වැඩිවෙලා නැහැ. එවැනි තත්ත්වයක්‌ තුළ මේ වැඩිවීම දරාගන්න බැහැ. මේ ගාස්‌තු අඩු කරන්න කියන එකත් එක ඉල්ලීමක්‌. සබරගමුව විශ්වවිද්‍යාලයේ නේවාසික ප්‍රශ්නය, පුස්‌තකාල පහසුකම් ප්‍රශ්නය, ඉදිකිරීම් ප්‍රමාද කිරීම පිළිබඳ ප්‍රශ්නය ආදියත් මුල් කරගෙන දැවැන්ත උද්ඝෝෂණයක්‌ පටන් ගත්තා. ඒ උද්ඝෝෂණයට මුහුණ දෙන්න බැරිව තමයි ආණ්‌ඩුව මර්දනය පටන් ගත්තේ.


ප්‍රශ්නය - මෙවැනි ප්‍රශ්නයකදී පළමු පියවර විය යුත්තේ උද්ඝෝෂණයද?


පිළිතුර - අප මේ ගැන ඉහළ බලධාරීන්ට ලිපි මගින් දැනුවත් කිරීම් කළා. මාධ්‍ය තුළින් දැනුවත් කළා. නමුත් ඒවාට අවධානය යොමු කරනවා වෙනුවට ඒ ගැන කතා කරනවා. ශිෂ්‍ය මර්දනයට අත තබන්නයි ආණ්‌ඩුව කටයුතු කළේ. ආණ්‌ඩුව මුලින්ම කළේ මර්දන පත්‍රිකාවක්‌ ගෙන ඒමයි. ඒ මර්දන පත්‍රිකාව ගෙනාවේ ශිෂ්‍ය සංගම් තහනම් කරන්න, ශිෂ්‍ය නායකයන්ගේ පන්ති තහනම් කරන්න පොටක්‌ පාදගන්න. විශ්වවිද්‍යාලවල ඉන්නෙ තොත්ත බබාල නෙමෙයි. ඒක මොන්ටිසෝරියක්‌ නෙමෙයි. අපි දන්නවා විශ්වවිද්‍යාල ශිෂ්‍යයෝ සැමදාමත් රාත්‍රි කාලයේ තමයි ශිෂ්‍ය සංගම් රැස්‌වීම් ගන්නේ. ශිෂ්‍යයාගේ දේශපාලන කරුණු, දාර්ශනික කරුණු කතා කරන්නේ, සංවාද කරන්නේ ඒ. මීටින්වල. දවල් වරුවේ දේශන තියෙන නිසා මේ වගේ කටයුතු කරන්නේ රාත්‍රි කාලයේ. හතෙන් පස්‌සෙ ශිෂ්‍ය සංගම් රැස්‌වීම් පැවැත්වීම තහනම් කරලා තියෙනවා. මහා ශිෂ්‍ය සංගමය කැඳවන්න පුළුවන් සිකුරාදා දොළහෙන් පස්‌සේ විතරයි. මාසෙකට දවස්‌ දෙකයි ශිෂ්‍යයින්ට එකතු වෙන්න පුළුවන්. පළමුවැනි අඟහරුවාදා හා දෙවැනි අඟහරුවාදා පමණයි. ශිෂ්‍යාවන්ට අටෙන් පස්‌සේ විශ්වවිද්‍යාල භූමියේ රැඳී ඉන්න බැහැ. ශිෂ්‍යයන්ට දහයෙන් පස්‌සේ විශ්වවිද්‍යාල භූමියේ රැඳී ඉන්න බැහැ. ශිෂ්‍යයන් දහයෙන් පස්‌සේ විශ්වවිද්‍යාලයේ රැඳී සිටියාට කිසිම සදාචාර විරෝධී කටයුත්තක්‌ මෙතෙක්‌ විශ්වවිද්‍යාලයේ සිදුවී නැහැ. අධ්‍යාපනික ප්‍රජාවකට මෙවැනි සීමා දමන්නේ තොත්ත බබාලා කියලා හිතාගෙනද? ශිෂ්‍යයෝ මේ නීති පිළිගත්තේ නැහැ. ඒ අනුව ශිෂ්‍යයෝ වෙනදා වගේම රැස්‌වීම් පැවැත්වූවා. ඒකට දඬුවම ලෙස ශිෂ්‍යයෝ හතර දෙනකුගේ ශිෂ්‍යභාවය අහෝසි කළා. මාස අටක පන්ති තහනමක්‌ පැනවූවා. මේවා අතිශය සදාචාර විරෝධීයි. ප්‍රජාතන්ත්‍ර විරෝධීයි. 

21 වැනිදා සත්‍යග්‍රහය පැවැත්වුණේ අසාධාරණ ලෙස පන්ති තහනම් කරපු සිසුන්ට අවම වශයෙන් විභාගයට ඉදිරිපත් වෙන්න අවස්‌ථාව ලබා ගැනීමටයි. අඩුම ගානේ ඒ සඳහාවත් සංවේදී වුණේ නැහැ. අනිකුත් විශ්වවිද්‍යාලවල අසාධාරණ ලෙස පන්ති තහනම් කර තිබියදී ශිෂ්‍යයන්ට විභාගවලට පෙනී සිටීමට අවස්‌ථාව දුන්නා. මේ සියලු තීන්දු ගත්තේ උසස්‌ අධ්‍යාපන අමාත්‍යාංශය, ආරක්‍ෂක අමාත්‍යාංශය.


ප්‍රශ්නය - සත්‍යග්‍රහය අවසානයේ ශිෂ්‍යයන් ප්‍රචණ්‌ඩකාරී හැසිරීමක්‌ දක්‌වා වර්ධනය වූ බවයි උසස්‌ අධ්‍යාපන ඇමැතිවරයා පවසන්නේ. අවම තරමින් ගිලන් රියකටවත් පාරේ ගමන් කරන්න ශිෂ්‍යයෝ ඉඩ නුදුන් බවට ඔහු චෝදනා කරනවා.


පිළිතුර -

මේ සත්‍යග්‍රහය කාලයේ පොදුවේ ශිෂ්‍ය නායකයන්ගේ ගෙවල්වලට තර්ජනය කර තිබුණා. රසිඳු ජයසිංහ ශිෂ්‍යයා තමයි මෙහි නායකත්වය අරගෙන කටයුතු කළේ. ඔහුගේ ජංගම දුරකථනයට කතා කරලා මරණ තර්ජන කරලා තිබ්බා. ඇක්‌සිඩන්ට්‌ වෙලා මැරෙන්න ඕනෙද කියලා අහල තිබුණා. දමයන්ත සහෝදරයාගේ දෙමවුපියන්ට පවා තර්ජනය කරලා තිබ්බා. ආරක්‍ෂක අමාත්‍යාංශයෙන් සන්නද්ධ රථ යවලා, 24 වැනිදා අලුයම විශ්වවිද්‍යාලය ඉස්‌සරහ වෙඩි තිබ්බා. මේ වෙන කොට සත්‍යග්‍රහය නිසා බරපතළ ලෙස අඩපණව තිබූ ශිෂ්‍යයන් හතර දෙනාට මැරෙන්න දෙන්න කියලයි එස්‌. බී. ඇමැතිවරයා කියා තිබුණේ. ශිෂ්‍යයෝ කළේ තම සහෝදරයන් හතර දෙනාට මැරෙන්න නොදී ඔවුන් රෝහල්ගත කළා. ඊට පසු ශිෂ්‍යයෝ පඹහින්න මංසන්ධියේ සාමකාමී උපවාසයකට වාඩි වුණා. ඒ වෙලාවේ තමයි මේ අමානුෂික ප්‍රහාරය එල්ල කරන්නේ. ගිලන්රථවලට විතරක්‌ නෙමෙයි, මඟුල් කාර්වලටත් යන්න දුන්නා. අසනීප වෙලා ත්‍රිරෝද රථවලින් ආපු අයට යන්න දුන්නා. මේවා වීඩියෝ දර්ශන සහිතව තියෙනවා. ඇමැතිවරයාගේ චෝදනාව අභූත චෝදනාවක්‌. ආණ්‌ඩුවයි මෙතැනදී අමානුෂික ලෙස හැසිරිලා ශිෂ්‍යයන්ට පන්න පන්න පහර දුන්නේ. ඔලු පැලුවේ. පඹහින්න රෝහලටත් කඳුළු ගෑස්‌ ගැහැව්වා. හෝටල්වලටත් කඳුළු ගෑස්‌ ගැහුවා. අනධ්‍යයන සේවකයෙක්‌ අත්අඩංගුවට අරගෙන තිබෙනවා. තිබෙන චෝදනාව තමයි පහර කෑමට ලක්‌වුණු ශිෂ්‍යයන්ට බවුසරයෙන් වතුර දීම කියන එක. මේකෙන් මොකක්‌ද ආණ්‌ඩුව කියන්නේ. ශිෂ්‍යයන්ට මැරෙන්න දෙන්න කියලද?


ප්‍රශ්නය - ඔබ චෝදනා කරන ලෙස ශිෂ්‍යයන්ට ප්‍රචණ්‌ඩත්වය මුදාහැරීම සඳහා ආණ්‌ඩුවට තිබෙන අවශ්‍යතාවය කුමක්‌ද?


පිළිතුර -

මේක ගෝලීය ප්‍රාග්ධනයේ වුවමනාවක්‌. එයට අලුත් ක්‌ෂේත්‍රවල ක්‍රියාකාරී වෙන්න අවශ්‍යයි. තවදුරටත් ප්‍රාග්ධනයට ක්‍රියාකාරී වෙන්න මුළුමනින්ම ඉඩ හසර නොලැබුණු ක්‌ෂේත්‍රයක්‌ තමයි අධ්‍යාපනය. ආයෝජනය කරන්න හොඳම ව්‍යාපාර අවස්‌ථාවක්‌ තමයි අධ්‍යාපනය. ආණ්‌ඩුවට අද අවශ්‍ය වෙලා තිබෙනවා අධ්‍යාපනය වෙළෙ¹මක්‌ බවට පත් කිරීමට. අපි ඒකට විරුද්ධයි. අධ්‍යාපනය වෙළෙඳ භාණ්‌ඩයක්‌ වුණාට පස්‌සේ ප්‍රශ්න දෙකක්‌ පැන නගිනවා. අධ්‍යාපනය සමාජ අයිතියක සිට වරප්‍රසාදයක්‌ බවට පත් වෙනවා. ඒ සඳහා පුද්ගලික විශ්වවිද්‍යාල ඇති කරන්න කටයුතු කරනවා. අනෙක්‌ පැත්තෙන් රාජ්‍ය විශ්වවිද්‍යාල වෙළෙ¹මට යොමු කරමින් තිබෙනවා. මෙතැනයි ගැටුම තියෙන්නේ. මේ රටේ සාතිශය බහුතරයකට අධ්‍යාපනය අහිමි වෙනවා. වෙළෙඳ භාණ්‌ඩයක්‌ බවට පත් වූ අධ්‍යාපනය ගුණාත්මක වෙන්නේ නැහැ. එය ලාභය ඉලක්‌ක කරගත් දෙයක්‌ වෙනවා. 


ප්‍රශ්නය - සුළුතරයක්‌ වූ දේශපාලනයේ යෙදෙන ශිෂ්‍ය පිරිසක්‌ බහුතර ශිෂ්‍යයන්ගේ ඉගෙනීමේ අයිතියට ඉඩ දෙන්නේ නැහැ යනුවෙන් ආණ්‌ඩුව විසින් ශිෂ්‍ය ව්‍යාපාරවලට චෝදනා නගනවා. එසේ බලන විට ශිෂ්‍ය ව්‍යාපාරයේ හැසිරීමත් ප්‍රජාතන්ත්‍ර විරෝධී නේද?


පිළිතුර - අපේ අරමුණ තමයි විශ්වවිද්‍යාලවලට අහිමි වූ තමන්ගේ අයිතිය දිනා දෙන එක. ඒ තුළ ශිෂ්‍යයාට තමන්ගේ අනන්‍යතාවය අහිමි වෙලා තිබෙනවා. විශ්වවිද්‍යාලයේ කාර්ය භාරය විය යුත්තේ දැනුම ගවේෂණය, නව සම්ප්‍රදායන් ව්‍යාවහාරයන්, දැනුම සමාජයට එකතු කිරීමේ කාර්ය භාරයයි විශ්වවිද්‍යාල සතුව තිබෙන්නේ. අපි අවුරුද්දේ හැමදාම උද්ඝෝෂණ කරන්නේ නැහැ. උද්ඝෝෂණ තියෙන්නේ දවසයි දෙකයි. ඒකත් පැය දෙකක්‌ විතර තියෙන්නේ. තුන්සිය හැටපස්‌ දවසේම ශිෂ්‍යයෝ ඉන්නේ දේශනවල. සමහර විශ්වවිද්‍යාලවල ශිෂ්‍යයන්ට පුස්‌තකාලයට යන්න වෙලාවක්‌ නැහැ. හිතවතෙකුගේ මළ ගෙදරකට යන්න වෙලාවක්‌ නැහැ. හැමදාම දේශන, හැමදාම එසයිමන්ට්‌, හැමදාම විභාග. ඒ අනුව මේ ගොල්ලෝ කියන විදිහට ගත්තොත් හොඳම අධ්‍යාපනයක්‌ විශ්වවිද්‍යාල තුළ තිබෙනවා. අද විශ්වවිද්‍යාල ඇතුලේ නැත්තේත් අධ්‍යාපනය. මේ ගොල්ලෝ ක්‍රියාත්මක කරපු ගමාසික ක්‍රමය හින්දා 80% වැනි ක්‍රමවේද හරහා දේශනවලට කොටු කරපු හින්දා අද විශ්වවිද්‍යාලවලින් බුද්ධිමතුන් බිහිවෙන්නේ නැහැ. අද විභාග ලියන අය ඉන්නවා. ක්‌ලාස්‌ දාන අය ඉන්නවා. හැබැයි අඩුම ගානේ ඉගෙන ගන්න විෂයයට අවම සාධාරණයක්‌වත් මේ ශිෂ්‍යයන්ට ඉටු කරන්න බැරි වෙලා තියෙනවා. ලංකාවේ තියෙන කාලකන්නි අර්ථික ක්‍රමය ප්‍රශ්න කරලා, ඒකට විකල්පයක්‌ බිහි කරන්න පුළුවන් ආර්ථික විද්‍යාඥයෙක්‌ මේ විශ්වවිද්‍යාලවලින් බිහිවෙලා තියෙනවද? කඩාවැටිච්ච, බිඳවැටිච්ච මේ දේශපාලන සංස්‌කෘතියට විකල්පයක්‌ ඉදිරිපත් කරන්න පුළුවන්, අලුත් දේශපාලන සංස්‌කෘතියක්‌ බිහිකරන්න පුළුවන් විචාරකයෝ හදලා තියෙනවාද? දේශපාලන විද්‍යාවට ක්‌ලාස්‌ ගහපු අය ඉන්නවා.


ප්‍රශ්නය - අවම වශයෙන් මූලික ඉගැන්වීම්වත් අද විශ්වවිද්‍යාලවල කෙරීගෙන යනවා. එම ඵලයත් ශිෂ්‍යයන්ට නෙලා ගන්න ශිෂ්‍ය දේශපාලනය ඉඩ දී නැහැ කියන චෝදනාව තිබෙනවා. අවම තරමේ ඔබවත් උපාධිය සම්පූර්ණ කර නැති බවට චෝදනා එල්ල වෙනවා.


පිළිතුර - මොකක්‌ද මේ කියන්නේ? විභාග පාස්‌ කරලා උපාධි සහතිකය ගන්න එකද අධ්‍යාපනය කියලා කියන්නේ ? ඒක නෙමෙයි අධ්‍යාපනය. ඒක වැරැදියි. විද්‍යාව හෝ කලාව හෝ සාහිත්‍යය හෝ දේශපාලනය, දර්ශනය ආදී විෂයයන් නිකම්ම, ආකාශ්මික ලෙස ද මේ ලෝකයට ආවේ නැහැ? ඒවා විද්‍යාඥයෝ, දාර්ශනිකයෝ ලොකු කැපවීම් කරලයි මානව සමාජයට දායාද කළේ. සමහර විද්‍යාඥයෝ කසාද බැඳලා නැහැ. දරුවෝ හදලා නැහැ. ඒ ගොල්ලෝ සමාජ ජීවිතයක්‌ ගත කරලා නැහැ. ඒ අය එම විෂයයන්වල සංවර්ධනය වෙනුවෙන් මුළු ජීවිතයම කැප කළා. එස්‌. බී. දිසානායකලා වගේ උපධිධාරීන් බිහි වීමයි ප්‍රශ්නෙ. එතකොට එස්‌. බී. දිසානායක වගේ ඇමැතිවරු බිහි කරන අධ්‍යාපනයක්‌ විශ්වවිද්‍යාලයෙන් නොදිය යුතුයි කියලයි අපි කියන්නේ. වාචාලයෝ නෙමෙයි, උගතුන් බුද්ධිමතුන් බිහි කරන තැනක්‌ බවට විශ්වවිද්‍යාල පත්විය යුතුයි. මේ අය කියන්නේ ඉස්‌සෙල්ලා ඔයා ගැන හිතන්න කියලා. සමහර අම්මලා තාත්තලා කියන්නෙත් එහෙමයි. සමහරු අපිටත් ඇත්ත ආදරයෙන් කියනවා ඔයා උපාධිය කරගන්න කියලා. ඇත්ත මම උපාධිය කරගන්න ඕනේ. එතකොට මම විතරද උපාධිය කරගන්න ඕනේ. මට පුළුවන්ද සාතිශයක්‌ බහුතර දරුවන්ට උපාධියක්‌ අහිමි වෙන තත්ත්වයක්‌ ඇතුළේ මගේ උපාධිය ගැන විතරක්‌ හිතන්න. මම කැමැතියි, මගේ උපාධියත් කරගෙන, අනිත් අයගේ උපාධියත් දිනා දෙන්න පුළුවන් නම්. හැබැයි මම අනිත් අයගේ උපාධිය දිනා ගැනීමේ සටනට මුහුණ දෙද්දී මට මගේ උපාධිය නැතිවුණා. මම ඒ ගැන කම්පා වෙන්නේ නැහැ. මම මගේ හෘද සාක්‍ෂියට අවංකයි. එස්‌. බී. දිසානායකලා හිතන්නේ මම, මම කියලා. ඒක මේ රටේ දේශපාලනයේ හැටි. ඒ නිරුවත් දේශපාලනය අපි කරන්නේ නැහැ. මම ගැන හිතලා රටක්‌ සමාජයක්‌ ගොඩදාන්න බැහැ. මේ රටේ සාතිශය බහුතරයක්‌ දෙමව්පියන්ගේ දරුවන්ට උපාධියක්‌ ගන්න පුළුවන් දවසට උපාධියක්‌ ගන්න මම කැමැතියි. එතුමාට අපි අභියෝගයක්‌ කරන්න කැමැතියි. අපි උපාධි කළෙත් නැහැ. ඒක අපි පිළිගන්නවා. එතුමා කියනවා නේ අපි මෝඩයෝ කියලා. ඒ කියන්නේ එතුමා බුද්ධිමත් කියලනේ. හරි අධ්‍යාපනය පිළිබඳ ප්‍රශ්නය කතා කරන්න එන්න ජනමාධ්‍ය ඉස්‌සරහට. අපි පෙන්වන්නම් කවුද මෝඩයා කියලා. අධ්‍යාපනය විතරක්‌ නෙමෙයි. දේශපාලනය හරි ආර්ථික විද්‍යාව හරි, සම්බන්ධව සංවාදයට එන්න කියලා අපි එස්‌. බී. දිසානායකට අභියෝග කරනවා.

සාකච්ඡා කළේ - මනෝජ් අබයදීර
Source - divaina.com

Sunday, June 2, 2013

විශ්වවිද්‍යාල ආචාර්යවරුන් කම්කරුවන් වීම පිළිබඳ ආඩම්බරයෙන් ලියමි

සී. ඒ. චන්ද්‍රප්‍රේම මහතා මැයි 26 වෙනි ඉරිදා දිවයින පුවත්පතට සපයා තිබූ ලිපිය විශ්වවිද්‍යාල ආචාර්යවරුන්ගේ වෘත්තීය සමිති ක්‍රියාකාරකම් සම්බන්ධ විවේචනයකට වඩා ඒ සම්බන්ධ අගය කිරීමක්‌ ලෙස සැලකීමට මම කැමැත්තෙමි. කෙසේ වෙතත් 'අගය කිරීම' නම් ඔහුගේ අභිප්‍රාය නොවූ බව පැහැදිලිය. ඔහුගේ ප්‍රධාන අභිප්‍රාය ලෙස පෙනෙන්නේ ඔහුම ප්‍රකාශ කරන ආකාරයට ''මේ සුපිරි පැලැන්තියේ උදවිය සාමාන්‍ය කම්කරුවන් මෙන් මහ පාරේ හැසිරෙන ප්‍රවණතාවය'' එළිදරව් කිරීමයි. කනගාටුවකට මෙන් චන්ද්‍රප්‍රේම මහතාට මතක්‌ කිරීමට සිද්ධවන්නේ එහි අමුතුවෙන් චන්ද්‍රප්‍රේම මහතා ලවා එළිදරව් කරවීමට කිසිවක්‌ ඇත්තේ නොමැති බවයි. මක්‌නිසාද යත් එය අපගේ අරමුණම වන හෙයිනි. ඒ මහතා ඉතාම නිවැරදිව ප්‍රකාශ කරන පරිදි ''පසුගිය 21 වනදා පවත්වන ලද වැඩ වර්ජනයේ තීරුබදු රහිත වාහන බලපත්‍ර ලාභී වෘත්තිකයන් පිරිසක්‌ මහ මග උද්ඝෝෂණය කළේ නම් ඒ විශ්වවිද්‍යාල ආචාර්යවරු පමණි''.

පසුගිය වසර තුනක පමණ කාලයක්‌ තිස්‌සේ අප නියෑළී සිටි අරගලය තුළ අත්පත් කර ගැනීමට උත්සාහ කළ ජයග්‍රහණ සම්බන්ධව මීට වඩා ඉහළ අගය කිරීමක්‌ තවත් කාගෙන් නම් ලබාගන්න ද?

චන්ද්‍රප්‍රේම මහතාගේ ලිපියේ මාතෘකාව 'විශ්වවිද්‍යාල ආචාර්යවරුන් කම්කරුවන් වීම' යන්නයි. ඇත්ත වශයෙන්ම විශ්වවිද්‍යාල ආචාර්යවරු ද කම්කරුවන් කොටසක්‌ වේ. කම්කරුවන් යනු තම ශ්‍රම ශක්‌තිය අලෙවි කොට ඊට වේතනයක්‌ ලබා ගන්නා අයයි. මේ නිර්වචනයට අනුව විශ්වවිද්‍යාල ආචාර්යවරු ද කම්කරුවන් කොටසක්‌ වෙති. ඒ නිසා චන්ද්‍රප්‍රේම මහතාගේ ලිපියේ මාතෘකාව ගැන කිසිවකු කලබල විය යුතු නැත.

ඉංග්‍රීසියෙන් ලිවීමට ඇති හැකියාව හැරුණු කොට චන්ද්‍රප්‍රේම මහතා බැරෑරුම් මාධ්‍යවේදියෙක්‌ ලෙස මම නොසලකමි. සාක්‌ෂි ඒ මහතාම සපයයි. මෙන්න ඒ මහතාගේ විදග්ධ වචන ''අප විශ්වවිද්‍යාලයේ සිටි සමයේ විශ්වවිද්‍යාල ආචාර්යවරුන්ට දැන් ලබන ආකාරයේ ඉහල වැටුප් තිබුණේ නැත. තීරුබදු රහිතව වාහන ගෙන්වා ගැනීමට බලපත්‍ර හෝ ණය පහසුකම් තිබුණේ නැත. ඒ කාලයේ ජ්‍යෙෂ්ඨ කථිකාචාර්යවරු පවා බස්‌වල යනු අපි අනන්තවත් දැක ඇත. නමුත් එදා ඔවුන් කම්කරුවන් මෙන් මහමග සටන්පාඨ කීවේ නැත. ඒ කාලයේ විශ්වවිද්‍යාල ආචාර්යවරු තම වෘත්තියේ ගරුත්වය රැකගෙන සිටිය හ.''

අඩුම තරමින් චන්ද්‍රප්‍රේම මහතා මෙවැනි සම්පප්‍රලාප ලිවීමට පෙර තමන් රැකියාව කරන දිවයින හා දි අයිලන්ඩ් පුවත්පත්වල විශ්වවිද්‍යාල ආචාර්යවරුන්ගේ වැටුප් ප්‍රශ්නය ගැන ලියෑවුණු කතුවැකි හෝ කියවා බැලීම උචිතය.

චන්ද්‍රප්‍රේම මහතා තරුණ කාලයේ මමත් තරුණයෙකි. ඒ මහතාත් මමත් එකම විශ්වවිද්‍යාලයේ ඉගෙන ගත්තා පමණක්‌ නොව එකම ශිෂ්‍ය සංගමයේ සාමාජිකයන් වීමු. ඒ මහතා ඒ කාලයේ විශ්වවිද්‍යාලවල සිටි පතාක යෝධයන් ලෙස හඳුන්වන අය මම ද දනිමි. නමුත් මේ පතාක යෝධයන් 'කම්කරුවන් මෙන් මහ මග සටන් පාඨ'' නො කීම ඒ අය පිළිබඳ අගය කිරීමක්‌ ලෙස දැක්‌වීම සම්බන්ධයෙන් නම් ඒ බොහොමයක්‌ දෙනා චන්ද්‍රප්‍රේම මහතා සමඟ දැඩි ලෙස කෝප වන බව නම් නො අනුමානය. මක්‌නිසාද යත්á මේ බොහොමයක්‌ දෙනා රැඩිකල් දේශපාලනය සමඟ සම්බන්ධව සිටි හෝ එය අගය කළ අය නිසා ය. විශේෂයෙන්ම කම්කරු ව්‍යාපාර සම්බන්ධව දැඩි අනුරාගයකින් කටයුතු කළ මහාචාර්ය කුමාරි ජයවර්ධන වැන්නියක්‌ චන්ද්‍රප්‍රේම මහතාගේ ප්‍රභූවාදී ප්‍රවාදය තහවුරු කිරීම සඳහා යොදාගනු ලැබ තිබීම අතිශය ෙ€දවාචකයකි. එපමණක්‌ නොව මහාචාර්ය ඔස්‌මන්ඩ් ජයරත්න, ඩොරික්‌ ද සූසා වැනි තම ඊනියා 'වෘත්තීය ගරුත්වය' සතපහකට ගණන් නොගෙන කම්කරුවන් සමඟ හරි හරියට ''මහ පාරේ හැසිරුණු'' පතාක යෝධයන් චන්ද්‍රප්‍රේමට අමතක වී ඇති හැඩයි.

චන්ද්‍රප්‍රේම මෙසේ කියයි( "අද විශ්වවිද්‍යාලයක ආචාර්යවරුන් හා සුළු සේවකයන් අතර වෙනසක්‌ නැත. අප තරුණ කාලයේ මහ පාරේ පුවරු ඔසවාගෙන සටන් පාඨ කෑගසන විශ්වවිද්‍යාල ආචාර්යවරුන් දුටුවේ නම් අප විශ්වවිද්‍යාලයට එන්නේද නැත" චන්ද්‍රප්‍රේම 'අප' යයි කියන්නේ කාටදැයි මම නොදනිමි. මා නම් දන්නා විදිහට එකල අපගේ පරමාදර්ශ වූයේ ඔස්‌මන්ඩ් ජයරත්න, කුමාරි ජයවර්ධන, නිව්ටන් ගුණසිංහ වැනි ගුරුවරුය. මේ අයට නම් "මහ පාරේ පුවරු ඔසවාගෙන සටන් පාඨ" කීම පිළිබඳව කිසිදු ගැටලුවක්‌ තිබුණේ නැත.

කෙසේ වෙතත් චන්ද්‍රප්‍රේම මහතා අප සමඟ ඇති දැඩි කේන්තිය නිසාදොa අල්ලේ පැළවෙන බොරු විශාල ප්‍රමාණයක්‌ ද කියා ඇත. සාමාන්‍යයෙන් අපගේ මහජන උද්ඝෝෂණවල "එන්න කියාපිය" "දෙන්න කියාපිය" වැනි වදන් භාවිත කරන්නේ නැත. එපමණක්‌ නොව අපගේ උද්ඝෝෂණවලදි සාමාන්‍යයෙන් හඬනඟා සටන් පාඨ කීමක්‌ සිදුවන්නේද නැත. අප කරන්නේ නිහඬව විරෝධතා පුවරු ප්‍රදර්ශනය කිරීම පමණි. ඒ සම්බන්ධව වැඩි දුර තොරතුරු චන්ද්‍රප්‍රේම මහතාට දිවයින පුවත්පතේම අපගේ මහජන උද්ඝෝෂණ ආවරණය කිරීමට පැමිණෙන මාධ්‍යවේදීන්ගෙන් අසා දැනගත හැක.

අපගේ ඉල්ලීම් ලැයිස්‌තුවේ 3.5.2.3 වගන්තියෙන් විශ්වවිද්‍යාල ආචාර්යවරුන්ගේ ළමුන් දෙදෙනකුට පෞද්ගලික පාසලකට ගාස්‌තු ගෙවීමට වෙනම දීමනාවක්‌ ඉල්ලා සිටියේ ය" යන්නද එවැනි ගල් පැලෙන බොරුවකි. මේ බොරුවව අපගේ වැඩවර්ජනය කාලයේ අපට විරුද්ධව දසදහස්‌ වරක්‌ යොදා ගනු ලැබූ එමෙන්ම අපද එවැනිම වාර ගණනක්‌ පිළිතුරු දෙනු ලැබූ කරුණකි. වෙනෙකක්‌ තබා මේ සම්බන්ධ තත්ත්වය මා චන්ද්‍රප්‍රේම මහතාට ද මගෙන් විමසන ලදුව පැහැදිලි කොට දී ඇත. ඒ මහතාට එම පැහැදිලි කිරීමට සවන් දීමට අවශ්‍ය නැත. අවුරුදු තිහකට ආසන්න කාලයක්‌ තිස්‌සේ චන්ද්‍රප්‍රේම මහතාගේ චින්තනය සම්බන්ධව කිට්‌ටු නිරීක්‌ෂකයෙක්‌ වන මට ඒ මහතා අනුගමනය කරන මෙම ගොබෙල්ස්‌ ක්‍රමය හොඳින් තේරුම් ගත හැක. ඒ සම්බන්ධව මට ඒ මහතාට කීමට ඇත්තේ මෙවැන්නකි. තම උපක්‍රමය පිළිබඳව සතුරා සියයට සියයක අවබෝධයක්‌ ඇතිව සිටින විට උපක්‍රමය ඵලදායක නොවන බවයි.

අපිට මීට තරමක්‌ වෙනස්‌ ලෙස ද චන්ද්‍රප්‍රේමගේ මේ පට්‌ටපල් බොරු දෙක දෙස බැලිය හැකිය. මේ කියන දේ සත්‍ය යෑයි අපි මොහොතකට විශ්වාස කරමු. එවිට අපිට මෙසේ විමසිය හැකිය. "ඔව් ඉතින් මොකද කියන්නෙ?" මහජන උද්ඝෝෂණවලදී "එන්න කියාපිය" "දෙන්න කියාපිය" වැනි වදන් භාවිත කිරීමේ ඇති වරද කුමක්‌ද? චන්ද්‍රප්‍රේම මහතා කතා කරන්නේ දේශපාලනයේ සදාචාරය ගැන නම් ඒ මහතා ගැන හොඳින් දන්නා මා වැන්නෙක්‌ සමඟ දේශපාලන සදාචාරය ගැන පැටලීමට පෙර ඒ මහතා දෙවරක්‌ සිතා බැලිය යුතුය.

කෙසේ වෙතත් පසුගිය කාලයේ අපගේ අරගලයේ මූලික අංගයක්‌ වූයේ විශ්වවිද්‍යාල ආචාර්යවරුන්ගේ වෘත්තීය අරගලය පොදුවේ සමස්‌ත කම්කරු පංතියේ අරගල සමඟ බද්ධ කිරීමයි. අපගේ අරගලයේ ශක්‌තිය වූයේ ද එයමයි. පසුගිය 21 වනදා පැවැති සංකේත වර්ජනය සම්බන්ධව චන්ද්‍රප්‍රේම මහතා නොදන්නවා සේ පෙනෙන කරුණක්‌ පැහැදිලි කිරීමට මම කැමැත්තෙමි. එම සංකේත වර්ජනයට සහභාගි වීමට තීන්දු කරනු ලැබූ සෑම පීඨයකම හා විශ්වවිද්‍යාලයකම එය සියයට සියයක්‌ම සාර්ථක විය. මා අයත් කොළඹ විශ්වවිද්‍යාලය සහ තවත් ස්‌ථාන කීපයක්‌ විවිධ හේතු මත (අවශ්‍ය නම් පසුව හේතු මොනවාදැයි දැක්‌වීමටද පුළුවන) වර්ජනයට සහභාගි විමට තීන්දු ගනු නොලැබූ බැවින් එම ස්‌ථානවල වර්ජනය ක්‍රියාත්මක නොවීය.

අපගේ ප්‍රකාශිත අරමුණ වන්නේ විශ්වවිද්‍යාල ආචාර්යවරු සමාජයේ වරප්‍රසාද භුක්‌තිවිඳිමින් ප්‍රභූ පංතියේ කොටසක්‌ ලෙස ජීවත් වන කොටසක්‌ බවට පත් කිරීම නොව තම අයිsතිවාසිකම් සම්බන්ධව සංවේදීවන සහ සටන් කරන අතරම සෙසු පීඩිත සමාජ කොටස්‌වල අයිතිවාසිකම් සම්බන්ධයෙන්ද සංවේදී වන සහ ඒ කොටස්‌වල අරගලවලට සක්‍රීය ලෙස දායක වෘත්තික කණ්‌ඩායමක්‌ බවට පත්කිරීමයි. ඇත්ත වශයෙන්ම අපට ඇති ගැටලුව වන්නේ පැහැදිලි ප්‍රායෝගික ගැටලු නිසා එය අපට අවශ්‍ය තරම් ප්‍රමාණවත් ලෙස සිදුකිරීමට නොහැකි වී තිබීමයි. කෙසේ වෙතත් චන්ද්‍රප්‍රේම මහතාගේ විවේචනයෙන් පෙනී යන්නේ අපගේ වෑයම තරමක්‌ දුරට හෝ සාර්ථක වී තිබෙන බවයි.

කෙසේ වෙතත් චන්ද්‍රප්‍රේම මහතාගේ චෝදනාව වන්නේ අපගේ ඊනියා ප්‍රභූවාදී ඉල්ලීම් සහ මෙම "කම්කරුවාදී" නැඹුරුව එකිනෙකට පරස්‌පර බවයි. චන්ද්‍රප්‍රේම අපගේ ඉල්ලීම් ලැයිස්‌තුවේ තිබුණායෑයි කියූ ඉල්ලීම් සත්‍ය යෑයි මොහොතකට සිතමු. ඒවා චන්ද්‍රප්‍රේම සඳහන් කරන ආකාරයේ සුපිරි ඉල්ලීම්ද? ඒවා සුපිරි ඉල්ලීම් වෙනවා නම් එසේ වෙන්නේ යම්කිසි වෘත්තිකයන් පිරිසක්‌ මෙම ඉල්ලීම් "අපිට පමණක්‌ දෙනු, වෙන කිසිවකුට නොදෙනු" යෑයි කියන්නේ නම්ය. මගේ අදහස වන්නේ මේ රටේ ඕනෑම පුරවැසියකුට තමන්ට තම දරුවන්ගේ අධ්‍යාපනයට වැයවන මුදල් රාජ්‍යයෙන් ඉල්ලා සිටීමට අයිතියක්‌ තිබෙන බවයි. ඒ මක්‌ නිසා ද යත් දෙමාපියන්ට තම දරුවන්ගේ අධ්‍යාපනය සඳහා අතින් වියදම් දැරීමට සිද්ධ වී තිබෙන්නේ රාජ්‍යය අධ්‍යාපනය සම්බන්ධ තම වගකීමෙන් ක්‍රමයෙන් ඉවත්වෙමින් සිටින නිසාය. චන්ද්‍රප්‍රේම මහතාගේ නරුම 'කොළපාට සමාජය' තුළ නම් මෙවැනි පහසුකම් ප්‍රභූන්ට පමණක්‌ වෙන් වූ වරප්‍රසාද වීම තේරුම් ගත හැකිය. නමුත් අප ගොඩනැංවීමට උත්සාහ කරමින් සිටින සමාජ-දේශපාලන කතිකාව තුළ අධ්‍යාපනය ලැබීම, යහපත් නිවසක ජීවත්වීම, අන්තර්ජාල පහසුකම් ලබා ගැනීම වැනිදේ අප සලකන්නේ සෑම පුරවැසියකුටම ලැබිය යුතු හිමිකම් ලෙසයි. ඒ නිසා මෙවැනි පහසුකම් සඳහා වෛද්‍යවරු, විශ්වවිද්‍යාල ආචාර්යවරු, මැති ඇමතිවරු වැනි පිරිස්‌ පමණක්‌ නොව කසළ ශෝaධක වෘත්තියේ නියෑළෙන්නන් පවා සටන් කළ යුතුය.

කථිකාචාර්යවරු බිඳවැටීම සම්බන්ධයෙන් චන්ද්‍රප්‍රේම මහතාගේ තුට්‌ටු දෙකේ කතාවලට වඩා බැරෑරුම් සාකච්ඡාවක්‌ විශ්වවිද්‍යාල ආචාර්යවරු අතරම ගොඩනැගෙමින් තිබෙන බව ඒ මහතාට මතක්‌ කර දිය යුතුය. එ පමණක්‌ නොව ඒ මහතාට මතක්‌ කරදිය යුතු තවත් දෙයක්‌ තිබේ. එනම් මේ මොහොතේ චන්ද්‍රප්‍රේම මහතා දේශපාලනමය වශයෙන් සහයෝගය දෙමින් සිටින්නේ පරිහානියට පත් විශ්වවිද්‍යාල එයින් ගොඩගැනීමේ ව්‍යාපෘතියට නොව ඒ ක්‍රියාවලිය පරිසමාප්තියට පත්කොට විශ්වවිද්‍යාලවල මළ බෙරය වැයීමේ ව්‍යාපෘතියට බවයි. මෙහිදී ඒ මහතාට අවශ්‍ය නම් සුළු පරීක්‌ෂණයක්‌ සිදුකර බලන ලෙස යෝජනා කිරීමට කැමැත්තෙමි. එනම් විශ්වවිද්‍යාලවල පරිහානියේ වර්තමාන හොඳම ප්‍රතිඵල ලෙස සැලකිය හැකි කථිකාචාර්යවරුන් ගැවසෙන්නේ කොහේ ද යන්නයි. චන්ද්‍රප්‍රේම මහතාත් ගැවසෙන ආණ්‌ඩුවේ විවිධ ආයතනවල සහ ඇමතිවරුන්ගේ අගුපිල්වලින් එවැනි කථිකාචාර්යවරු විශාල වශයෙන් සොයාගැනීමට ඒ මහතාට හැකිවනු ඇත. එසේම පතාක යෝධයන් ලෙස චන්ද්‍රප්‍රේම මහතාගෙන් බුහුමන් ලබන පිරිසෙන් දැනට ජීවත්වන අය පසුගිය විශ්වවිද්‍යාල ආචාර්යවරුන්ගේ අරගලය සම්බන්ධයෙන් දක්‌වනු ලැබූ ආකල්පයත් අවශ්‍ය නම් සොයා බැලීමට ඒ මහතාට පුළුවන. එවිට ඒ මහතාට විශ්වවිද්‍යාල අර්බුදය තුළ තමන්මවත් නිවැරදිව ස්‌ථානගත කර ගැනීමට හැකියාව ලැබෙනවා ඇත.

නිර්මාල් රංජිත් දේවසිරි

Wednesday, May 1, 2013

මැයි දින උපත හා අරුත!

May day
අප සතු සෑම වරප්‍රසාදයක්‌ම කිසියම් කාලයක, කිසියම් වකවානුවක කවර හෝ ජන කොටසක්‌ විසින් කරන ලද වෘත්තීය සටන්වල ප්‍රතිඵලයක්‌ ලෙස අප අමතක කළ යුතු නොවේ.

වරප්‍රසාද දිනා ගැනීමට සිදුකළ වෘත්තීය සටන් කෝටි සංඛ්‍යාත වැඩකරන ලෝක ජනතාව ජීවිත පරිත්‍යාගයෙන් ගෙනගිය සටන්වල ප්‍රතිඵලයක්‌ වන අතර කම්කරුවන්ගේ දිනය වන මැයි දිනය බිහිවන්නේද එලෙසය. වැඩකරන ජනතාවගේ උරුමයක්‌ වන මැයි දිනය මේ වන විට අවස්‌ථාවාදී දේශපාලනඥයින් විසින් සින්නක්‌කර අයිතියට පවරාගෙන භුක්‌ති විඳින බව අප සැමට ඇස්‌ පනාපිට පෙනෙන්නට ඇත.

ඒ කෙසේ වෙතත් කම්කරුවන්ගේ උත්කෘෂ්ඨ සැමරුම් දිනයක්‌ වන මැයි දිනය දේශපාලන පක්‍ෂවල නාඩගම් උළෙලක්‌ විය යුතු නැති අතර එම දිනය බිහිවුණේ කෙසේද යන්න අප විමසා බලමු.

කාර්මික යුගයේ මුල් අවධියේදී (1760-1830) කම්කරුවන් ගත කළ ජීවිතය අතිශය ශෝචනීය එකක්‌ විය. කර්මාන්ත හිමියන්ගේ අධික ලාභ ඉපැයීමේ අරමුණ නිසා කම්කරුවෝ දිනකට පැය පහළොවක පමණ කාලයක්‌ වැඩකළ යුතුවූ අතර ඉන්න හිටින්න තැනක්‌ හෝ නිසි ආහාරයක්‌ ඔවුනට නොවීය.

මෙම තත්ත්වයෙන් මිදීමට බුද්ධිමත් කම්කරු නායකයන්ගේ මෙහෙවීම යටතේ වෘත්තීය සමිති මගින් සංවිධානය වූ කම්කරු ජනතාව උද්ඝෝෂණ කරන්නට වූහ. ඒ අනුව එංගලන්තය, ඇමරිකාව, ජර්මනිය,

ප්‍රංශය වැනි සෑම රටකම වෘත්තීය සමිති බිහිවන්නට විය.

වැඩ කිරීමට යහපත් තත්ත්වයක්‌, සරිලන වැටුපක්‌ පැය අටක වැඩ දිනයක්‌, මිනිස්‌ අයිතිවාසිකම් යන ප්‍රධාන ඉල්ලීම් මුල්කර ගනිමින් උද්ඝෝෂණ ඇති වන්නට විය.

වෘත්තීය සටන් තීව්‍රර වුවද පාලකයින් හා කර්මාන්ත හිමියන් එම සටන් අඩපණ කිරීමට නොයෙකුත් ක්‍රියාමාර්ග ගත් අතර මේ හේතුවෙන් 1884 දී රැස්‌වූ සංවිධානය වූ කම්කරුවන්ගේ සමිති සම්මේලනය 1886 මැයි පළමු වැනිදා සිට නිත්‍යානුකූලව වැඩකරන කාලය පැය අටක්‌ බවට කම්කරුවන් විසින්ම සම්මත කර ගත යුතු බවට තීරණය කෙරිණි. ඒ සඳහා 1886 මැයි 01 වැනිදා මහා වැඩවර්ජනයක්‌ කිරීමටද තීරණය විය.

ඒ අනුව 1886 මැයි 01 වැනි දින ඇමරිකා එක්‌සත් ජනපදයේද ප්‍රධාන කාර්මික නගරවල පැය අටක වැඩ කරන දවසක්‌ ඉල්ලා උද්ඝෝෂණ දියත් විය.

මරණය සඳහා රට පුරා විසිරුණු කර්මාන්ත ශාල එකොළොස්‌ දහසකට අධික සංඛ්‍යාවක කම්කරුවෝ ලක්‍ෂ හතරකට ආසන්න සංඛ්‍යාවක්‌ එක්‌ වූහ.

වැඩ වර්ජනය ආරම්භයත් සමගම ඇමරිකා එක්‌සත් ජනපදයේ කම්කරුවන්ගේ උද්ඝෝෂණ ඒ පිළිබඳව වැඩි වන්නට විය. චිකාගෝ නුවර කර්මාන්ත ශාලා වැඩපළවල සේවා ඇන හිටිනි.

ඇමරිකානු ධනපති පන්තිය මෙම අරගලය පිළිබඳව දැඩි තැති ගැන්මට හා කණස්‌සල්ලට පත්වූ අතර එරට පුවත්පත් භයානක කොමියුනිස්‌ට්‌ තර්ජනයක්‌ පිළිබඳව අනතුරු ඇඟවීම් කරන්නට විය.

කම්කරු සටන්වල තිබූ උද්ෙHdගයක්‌ තීව්‍රර බවත් නිසා චිකාගෝ නගර ප්‍රධානීන් සහ ධනපති පන්තිය කම්කරු සටන් ව්‍යාපාරය තහනම් කිරීමට සහ කඩාකප්පල් කිරීමට අර අඳිමින් සිටියහ. විශාල පොලිස්‌ හා හමුදා නගරයට කැඳවීමට ඔවුන් කටයුතු කළ අතර කුලී හේවායින්ද ඒ අතර විය.

එහි කම්කරු සටන මෙහෙය වූ කම්කරු නායක ඇල්බට්‌ පාර්සන්ස්‌ සහ ඔහුගේ සහායක ඔගස්‌ටස්‌ ස්‌පයස්‌ අත්අඩංගුවට ගැනීමට පොලිසිය සූදානම් විය.

කම්කරු සටනට සහාය නොදුන් චිකාගෝ නුවර ප්‍රධාන සමාගමක්‌ මැයි 03 වැනිදා සටනට සහාය දැක්‌වීමත් සමගම කම්කරු සටන වඩාත් තීව්‍රර වන්නට විය. මේ අතර වැඩ වර්ජනය කඩාකප්පල් කිරීමට පොලිස්‌ රැකවරණ යටතේ යෙදූ කුලී හේවායන්ට විරුද්ධත්වය පළ කිරීම සඳහා කම්කරුවෝ රැස්‌වීමක්‌ සංවිධානය කරන්නට වූහ. මෙම රැස්‌වීමේදී නිරායුද කම්කරුවන්ට පොලිසිය විසින් ජීව උණ්‌ඩ යොදා ගනිමින් වෙඩි ප්‍රහාර එල්ල කළ අතර එහිදී කම්කරුවන් සිවු දෙනෙකු මියගොස්‌ තවත් විශාල පිරිසක්‌ තුවාල වූහ.

ඊළඟ දිනයේදී එනම් මැයි 04 වැනිදා පොලිසිය එම දුෂ්ඨ ක්‍රියා මාර්ගයට එරෙහිව විරුද්ධත්වය ප්‍රකාශ කිරීමේ රැස්‌වීමක්‌ "හේ මාර්කට්‌" චතුරශ්‍රයේ පැවැත්වීමට කම්කරුවෝ තීරණය කළහ.

ඒ සඳහා පුරපතිවරයාගේ අනුමැතියද අවසරයද හිමිවිය. රැස්‌වීම පස්‌වරු 8.00 ට පමණ ආරම්භ කරමින් කම්කරු නායක ඇල්බට්‌ පාර්සන්ඩ් අදහස්‌ දැක්‌වීය. ඉන් අනතුරුව කම්කරු නායකයින් දෙදෙනකු වන ස්‌පයස්‌ සහ µsල්ඩන් අදහස්‌ දැක්‌වූ අතර ඒ වන විට වෙලාව රාත්‍රි 10.00 ට ආසන්න වෙමින් තිබිණි. දැඩි වර්ෂාව හේතුවෙන් රැස්‌වීම අවසන් කෙරුණු අතර රැස්‌වීමට එක්‌ව සිටි පුරපතිවරයා සහ පර්සන්ස්‌ ඇතුළු කම්කරුවන් කොටසක්‌ ඉන් ඉවත්ව ගොස්‌ සිටියේය.

මේ අතරතුර කැප්ටන් බොන්µsල්ඩ් යටතේ පොලිස්‌ නිලධාරීන් 2000 ට අධික පිරිසක්‌ චතුරශ්‍රය තුළට ඇතුළු වන්නට විය. කැප්ටන් බොන්µSල්ඩ් ඉතිරිව සිටි කම්කරුවන්ට වහාම ඉන් ඉවත්වන ලෙස දන්වන ලදී. මෙහිදී කම්කරු නායකයකු වන ටී. µsල්ඩන් මෙම රැස්‌වීම සාමකාමී රැස්‌වීමක්‌ බව කැප්ටන්වරයා වෙත දන්වන ලදී.

එම සාකච්ඡාව එසේ සිදුවද්දී යම් අයකු විසින් අත්බෝම්බ ප්‍රහාරයක්‌ එයට එල්ල කළ අතර එය සටනක්‌ ඇරඹුමට සංඥවක්‌ බඳු විය. එම බෝම්බය එල්ල කළේ කවුරුන්ද යන්න අනාවරණය නොවුණු අතර ඔහු පොලිසිය විසින් කුලියට ගත් මැරවරයකු ලෙස සැලකේ.

මෙම බෝම්බ ප්‍රහාරයෙන් එක්‌ අයකු මරු තුරුළට ගිය අතර පස්‌ දෙනෙකුට තුවාල සිදුවිය. අනතුරුව සිදුවූ උණුසුම්කාරී තත්ත්වයේදී පොලිසිය විසින් කිසිදු ඉවක්‌ බවක්‌ නොමැතිව කම්කරුවන්ට බැටන් ප්‍රහාර හා වෙඩි ප්‍රහාර එල්ල කරන්නට විය. එහිදී කම්කරුවන් හය දෙනෙකු මරණයට පත්වූ අතර තුන්සියයකට අධික පිරිසක්‌ බරපතළ තුවාල ලැබූහ. පෙළපාලිකරුවන් අත තිබූ සුදු කොඩි ලෙයින් තෙමී රතු පැහැ ගැන්විය. මැයි දිනය ලෙසින් රත්වූයේ එලෙසය.

පසුව පොලිසිය විසින් නගරය දැඩි සෝදිසියට ලක්‌ කළ අතර කම්කරු සංවිධාන මූලස්‌ථාන, මුද්‍රණාල, සැකකටයුතු ස්‌ථාන දැඩි පරීක්‍ෂාවට ලක්‌ කෙරිණි. කම්කරුවන් දැඩි හිංසාවට ලක්‌ කළ අතර සිය ගණනක්‌ කම්කරුවන් සිර භාරයට ගන්නා ලදි.

කම්කරුවන්ගේ රුධිරයෙන් පළමු මැයි දිනය තෙත් කිරීමට පොලිසිය කටයුතු කළ අතර ලෝක වැඩ කරන ජනතාවගේ සටන්කාමී සංකේතය "රතු" වූයේ එලෙසය. එදා සිට කම්කරු කොඩිය රත්පැහැ ගැන්විය.

කම්කරුවන්ගේ ලෙයින් රත්වූ මැයි දිනයේදී වෘත්තීය අයිතීන් ගැන සටන්කාමී ස්‌මරණය කරනු විනා නාඩගම් නටා විකාරරූපී සංදර්ශන පවත්වා දේශපාලන විළි වසා ගැනීමට කටයුතු කළයුතු නොවේ.

සිරිමන්ත රත්නසේකර(Divaina)

Monday, April 29, 2013

විදෙස් සිසුන් ගෙන්වා ගැනීමට පෙර අපේ රටේ සිසුන්ට සරසවි වරම් ලබා දෙනු - SSU

අප රටේ ශිෂ්‍යයන්ට අවස්ථාව අහිමි කර විදෙස් සිසුන්ට රටේ අධ්‍යාපනය විකිණීමේ ආණ්ඩුවේ ක‍්‍රියාමාර්ගයට සමාජවාදී ශිෂ්‍ය සංගමය සිය දැඩි විරෝධය පලකර සිටින බවත් සිය පුරාජේරුව වෙනුවෙන් එස්.බී. දිසානායක ඇමතිවරයා ඇතුළු ආණ්ඩුව සිදුකරන මෙම නින්දිත කටයුත්ත වහාම නතරකර එම මුදල් රාජ්‍ය විශ්වවිද්‍යාල සංවර්ධනයට යොදවා, අපේ රටේ සිසුන් වැඩි ප‍්‍රමාණයක් බඳවා ගැනීමට කටයුතු කරන ලෙස අපි ආණ්ඩුවට බලකර සිටින බවත් සඳහන් කරමින් සමාජවාදී ශිෂ්‍ය සංගමය විසින් මාධ්‍ය නිවේදනයක් නිකුත් කර ඇත.

එම ශිෂ්‍ය සංමයේ ජාතික සංවවිධා‍යක නලින්ද ජයතිස්ස මහතාගේ අත්සනින් යුතුව නිකුත් කර ඇති එම නිවේදනයේ මෙසේද සඳහන්වේ.

"මෙරට රාජ්‍ය විශ්වවිද්‍යාල සඳහා පැමිණෙන විදෙස් සිසුන්ට නොමිලේ ගුවන් ටිකට් පත් හා ශිෂ්‍යත්ව ඇතුළු වරප‍්‍රසාද රැසක් ලබාදීමට උසස් අධ්‍යාපන අමාත්‍යංශය තීරණය කර ඇත. ඒ සඳහා හඳුනාගත් රටවල් 48ක ශිෂ්‍යයන්ට ශිෂ්‍යත්ව 100ක් ලබාදීමට 2011 වසරේ කටයුතු කල ද පැමිණ ඇත්තේ පකිස්ථානය, පලස්තීනය හා කෙන්යාව යන රටවලින් සිසුන් 05 දෙනෙකු පමණි.

අපේ රටේ විශ්වවිද්‍යාල සිය උසස් අධ්‍යාපන කටයුතු සඳහා විදෙස් සිසුන් විසින් තෝරා ගනු ලබයි නම් එය ඉදිරිගාමී පියවරකි. එමගින් පෙන්නුම් කරන්නේ අපේ රාජ්‍ය විශ්වවිද්‍යාල පද්ධතිය එවැනි තෝරා ගැනීමක් සඳහා ගුණාත්මකව සංවර්ධනය වී ඇති බවයි. එය ජාත්‍යන්තර ශ්‍රේණිගත කිරීම්වලදී ලංකාවේ රාජ්‍ය විශ්වවිද්‍යාලවලට ඉහළ ලකුණු හිමිවීමට හේතු වනු ඇත.

එහෙත් ආණ්ඩුව මේ කරමින් සිටින්නේ එවැනි කටයුත්තක් නොවේ. මහින්ද චින්තනයට අනුව ආණ්ඩුව පාරම් බෑවේ ලංකාව ආසියාවේ පංච බල කේන්ද්‍රය කරනා බවය. එනම් නාවික, ගුවන්, බලශක්ති, දැනුම, තොරතුරු තාක්‍ෂණය යන ක්ෂේත‍්‍රවල මහා පෙරලියක් සිදුකරනා බවයි. ලංකාව දැනුමේ කේන්‍ද්‍රස්ථානය බවට පත් කර චීනය, ඉන්දියාව වැනි රටවල සිසුන්ගෙන් මෙරට විශ්ව විද්‍යාල පුරවන බවය. එහෙත් නාවික කේන්‍ද්‍රයට ඉදිකල වරායට නැව් නොඑනා සේ, ගුවන් කේන්ද්‍රයට ඉදිකල ගුවන් තොටුපලට ගුවන් යානා නොඑනා සේ , බලශක්ති කේන්ද්‍රයට ඉදිකල විදුලි බලාගාර හැමදාම අක‍්‍රීය වී ඇතිවා සේ, දැනුමේ කේන්ද්‍රයටද විදෙස් සිසුන් පැමිණියේ නැත. දැන් ආණ්ඩුව සිදු කිරීමට උත්සාහ කරන්නේ ගුවන් ටිකට්පත්, වීසා,ශිෂ්‍යත්ව වැනි අල්ලස් ලබාදී කවර හෝ විදෙස් සිසුවකුගෙන් විශ්වවිද්‍යාල පිරවීමටය. ලංකාවේ විශ්වවිද්‍යාල වලට විදෙස් සිසුන් ගෙන්වා ගැනීම යනු හික්කඩුව හෝ ගල්කිස්ස මුහුදු වෙරළෙන් අහුලා ගන්න සුද්දන් විශ්වවිද්‍යාලවල වාඩි කරවීම නොවන බව ආණ්ඩුව තේරුම් ගත යුතුය.

අනෙක ආණ්ඩුව ශිෂ්‍යත්ව ලබාදීම හරහා සුදුසුකම් නැති විදෙස් සිසුන්ගෙන් අපේ රටේ විශ්වවිද්‍යාල පිරවීමට උත්සාහ දරන විට අ.පො.ස. උසස් පෙල "A" සමාර්ථ 3ක් ලබාගත් දහස් ගණනක් අපේ රටේ සිසුන්ට විශ්වවිද්‍යාලයක පස් පෑගීමට පවා වරම් අහිමි කර ඇත. වාණිජ විෂය ධාරාවෙන් "A" 3 ලබාගත් 3500ක් පමණද ගණිත විෂය ධාරාවෙන් පැරණි විෂය නිර්දේශයට පෙනී සිට "A" 3 ලබාගත් සිසුන් සිය ගණනකටද කළමනාකරණ හො ඉංජිනේරු පීඨ නොව විශ්වවිද්‍යාල ප‍්‍රවේශය පවා අහිමි වී ඇත. මෙවැනි අවස්ථාවක ජනතාවාදී, දේශපේ‍්‍රමී යයි කියාගන්නා ආණ්ඩුවක වගකීම එම දේශීය සිසුන් සියළු දෙනාට සරසවි වරම් හිමි කර දීමද? නැත්නම් ශිෂ්‍යත්ව ඇතුළු අල්ලස් ලබා දී කෙන්යාවෙන්,නයිජීරියාවෙන් ගෙන්වා ගන්නා විදෙස් සිසුන්ගෙන් අපේ රටේ විශ්වවිද්‍යාල පිරවීමද?.

අප රටේ ශිෂ්‍යයන්ට අවස්ථාව අහිමි කර විදෙස් සිසුන්ට රටේ අධ්‍යාපනය විකිණීමේ ආණ්ඩුවේ මෙම ක‍්‍රියාමාර්ගයට සමාජවාදී ශිෂ්‍ය සංගමය සිය දැඩි විරෝධය පලකර සිටී. සිය පුරාජේරුව වෙනුවෙන් එස්.බී. දිසානායක ඇමතිවරයා ඇතුළු ආණ්ඩුව සිදුකරන මෙම නින්දිත කටයුත්ත වහාම නතරකර එම මුදල් රාජ්‍ය විශ්වවිද්‍යාල සංවර්ධනයට යොදවා, අපේ රටේ සිසුන් වැඩි ප‍්‍රමාණයක් බඳවා ගැනීමට කටයුතු කරන ලෙස අපි ආණ්ඩුවට බලකර සිටිමු."

Saturday, April 27, 2013

හොරකම් කරපු මුදලින්, හොර තිප්පලකට දාන දෙනවා වගේ වැඩක් - වෛද්‍ය පීඨ ශිෂ්‍ය කි‍්‍රයාකාරී කමිටුව

‘‘ආණ්ඩුව මාලඹේ උපාධි කඩය පවත්වගෙන යන්න පුළුවන් උපරිම මැදිහත්වීම කරමින් ඉන්නවා. ඒ පිළිබඳව ජනතාව තුළ යහපත් චිත‍්‍රයක් හදන්න නිරුවතින් රඟන තත්වයකට දැන් පත්වෙලා. ජනාධිපතිවරයාගේ සිට එක පෙළට පහළට සියළු දෙනා දැන් මේ රංගනයට සහභාගී වෙලා. අධ්‍යාපනය ලැබීමට ඇති අයිතිය තව දුරටත් පැවතිය යුතුයි කියලා හිතන සියළු දෙනා මේ තත්වය පරාජය කරන්න පෙරට ආ යුතුයි කියලා අපි ඉල්ලා සිටිනවා.’’

වෛද්‍ය පීඨ ශිෂ්‍ය කි‍්‍රයාකාරී කමිටුවේ කැඳවුම්කරු නජිත් ඉන්දික සහෝදරයා මෙම අදහස් ප‍්‍රකාශ කළේ පසුගිය 25 වන බ‍්‍රහස්පතින්දා මරදාන CSR ශාලාවේ පැවති මාධ්‍ය හමුවකදී

වැඩි දුරටත් අදහස් දැක්වූ ඒ සහෝදරයා...

වෛද්‍ය පීඨ ශිෂ්‍ය කි‍්‍රයාකාරී කමිටුව විදිහට මෙහෙම මාධ්‍ය හමුවක් සූදානම් කරන්න ආසන්න හේතූන් දෙකක් තියනවා. පළමුවැන්න තමයි පසුගියදා ජනාධිපතිවරයා අතින්, ජනාධිපති අරමුදලෙන් මාලඹේ පෞද්ගලික වෛද්‍ය විද්‍යාලයට ශිෂ්‍යයන් දස දෙනෙකුට ශිෂ්‍යත්ව ලබා දීම. අනෙක් කාරණාව තමයි අගමැතිවරයා ඇතුළු පිරිස විසින් එම ආයතනයට අනුබද්ධ ශික්ෂණ රෝහලක් විවෘත කිරීම. පසුගිය අපේ‍්‍රල් මාසයේ මුල් සතියේ මේ සිද්ධීන් දෙකම සිද්ධවුනේ දැවැන්ත මාධ්‍ය සංදර්ශන සහිතව. බලා හිටපු ජනතාවට ‘‘මේක නම් මාරයි’’ කියලා හිතෙන තරමට ආණ්ඩුව මේ සඳහා මැදිහත් වෙලා තිබුණා. අපි අද මාධ්‍ය හමුව පවත්වන්නේ ඒ කියන විදිහට මේක මාර නෑ, මේක සමස්ත සමාජයක අනාගතයට මරු කැඳවනවා කියන යථාර්තය පැහැදිලි කරන්න.

2008 වසරේ ඉදිකරපු මාලඹේ SAITM ආයතනයට ආණ්ඩුවේ සෘජු අනුග‍්‍රහය ලැබෙන්න පටන් ගත්තේ 2010 මහින්ද රාජපක්ෂ ජනාධිපතිවරයාගේ වත්මන් ආණ්ඩුව පත්වුනායින් පස්සේ. උසස් අධ්‍යාපන ඇමති කමට එස්.බී. මහත්තයා පත්වීමෙන්ම ආණ්ඩුවේ අධ්‍යාපන ප‍්‍රතිපත්තිය පැහැදිලි වෙනවා. ඔවුන් තමන්ගේ උසස් අධ්‍යාපන ප‍්‍රතිපත්තිය අධ්‍යාපන පෞද්ගලීකරණයයි, පෞද්ගලික විශ්ව විද්‍යාල ඉදිකිරීමයි කියන එක ඉතිහාසයේ පළමු වතාවට නිළ වශයෙන් පිළිගත්තා, ඒ අනුව කටයුතු කිරීම ඇරඹුවා. ඒ අනුව තමයි 2011 සැප්තැම්බර් මාසයේ ඉදිරිපත් කළ විශේෂ ගැසට් පත‍්‍රයක් මඟින් මාලඹේ ඒ උපාධි විකුණන ආයතනයට රෝහලක් ඉදිකරගන්නය කියලා රුපියල් මිලියන 600 ක මුදලක් ලබා දෙන්නේ. එහෙම කරන්නේ අවසන් වසර නිමකරන්න අවශ්‍ය පහසුකම් නැතිව, ඒවාට අවශ්‍ය ප‍්‍රතිපාදන වෙන් කරන්නේ නැතිව රජරට වෛද්‍ය පීඨයේ ශිෂ්‍යශිෂ්‍යාවන්ගේ ජීවිත අවුරුද්දකට අධික කාලයකින් පසුපසට ගියපු යථාර්තයක් ඇතුළේ. අනෙක් විශ්ව විද්‍යාලවල තත්වයත් මේකම තමයි.

ශිෂ්‍යයන්ගේ උසස් අධ්‍යාපනය ගැන ඒ ආකාරයේ දැක්මකින් ඉන්න ආණ්ඩුව තමයි ශිෂ්‍යයන් 10 දෙනෙකුට සරසවි වරම් දෙන්න මේ තරම් දඟලන්නේ. ඒකත් දැවැන්ත මාධ්‍ය සංදර්ශනයක් එක්ක. මුලින්ම කැබිනට් ප‍්‍රකාශක මාධ්‍යයට කියනවා උසස්පෙළ ඉහළින් සමත්වෙලා සරසවි අවස්තා නොලැබුණු සිසුන් ගැන ජනාධිපතිවරයට හුඟක් දුක හිතිලය වගේ කතාවක්. ඊට පස්සේ ජනාධිපතිවරයම රැස්වීම කිහිපයක කියනවා මොනවා හරි කරන්න ඕන මේකට, මාර ප‍්‍රශ්නයක්, ශිෂ්‍යයෝ ගොඩක් ඉහළින් උසස්පෙළ සමත් වෙලා සරසවි අවස්තා නොලැබී ඉන්නවා කියලා. ඊට පස්සේ තමයි විසඳුම විදියට මාලඹේ උපාධි විකුණන ආයතනයට ශිෂ්‍යත්ව 10 ක් ලබා දෙන්නේ මාධ්‍ය එහෙම කැඳවලා. අපි අහනවා දැන් හරිද කියලා. දැන් මේ හදන්නේ ජනතාවගේ අධ්‍යාපනය විනාශ කරන මෙවැනි උපාධිකඩ වලට ඒවායේ යථාර්තය වහලා, පුණ්‍යායතන වගේ ප‍්‍රතිරූපයක් හදන්න.

අනෙක තමයි ශික්ෂණ රෝහලක් විවෘත කිරීම. ඔවුන් කියනවා මෙය ඇඳන් 1001ක් සහිතව ලංකාවේ මෙතුවක් කාලයකට ඉදිකරපු විශාලතම ශික්ෂණ රෝහලයි කියලා. අගමැතිවරයා තමයි ඒක විවෘත කරන්න සහභාගී වෙන්නේ. අපිට ඒ සම්බන්දව පැහැදිලි කිරීමක් තියනවා. අනෙක් කාරණා සියල්ලම නොසලකා හැරියත් අපි දන්නවා ලංකාව ඇතුළේ පෞද්ගලික රෝහලකින් අධ්‍යාපනය දීලා වෛද්‍යවරයෙක් බිහිකරනවා කියන එක යථාර්තයක් නෙමෙයි. මොකද ඇඳන් තිබුණට ඇඳන් වලට බෑ වෛද්‍යවරු හදන්න.

අපි තේරුම් ගත යුතුයි ඇයි මෙහෙම වෙන්නේ කියන කාරණාව. උසස් අධ්‍යාපනය මුළුමනින්ම අඩපණ කරලා ඒ නිසා අර්බුදයක් මතුවෙනකොට, ඒ අර්බුදය විකුණන් කෑමක් තමයි මේ සිදුකරන්නේ. ජනාධිපතිවරයා ජනතාවගේ මුදල්වලින් ගෙවලා මාලඹේට ශිෂ්‍යයන් 10 දෙනෙක් යවනවා. මේක නිකන් හොරකම් කරලා දාන දෙනවා වගේ වැඩක්.

ජනතාවගෙන් අපි ඉල්ලන්නේ මේ දේවල්වල සැබෑව තේරුම් ගන්න කියලා. එහෙම නැතුව ජනාධිපති ඇතුළු නඩය කරන මේ මාධ්‍ය සංදර්ශන වලින් ඇස් නිලංකාර කරගත්තොත් අනිවාර්යෙන්ම ඒ අතරේ පිටිපස්සෙන් ඇවිත් පොල්ලකින් ගහනවා ජනතාවගේ ඔලූවටම. ඒක තමයි ඇත්ත.

අපි තව උදාහරණයක් කියන්නම්. අපි දිගටම අරගල කළා වෛද්‍ය අධ්‍යාපනය නංවන්න නම්, පෞද්ගලික විශ්ව විද්‍යාල හකුළා ගන්නා ලෙසත්, ඒ වගේම රජයේ වෛද්‍ය පීඨ පුළුල් කරන්න සහ වෛද්‍ය පීඨ නැති විශ්ව විද්‍යාලවල අලූතෙන් වෛද්‍ය පීඨ ඇති කරන්න කියලා. සබරගමුව විශ්ව විද්‍යාලයේ ප‍්‍රධාන සැලැස්මේ සඳහන් වෙනවා 2010 වසර වෙද්දි වෛද්‍ය පීඨයක් ඉදිකරලා පළමු කණ්ඩායම බඳවාගන්න. ඒ සඳහා රත්නපුර රෝහල ශික්ෂණ රෝහලක් වශයෙන් නම් කරලා තියෙන්නේ. වෛද්‍ය පීඨය ඉදිකිරීමට ඒ ආසන්නයේ ඉඩම් පවා වෙන්කරලා තියෙන්නේ. නමුත් එවැන්නක් සිදුකරන්නේ නෑ. ජනාධිපතිවරයා ඇතුළු ආණ්ඩුවට පොඩි හරි අවශ්‍යතාවයක් තියනවනම් උසස්පෙළ ඉහළින් සමත් වුණු කාටත් සරසවි අවස්තා ලබා දෙන්න කළ හැකි, කළ යුතු දේවල් ඕන තරම් තියනවා. සබරගමුව වෛද්‍ය පීඨය ගොඩනැඟුවා නම් 10 දෙනෙකුට නෙමෙයි, තවත් සිසුන් 200කට ඉගෙනගන්න අවස්තාව ලැබෙනවා. අපි මේ රටේ සියළු දෙනාගෙන්ම ඉල්ලා සිටින්නේ මේ කරන බොරුව තේරුම් ගන්න කියලා.

මේ කරන්න හදන්නේ මේ රටේ පවතින අධ්‍යාපන ක‍්‍රමය අංශක 180 කින් හරවන්න. ඒකට මුදල් දෙනවා, සහතික දෙනවා, මාධ්‍ය අනුග‍්‍රහය දක්වනවා විතරක් නෙමෙයි මේ ජාතියේ නාට්‍ය පෙන්වන්න පවා ජනාධිපතිගේ සිට පහළට ආණ්ඩුව එක පෙළට සූදානම් වෙලා ඉන්නේ. අපිට මේක තවත් එක පෞද්ගලික වෛද්‍ය විද්‍යාලයක් නෙමෙයි. ආණ්ඩුව අධ්‍යාපන ක‍්‍රමයම පෞද්ගලීකරණය කරන්න, අධ්‍යාපනයත් තවත් එක වෙළඳ භාණ්ඩයක් බවට පත් කරන්න යන ගමනේ, යන පෙරහැරේ ඉදිරියෙන්ම ගෙනියන කරඩුව තමයි මාලඹේ උපාධි කඩය. මේ කරඩුව බිම දාලා මේ පෙරහැර නැවැත්තුවේ නැත්නම් මේක හෙට දවසේ විකසිත වෙන්න බලාගෙන ඉන්න උපන් නූපන් දරු පරම්පරාවක හිස් මතින් ගමන් කරනවා. කුමන අසීරු තත්වයක් යටතේ වුනත් අපි ඒක යථාර්තය කියලා බාරගන්නේ නෑ. මේ සමාජය තුළ, මේ සමාජ ක‍්‍රමය තුළ අපේ ජීවිත වල හැම අස්සක් මුල්ලක්ම තීරණය කරන්නේ මුදල්, ආර්ථික සාධක මත. අපි කන්නේ බොන්නේ මොනවද, එහෙමත් නැත්නම් බඩගින්නේ ඉන්නවද, අපි අඳින්නේ මොන වගේ ඇඳුමක්ද, අපි ගමනක් බිමනක් යන්නේ පයින්ද පාරේ බස් එකේද එහෙමත් නැත්නම් කාර් එකකද කියන තැන ඉඳන් උපත, විවාහය, මරණය මේ හැම දෙයක්ම තීරණය කරන්නේ අතේ තියන මුදල, ආර්ථික සාධක මත. නමුත් කවුරු හරි දරුවෙක්ට ඉගෙනගන්න ආසාව, උනන්දුව, කැපවීම තියනවා නම් ආර්ථික සාධක නොසලකා පළමු වසරේ සිට උපාධිය දක්වා අධ්‍යාපනය ලබන්න හැකියාවක් මෙතෙක් තිබුණා නිදහස් අධ්‍යාපන ක‍්‍රමය පැවති නිසා. මේ නැති කරන්නේ අන්න ඒ අවසන් දේ.

අපි ජනතාවට ආරාධනා කරනවා මේ අරගලයත් එක්ක ඒකාබද්ධ වෙන්න කියලා. මේක අද දවසේ කුමන අසීරුතා මධ්‍යයේ හරි ජයග‍්‍රහණය කරා අරන් නොගියොත් විනාශ වෙන්නේ සමස්ත සමාජයක අනාගතය. අපි ඉදිරි සති 02 තුළ වෛද්‍ය පීඨ තුළ වැඩමුළු පවත්වමින් ආණ්ඩුවේ මෙම ප‍්‍රවේශය ගැන පුළුල් සාකච්ඡාවක් ගන්නවා. ඊට ගත යුතු ක‍්‍රියාමාර්ග පිළිබඳ තීරණයකට එනවා. ඉන් පස්සේ දැවැන්ත උද්ඝෝෂණ ආරම්භ කරන්න අපි සූදානම්. අපි ජනතාවගෙන් ඉල්ලනවා අපිට සහයෝගය දක්වන්න, මේ අරගලයත් එක්ක එකතු වෙන්න කියලා.

Monday, March 18, 2013

සියටැල්

වොෂින්ටන් නගරයේ සිටින බලවත්ම නායකතුමා අපේ භූමිය මිලදී ගැනීමට කැමති බව අපට දන්වා එවා ඇත. එමෙන්ම එතුමා අපේ මිත‍්‍රත්වය හා හොඳ හිත ද ප‍්‍රාර්ථනා කරයි. අපේ මිත‍්‍රත්වයෙන් ඔහුට එතරම් ප‍්‍රයෝජනයක් නැතත් එතුමාගේ කාරුණිකභාවය පිළිබඳව අපි එතුමන්ට කෘතඥ වෙමු. එතුමන්ගේ ඉල්ලීම පිළිබඳව ද අපි සලකා බලන්නෙමු.
ඔබ මේ අහස් තලය, පොළොවෙන් නගින උණුසුම් මිලදී ගන්නේ කෙසේද?
මේ අදහස අපට නම් විකාරයකි. සුළෙඟ් නැවුම් බව ජලයේ දිදුලන කාන්තිය අපට අයිති නොවේ නම් ඔබ ඒවා මිලදී ගන්නේ කෙලෙසද?
මේ පොළොවේ සෑම බිම් අඟලක්ම මගේ මිනිසුන්ට පූජනීයය. දේවදාර ගසක දිලිසෙන සෑම කිනිත්තක්ම වැලි කඳුවලින් පිරි සෑම වෙරළක්ම අඳුරු වන ගැබ තුළ වන සෑම මීදුම් වළාවක්ම, සෑම එළිමහනක්ම, ගී ගයන සෑම කුඩා ප‍්‍රාණියෙක්ම මගේ මිනිසුන්ට නම් පූජනීය මතකයෝ සහ අත්දැකීම් වෙති. තුරුලතා අතරින් දිවෙන සෑම මංපෙතක්ම රතු ඉන්දියානුවන් පිළිබඳව මතකයන් රැගෙන යයි.

එබැවින් වොෂින්ටනයේ මහා නායකයා අපේ ඉඩම් මිලදී ගැනීමට කැමති බැව් දන්වා එවීමෙන් හෙතෙම අපෙන් නොදිය හැකි දෙයක්ම බලාපොරොත්තු වෙයි. මන්දයත් මේ පොළව අපට පූජනීය වන හෙයිනි. මේ ගංගා දිගේ ගලා බසින්නේ හුදු ජලයම නොව අපේ මුතුන් මිත්තන්ගේ රුධිරයයි. පොකුණු දිය කඳ මත පතිත වන සෑම අඳුරු ඡායාවක්ම මගේ වර්ගයේම ජීවන අත්දැකීම් හා අනුස්මරණ බැව් ඔබේ දරුවන්ට කියා දෙනු මැනවි. මේ ජලය නගන මිමිනුම මගේ මුතුන් මිත්තන්ගේ කටහඬයි.

ගංගාවෝ අපේ සොහොයුරෝය. ඔවුහු අපේ පිපාසය සංසිඳවති. අපේ ඔරු පාරු ගෙන යති. අපේ දරුවන් පෝෂණය කරති. අප මේ භූමිය ඔබට විකිණුවහොත් වෙනත් ඕනෑම සහෝදරයෙකුට දක්වන කරුණාව ගංගාවලට ද දක්වනු මැනවි.

අපගේ පියවරුන්ගේ භෂ්මාවශේෂ අපට පූජනීය වන්නේය. ඔවුන්ගේ සොහොන් බිම් අපට පූජනීය වන්නේය. එහෙත් සුදු මිනිසුන් වන ඔබට නම් එක් භූමියක් තවත් භූමියකට වඩා වෙනස් නොවේ. ඔබේ මිනිස්සු භූමිය කොල්ලකා පලා යති. භූමිය ඔවුනට මිතුරෙකු නොව සතුරෙකි. එක් බිමක් අත්පත් කර ගැනීමෙන් පසුව ඔවුහූ තවත් බිම් සොයා ඉදිරියට ඇදෙති. කිසිදු හැඟීමකින් තොරව තම පියවරුන්ගේ සුසාන පසු කර යති. තම දරුවන්ගේ අනාගත භූමිය මංකොල්ල කති. මෙහි අවසන් ප‍්‍රතිඵලය වන්නේ හිස් කාන්තාරයක් පමණකි.

සුදු මිනිසාගේ නගරවල දර්ශනය රතු මිනිසාගේ නෙත්වලට වේදනාව ගෙන එයි. සුදු මිනිසාගේ නගරවල නිසංසල තැනක් සොයා ගත නොහැකිය. වසන්ත සමයෙහි තුරු ලතාවල ළපලූ විකසිත වන හඬ හෝ කුඩා කෘමි සතුන්ගේ පියාත්වල සිලිසිලිය ඔබේ නගරවලදී ඇසෙන්නේ නැත. එහි ඇත්තේ ඝෝෂාව පමණි. එය දෙසවනට මහත්ම හිරිහැරයකි.

ඇතැම් විට මා වැනි ම්ලේඡයෙකුට මේ දේවල් වටහා ගන්නට අසීරු විය හැකිය. එහෙත් හුදෙකලාවේ උලමා ගයන ගීතය හෝ රාති‍්‍රයේ පොකුණක් අසල මැඩියන්ගේ තර්ක විතර්ක නොඅසන ජීවිතයේ හරයක් වේද?

සත්තු, තුරුලිය හා මිනිස්සු යන අපි සියල්ලෝම එකම ප‍්‍රාණ වායුව හවුලේ බෙදා ගන්නෙමු. සුදු මිනිසුන් වන ඔබ තමන් ආශ්වාස කරන වාතය ගැනවත් නොදනියි. අපේ භූමිය ඔබට විකිණුවහොත් මේ සුළඟ අපට බෙහෙවින් අගනා දෙයක් වූ බව සිහි තබා ගත මැනවි. ඔබ එය ශුද්ධ වස්තුවක් ලෙස ආරක්ෂා කළ යුතුය.

ප්‍රෙයරි තණ බිම හරහා ගමන් කරන දුම්රියක සිට විනෝදයට වෙඩි තබා මරා දමන ලද කුණු වී යන දහස් ගණන් කුළු හරකුන්ගේ මළ සිරුරු මම දුටුවෙමි. කුළු හරකාට වඩා දුම්රිය වැදගත් වන්නේ කෙසේදැයි මට නම් වැටහෙන්නේ නැත. ඒ සමහර විට මා වනචාරී ම්ලේච්ඡයෙකු නිසා වීමට පුළුවන.

තිරිසන් සතුන් නොමැති ලොවක මිනිසා හුදෙකලාව ජීවත් වන්නේ කෙසේද? එසේ වුවහොත් ඒ හුදකලා බවින් ඔහුද විනාශ වී යනු ඇති. ඒ මන්ද යත් ඒ සත්වයින්ට සිදුවන දෙය ඉතා ඉක්මනින්ම මිනිසාටද සිදුවන නිසාය.

ඔබේ දරුවන් දෙපයින් නැගී සිටින විට මේ බිම අපේ මුතුන් මිත්තන්ගේ භෂ්මාවශේෂයෙන් පෝෂණය වී ඇති බව ඔවුනට වටහා දෙනු මැනවි. භූමිය අපගේ මාතාවයි. භූමියට සිදුවන සෑම හොඳක් හෝ නරකක්ම එහි දරුවන්ට ද උරුම වන්නේය. ඔබ භූමියට කෙළ ගසන්නේද ඔබ තමාටම කෙළ ගසා ගනී.

මේ මහ පොළොව මිනිසාට අයිති නැත. එහෙත් මිනිසා මහ පොළොවට අයත්ය. ඥාතීන් සියලූ දෙනා එකම බැම්මකින් බැඳෙන්නාක් මෙන් මෙලොව ඇති සියලූ දෑ එකිනෙක හා බැඳී තිබෙන බව අපි දනිමු. ජීවන ජාලය වියන ලද්දේ මිනිසා විසින් නොවේ. ඔහු හුදෙක් එහි එක් වරපටක් පමණකි. මේ ජීවන ජාලයට හෙතෙම යම් බලපෑමක් සිදු කරයි ද හෙතෙම එය තමන්ටම සිදු කර ගත්තා වේ. එහෙත් ඔබ අප වෙනුවෙන් වෙන් කොට ඇති වාසභූමි වෙත යාම පිළිබඳව අපි සලකා බලන්නෙමු. එවිට අප එකිනෙකාගෙන් වෙන්ව එහෙත් සාමයෙන් ජීවත් වනු ඇත.


අපි එක් දෙයක් දන්නෙමු. එනම් යම් කිසි දවසක සුදු මිනිසා අපේ දෙවියන් ඔබේ දෙවියන්ද වන බව වටහා ගනු ඇත. අපේ ඉඩම් අයිතිකර ගැනීමට සිතන්නාක් මෙන් දෙවියන් ද අයත් කර ගැනීමට ඔබට සිතෙනු ඇත. නමුත් ඔබට එසේ කිරීමට නොහැකි වනු ඇත.


එතුමන් මුළු මහත් මිනිස් වර්ගයාගේම දෙවියාය. උන්වහන්සේගේ දයාව සුදු මිනිසාට මෙන්ම රතු මිනිසාට ද එක හා සමානය. මේ පොළෝ තලය ඔහුට අනර්ඝ වස්තුවක් වෙයි. ඊට හානි කිරීම එහි නිර්මාපකයාට නිගරු කිරීමක් වේ. දිගින් දිගටම ඔබේ යහන අපවිත‍්‍ර කිරීමෙන් යම් රාති‍්‍රයක ඔබම නිපදවූ අපද්‍රව්‍ය ඔබේම හුස්ම හිර කරවනු ඇත.


එහෙත් විනාශය කරා යන ඔබ නිවෙන්නට පෙර දීප්තිමත්ව දැල්වෙන පහන් වැටියක් මෙන් උද්දීප්තිමත්ව බැබළෙනු ඇත. ඔබට මේ භූමියෙහි හා රතු ඉන්දියානුවන්ගේද ආධිපත්‍යය ලබා දුන්නා වූ දෙවියන්ගේ ශක්තිය ඊට හේතු වනු ඇත. සෑම කුළු හරකෙකුම මස් කරන ලද සෑම කැලෑ අශ්වයෙකුම හීලෑ කරන ලද පැහැබර කඳු ශිඛර කතා කරන කම්බිවලින් වැසී ගිය කල ඒ දෛවය අපට නම් අභූතයකි. වන ලැහැබ් කොහිද? නැති වී ගොස්ය. රාජාලියා කොහිද? නැති වී ගොස්ය. මේ සියල්ල කුමක්ද? ජීවිතයේ අවසානයයි. අපි ඔබේ ඉඩම් මිලදී ගැනීමේ යෝජනාව සලකා බලන්නෙමු.

අප ඊට එකඟ වුවහොත් ඔබ විසින් අපට දෙන්නට පොරොන්දු වී සිටින රක්ෂිත භූමියෙහි අපි ජීවත් වන්නෙමු. අන්තිම රතු මිනිසාත් පොළොවෙන් අතුරුදහන් වූ විට ඔහුගේ මතකය තණ බිම් මතින් පාවෙන වලාකුළක සෙවණැල්ලක් පමණක් වනු ඇත. මේ වෙරළ හා වනාන්තරය තවදුරටත් මගේ මිනිසුන් පිළිබඳ මතකය දරා සිටිනු ඇත. ඔවුන් මේ භූමියට ආදරය කළේ අලූත උපන් ළදරුවෙකු තම මවගේ හදවතේ රිද්මයට ආදරය කරන්නාක් මෙනි. ඉතින් අප භූමිය ඔබට විකුණා දැමුවොත් අප එයට ආදරය කළ හැටියටම ඔබත් ඊට ආදරය කරන්න. දෙවියන් අප සියලූ දෙනාටම ආදරය කරන ලෙසටම ඊට ආදරය කරන්න. අපි එක් දෙයක් දනිමු. අපේ දෙවියනුත් ඔබේ දෙවියන්මය. පොළොව ඔහුට බෙහෙවින් අගී. සුදු මිනිසාට පවා පොදු ඉරණමෙන් ගැලවිය නොහැකිය. ඒ අරුතින් අපි සියලූ දෙනාම සහෝදරයෝ නොවෙමුද?

   -සියටැල් 

Wednesday, March 6, 2013

චින්තනයේ කඩවුණු පොරොන්දු .....

2005 වසරේ එලි දැක්වුණු මහින්ද චින්තන ප්‍රතිපත්ති ප්‍රකාශයේ "ගුණ නැණ වැඩුම " ජාතික අධ්‍යාපන වැඩසටහන පිලිබඳ මෙසේ අවධානය යොමු කිරීමට හේතු කාරණා වුයේ පසුගිය මාර්තු මස පළමුවන දින උසස් අධ්‍යාපන අමාත්‍යංශයේ ප්‍රගතිය පිලිබඳ සොයා බැලීමට ජනාධිපතිවරයා එම අමාත්‍යංශය වෙත ග්ගිය අවස්ථාවේදී කළ ප්‍රකාශයකි.මෙම ජාතික අධ්‍යාපන වැඩසටහන යටතේ ප්‍රථමයෙන් සඳහන් වන කාරණය නම් "නිදහස් අධ්‍යාපනය සඳහා අපේ දරුවන්ට ඇති අයිතිය කිසිසේත් අහෝසි නොකරමි යන්නයි.

එසේ නම් අද වනවිට උසස් පෙළ විභාගයෙන් A සමාර්ථ තුනක් ලබා ගත් ශිෂ්‍ය ශිෂ්‍යාවන්ට පවා විශ්වවිද්‍යාල වරම් අහිමි වී ඇත්තේ මේ ආශ්චර්ය නිසාවෙන්ද? උසස් පෙළ අසමතුන් පවා පෞද්ගලික විශ්වවිද්‍යාල මුවාවෙන් උපාධි සම්පුර්ණ කරද්දී අදාල සුදුසුකම් සපිරූ පිරිස් උසස් අධ්‍යාපන හැර යන්නේ මේ ආශ්චර්ය නිසාවෙන්ද?

"දරුවන්ගේ පාසල් වස දැමීම වෙනුවට ඒවා ශක්තිමත්ව ගොඩ නංවමි " යැයි මෙරට අයිතිකරු නොව භාරකරු යයි කියූ ආඩම්බරකාර තාත්තා පොරොන්දු දී තිබේ. ඒ 2005 වසරේදීය. 2005 වසරේ සිට 2010 වසර දක්වා වසා දමා ඇති මෙරට පාසල් ගණන 350 ක් බව අධ්‍යාපන අමත්‍යවරයාම නිල වශයෙන් පවසන්නේ මේ පොරොන්දුව දී වසර 8 කට පසු වීම කදිම ආශ්චර්යකි. මහින්ද චින්තන ප්‍රතිපත්ති ප්‍රකාශනයේ 65 වන පිටුවේ සඳහන් පරිදි "සැමට සරසවි වරම් " වැඩසටහන යටතේ මේ වන විට උසස් පෙළ සමත්ව විශ්වවිද්‍යාලයකට ඇතුලත් වන පිරිස වැඩි කිරීමට නව සරසවි ආරම්භ කර පහසුකම් පුළුල් කිරීමට පියවර ගන්න බව පැහැදිලිව සඳහන්ය. නමුත් 2011 වසර උසස් පෙළ විභාගයෙන් සිසුන් වැඩිපුර බඳවා ගැනීමට සිදු වුයේ මෙරට උසස් අධ්‍යාපන අමාත්‍යවරයාට අනුව නම් හිටපු අගවිනිසුවරියගේ පිස්සු තීන්දුවක් නිසාවෙනි. A සමාර්ථ තුනක් ගත් සිසු දරුවන්ට ශිෂ්‍යත්ව ලබා දී හෝ පෞද්ගලික විශ්වවිද්‍යාලයකට ඇතුලත් කිරීම මගින් ප්‍රශ්නය විසදීම චින්තන මහත්තයාගේ යෝජනාවයි. නිදහස් අධ්‍යාපනය ලැබීමට මෙරට දරුවන්ට ඇති අයිතිය අහෝසි නොකිරීමට ඔහු දුන් පොරොන්දුව රකින ආශ්චර්ය මෙයද? කණගාටුවට කාරණය නම් චින්තන මහත්තයාගේ ප්‍රකාශයට විරුද්ධ වීමට මෙරට විශ්වවිද්‍යාල පද්ධතියේ ඉහලම තනතුරු දරන කිසිවෙක් එම අවස්ථාවේදී කටයුතු නොකිරීමය. 

මාලඹේ පිහිටි, ලංකාවේ වෛද්‍ය සභාව පවා පිළිනොගන්නා උපාධි පිරිනමන පෞද්ගලික වෛද්‍ය විද්‍යාලයට අදාල සිසුන් ඇතුලත් බවට යෝජනා ගෙන එන්නේද මෙරට අධ්‍යාපන බලධාරීන්මය. නිදහස් අධ්‍යාපනය රැකීම කෙසේ වෙතත් පෞද්ගලික විශ්වවිද්‍යාල වලට ඉදිරියේදී යන කල ගැන අපට සිතා ගැනීමට පුළුවන.

"සරසවි සිසුන්ගේ මාසික මහපොළ ශිෂ්‍යත්ව දීමනාව සහ ශිෂ්‍යාධාර රුපියල් 500කින් වැඩි කරමි." චින්තන මහත්තයෝ මේ පොරොන්දුව දී අවුරුදු 8 කි.මහපොළ හෝ ශිෂ්‍යාධාර මුදල රුපියල් 10 කින් හෝ වැඩිවුයේ නැත.තවමත් එය මාසිකව නිවැරදිව ලැබෙන්නේද නැත.

"සෑම සරසවි ශිෂ්‍ය ශිෂ්‍යාවකටම නේවාසිකාගාර පහසුකම් ලබා දීමට හැකි වන පරිදි නව වැඩ පිළිවෙලක් ක්‍රියාත්මක කරමි " යනුවෙන් දුන් පොරොන්දුවටද වසර 8 කි.නමුත් මේ වන විට මෙඅරට ජාතික විශ්වවිද්‍යාල පද්ධතියේ විශ්වවිද්‍යාල බොහොමයක උග්‍ර නේවාසිකාගාර අර්බුදයක් පවතියි.

"විවෘත විශ්වවිද්‍යාල අධ්‍යාපනය විධිමත් කර පුළුල් කිරීම සඳහා අවශ්‍ය පහසුකම් හා ප්‍රතිපාදන සපයන්නෙමි." මෙයද චින්තන මහත්තයාගේ පොරොන්දුවකි. ඒ පොරොන්දු ප්‍රකාරව අප ඔබට යොමු කරන ප්‍රශ්නය නම් විවෘත විශ්වවිද්‍යාලයේ සිසුන් සඳහා අධ්‍යයන කටයුතු කරගෙන යාමට එළිමහන් භුමියේ සකසා තිබු ආසන විශ්වවිද්‍යාල පරිපාලන විසින් ඉවත් කරන්නේ පහසුකම් පුළුල් කිරීමක් වශයෙන්ද?

මේ කඩවුනු පොරොන්දු ගැන ඔබට පිළිතුරු දිය හැකිද? 

ජනපතිතුමනි,මහින්ද චින්තන ප්‍රතිපත්ති ප්‍රකාශයේ අධ්‍යාපන සම්බන්ධයෙන් වූ කරුණු කාරනා ලියවුනේ අත්වැරදීමකින්ද? නැති නම් "නිදහස් අධ්‍යාපනය සඳහා අපේ දරුවන්ට ඇති අයිතිය කිසිසේත්ම අහෝසි නොකරමි . " යන්න "පෞද්ගලික අධ්‍යාපන ආයතන වලින් අධ්‍යාපනය ලැබීම සඳහා ඉහල පැලැන්තියට ඇති වරප්‍රසාදය තහවුරු කරන්නා සේම එය දිවි හිමියෙන් රැකීමටත් නිදහස් අධ්‍යාපනයේ මළගම මගේ පාලන කාලය තුලදී කෙසේ හූ සිදු කිරීමටත් පොරොන්දු වෙමි." ලෙස යලි ලියනු මැනවි.....





Tuesday, January 29, 2013

මොරටු සරසවි ගැටුමේ ඇත්ත කතාව

පසුගිය 16 වනදා මොරටුව විශ්වවිද්‍යාලයේ ඉන්ජිනේරු පීඨයේ සිසුන් හා NDT (ජාතික තාක්ෂණ ඩිප්ලෝමා ) සිසුන් අතර ඇතිවූ ගැටුමකින් ඉන්ජිනේරු ශිෂ්‍යයකු බරපතල තුවාල ලබා දැඩි සත්කාර ඒකකයට අතුලත් කරුණි. තවත් සිසුවකු කලුබෝවිල රෝහලට අතුලත් කෙරුණි . සැබවින්ම මෙය මිලෙච්ච ක්‍රියාවකි . නමුත් මෙම ගැටුම් ඇතිවීමට මූලික වූ සැබෑ හේතුව හෝ ගැටුම් මෙතරම් බරපතල වීමට හේතූන් කිසිවකුගෙන් අසන්නට නොලබේ . ආසන්න සිදුවීම් සලකා බැලීමෙන් හෝ ආසන්න සිදුවීම් වල ප්‍රමානය සලකා බැලීමෙන් සංවේදී වීම හා මේ පිලිබඳව තේරුම් ගැනීම ට බොහෝ දෙනා පෙලඹී ඇත . මාධ්‍යය මගින්ද ,අන්තර්ජාලයේද ඒ ආකාරයෙන්ම තොරතුරු ඉදිරිපත් කරමින් දැනුවත්ව හෝ නොදැනුවත්ව එක් පාර්ශවයක් ගනිමින් නිවැරදි දෑ ඉදිරිපත් නොකරමින් කටයුතු කරයි . මෙම ගැටුම් වල ඉතිහාසයත් ගැටුම් කාරී තත්වයක් ඉස්මතු වීමට හේතු වූ සැබෑ කරුණුත් , මෑතකදී සිදුවූ සිදුවීම් වල නිවැරදි තොරතුරුත් පිලිබඳ අවබෝධයක් ලබා දීමට අවශ්‍යය තත්වයක් උදා වී ඇති නිසා මෙම සටහන අත්‍යාවශ්‍යම තොරතුරු සමග හැකිතාක් කෙටියෙන් තබමි . මොරටුව විශ්වවිද්‍යාලය විශ්වවිද්‍යාලයක් ලෙස ආරම්භ කිරීමට පෙර එම ස්ථානයේ පැවතුනේ තාක්ෂණ ආයතනයක් ලෙසය . පසුව එය විශ්වවිද්‍යලයක් බවට පත් කෙරුනු අතර එහි ඉන්ජිනේරු පීඨය , වාස්තු විද්‍යා පීඨය, තොරතුරු තාක්ෂණ පීඨය , යන පීඨ තුන සහ ආරම්භයේ පැවති ඉන්ජිනේරු තක්ෂණ ඩිප්ලෝමා වද (NDT) විශ්වවිද්‍යාලයට අනුබද්ධ කර ක්‍රියාත්මක විය .(1940 දී කනිෂ්ඨ කාර්මිකයන් පුහුණුකිරීමේ පාඨමාලාව (JTO ) ලෙස මරදාන කාර්මික විද්‍යාලයේදී ආරම්භ වී 1960 දී කැනේඩියානු ආධාර සහිතව කටුබැද්ද ප්‍රායෝගික තාක්ෂණික ආයතනය බවට පත්විය . 1966 දී කාර්මික ආයතනය බවට පත්විය . 1968 දී JTO පාඨමාලාව NDT බවට පත්විය . පසුව 1972 දී ශ්‍රී ලංකා කාර්මික ආයතනය ශ්‍රී ලංකා විශ්ව විද්‍යාලය කටුබැද්ද මණ්ඩපය බවට පත්වූ අතර 1978 දී මොරටුව විශ්වවිද්‍යාලය බවට පත්විය . 1987 ජුනි මස 05 දින සිට NDT පාඨමාලාව 1978 අංක 16 දරන විශ්ව විද්‍යාල පනතේ 29 (ඊ) වගන්තිය යටතේ මොරටුව විශ්ව විද්‍යාලීය 3න් අවුරුදු පූර්ණ කාලීන අභ්‍යන්තර පාඨමාලාවක් බවට පත් විය ).

ඉන්ජිනේරු පීඨ සිසුන් ඉන්ජිනේරු උපාධි ධාරීන් වන අතර NDT සිසුන් ඩිප්ලෝමාධාරීන් වේ . උපාධි දාරීන් හා ඩිප්ලෝමා දාරීන් අතර නොයෙක් දෑ සම්බන්ධයෙන් විරසක වීම් හටගනිමින් ගැටුම් දක්වා මේවා වර්ධනය විය .

ලංකාව තුල ක්‍රියාත්මක වන පසුගාමී ආර්ථික ක්‍රමයේ අර්බුදයේ ගිලී සිටින රැකියා හා අධ්‍යාපන යන ක්ෂේත්‍ර දෙකෙහිද විශමතා, දුර්වලතා , අවුල් නිසාම මාරාන්තික ගැටුම් දක්වා වර්ධනය වීමට හේතු කාරණා උත්පාදනය වේ .

මොරටුව විශ්වවිද්‍යාලයේ මෙම ගැටුම 1987 වර්ශයේ මොරටුව විශ්වවිද්‍යාලයට NDT ය අනුබද්ධ කිරීමෙන් පසුව එහි පලමු ශිෂ්‍යය කන්ඩායම විශ්වවිද්‍යාලයෙන් පිටවූ 1991 වර්ෂයේ සිටම ඇති වූ ගැටුමකි . මෙම ගැටුම් වලට අවුරුදු 20කට වැඩි ඉතිහාසයක් තිබේ . මෙම විසි අවුරුද්ද තිස්සෙම පැවති ආණ්ඩු කළේ ගැටුම තව තවත් වර්ධනය කිරීමයි.. ගැටුම් ඇතිවූ විට ශිෂ්‍යයින් කිහිප දෙනෙකුට දඬුවම් කරමින් තත්වය සමනය කලා වැන්නක් පෙන්නුම් කළේය . එයින් තාවකාලිකව යටපත් වුවද ගැටුමේ මූලයන් ට පිළියම් නොකිරීම නිසා විශ්වවිද්‍යාලය තුල මෙම ගැටුම අළු යට ගිනි පුපුරු මෙන් පැවතිනි . එම නිසා කලින් කලට මතුකරගන්නා සිද්ධියක් මුල් කරගනිමින් ගැටුම් අතිවේ නැවතත් තාවකලික පිළියමක් යොදමින් ශිෂ්‍යයින් ට නොතේරෙන සේ අර්බුධය පවත්වාගනියි . පැවති රජයන් මෙය සිදුකරන්නේ අරමුණු කීපයක් මුල් කරගෙනයි.

*ඉන් එකක් වන්නේ රාජ්‍ය විශ්ව විද්‍යාල වල මෙවැනි අරාජික තත්වයක් මතුකර සමාජයට පෙන්වීමෙන් රාජ්‍යය විශ්වවිද්‍යාල කෙරෙහි ඇති විශ්වාසය නැති කොට අධ්‍යාපනය විකිනීමට හෙවත් පාලකයන්ගේ මඩි තරකර ගැනීමේ පුද්ගලික විශ්වවිද්‍යාල කෙරෙහි යොමුවීම තව තවත් තහවුරු කරගැනීමයි .

* එමෙන්ම අතීතයේ සිට පවතින සාමුහික ශිෂ්‍යය අරගල වලින් පරාජයට පත්වූ පාලකයන්ගේ ක්‍රියාකරකම් නිසා විශ්වවිද්‍යාල සිසුන්ගේ අසමගිය ඇති කිරීම අනිවාර්‍යය වේ .එම නිසා උපක්‍රම පාවිච්චි කරමින් ගැටුම් කාරී තත්වයන් නිර්මාණය කරයි .

* තවද ඉන්ජිනේරු ක්ෂේත්‍රයේ මේ රැකියා පිලිබඳ අර්බුදයට ට සැබෑ හේතුව නොසොයා, හේතුව තම සහෝදර ශිෂ්‍යයින් ලෙස දකින දෙපිරිසම ඇතිකරගත් තත්වයද ආර්ථික අර්බුදයේ, රැකියා අර්බුදයේ ගිලී සිටින පාලකයින්ට ඉතාමත් වාසි සහගත තත්වයකි .

මෙයින් මෙම ගැටුම් ඇති වීමේ මූලයන් පිළිබඳ පහැදිලි අදහසක් අති වූවායැයි සිතමි .

මෙ දින කීපය තුල අති වූ සිද්ධි පිලිබඳව නිවැරදි කරුණු කිසිවකු හො නොපවසමින් ගෙන යන අසත්‍යය ප්‍රචාරයන් නිසා සිදුවු සිදුවීම් කිහිපය ගැනද සඳහන් කළ යුතුය .

ඉහත කී මූලයයන් නිසා හටගත් ගැටුම එක් පිරිසක් පහරකෑමට ලක්වූ පසු තම අභිමානය තහවුරු කරගැනීමට හා යටින් ක්‍රියාත්මක වන පාලකයන්ගේ උපක්‍රම වලට හසු වෙමින්, ඒ උවමනාවන් ඉටු කරමින් අනෙක් පිරිස ට නැවත කුමන හෝ කාලයකදී සලසුම් කර කුමක් හෝ සිද්ධියක් මුල් කරගනිමින් පහර දෙයි . නැවත නැවතත් සිදුවන්නේ මෙයයි .අතීතයේ සිට පවතින මේ ගැටුම් මාලාවේ .එක් ගැටුමක් 2010 වර්ශයේදී විය. එයට මූලිකව මැදිහත් වුන කන්ඩායම් වූයේ දැනට ඉන්ජිනේරු අවසන් වසර සිසුන් හා NDT 2009/ 2010 කන්ඩායමේ සිසුන් ය .දැනට එම සිසුන් රැකියාවල නියැලේ .

2010 න් පසුව විශේෂ යමක් සිදු නොවිනි . වාස්තු හා IT පීඨ ශිෂ්‍යය සංගම් මැදිහත් වී විශ්ව විද්‍යාලයේ එකමුතුව ගොඩනගමින් සිටි අවධියකි .

ජනවාරි 2 ගැටුම

ඒ වන විට විශ්වවිද්‍යාලය තුල සිටියේ NDT දෙවන වසර සිසුන් පමණි . අවසන් වසර ඉන්ජිනේරු සිසුන් තව ටික දිනකින් විශ්වවිද්‍යාලයෙන් ඉවත්ව යන බැවින් ඊට පෙර NDT සිසුන්ට පහරදී යාමට සැලසුම විය. NDT දෙවන වසර සිසුන් සහ අවසන් වසර ඉන්ජිනේරු සිසුන් විශ්වවිද්‍යාලය අභ්‍යන්තරයේ පිහිටි නේවාසිකාගාරයේ (Aහොස්ටල්හි ) දෙපැත්තක වාසය කරයි .2010 සිද්ධියෙන් පසු මේ දෙපිරිස අතර සුලු සිද්ධි මතුවෙමින් තිබුනද ඒවා දුරදිග නොයා යටපත් විය. (විශ්වවිද්‍යාල අර්බුද කරෙහි ශිෂ්‍යයින් ලෙස සාමුහිකව මැදිහත් වීමේදී මතුවූ තත්වයන්ද සඳහන් කිරීම පසුව වෙනමම කොටසකින් සටහන් තබමි .) දෙසැම්බර් 31 වනදා A නේවාසිකාගාරය තුල ඉන්ජිනේරු සිසුන් මත්පැන් පානය කොට රතිඤ්ඤා පත්තු කරමින් බීමතින් කෑගසමින් ගැටුමකට NDT සිසුන් පොළඹවාගැනීමේ ක්‍රියාකාරකම් කිහිපියක් කර ඇත.පසුව NDT දෙවන වසර සිසුන් මේ බාධාකාරී තත්වය පිළිබඳ විශ්ව විද්‍යාල පරිපාලනයට දන්වා ඇත ..පසුව තත්වය මගහැරී ගොස් ඇත .

ජනවාරි 2වනදා රාත්‍රී 9ට පමණ A නේවාසිකාගාරය අසලදී නේවාසිකාගාරය වෙත මෝටර් සයිකලයකින් එමින් සිටි NDT ශිෂ්‍යයකු මෝටර් සයිකලය ඉන්ජිනේරු ශිෂ්‍යයකුගේ ඇඟට කපා ඇතිවුන සිද්ධියක් ලෙස ගැටුමකට හේතු ගොඩ නැගිනි. කෙසේ වෙතත් ඔවුන් දෙදෙනා අතර ඇති වූ දෙය දන්නේ ඔවුන් දෙදෙනා පමණි . ඉන්පසු NDT ශිෂ්‍යයාට සමාව ගැනීමට තමන් වෙත පමිණෙන ලෙස ඉන්ජිනේරු ශිෂ්‍යයන් NDT ශිෂ්‍යයන් ට දැන්වුවද NDT ශිෂ්‍යයා තනියම ඔවුන් වෙත නොයවා ඇත .එදින නේවාසිකාගාරයේ සිටියේ NDT සිසුන් 68ක් පමණය . අනෙකුත් සියලු දෙනා ගෙවල්වල ගොස් සිටි මොහොතකි .

කාලය ගෙවී යත්ම NDT සිසුන් දැක ඇත්තේ A නේවාසිකාගාරය ආසන්නයේම තිබූ L කැන්ටිමේ සිට හිස් බීම බෝතල් සහිත බීම කේස් A නේවාසිකාගාරයේ ඉන්ජිනේරු ශිෂ්‍යයින් සිටි කොටසට අදිමින් ප්‍රහාරයකට සූදානම් වන ආකාරයයි. තත්වය හමුවේ තමන් අතට හසුවන දේ අරගෙන NDT සිසුන් පිරිසද නේවාසිකාගාරයෙන් එලියට පැන ඇත. එවිට සූදානම්ව සිටි ඉන්ජිනේරු ශිෂ්‍යයින් ටකරන් මගින් ආවරණය වෙමින් ඔවුන් සතු මෝටර් සයිකල් වල හෙල්මට් ද පැළඳ ගෙන හිස් බීම බෝතල් වලින් හා ගල් වලින් විසිකරමින් සටන් කෙරුනි. මෙය මුහුනට මුහුන සිදුවුන සටනක් නොවීය. දෙපිරිස අතර පරතරය මීටර් කීපයකි . NDT සිසුන් පිරිසද පෙරලා එලෙසම පහර දුනි . තවත් මොහොතකින් A නේවාසිකාගාරයේ එලියේ සිටි NDT සිසුන් පිරිස හතර වටින් වටකරමින් ඉන්ජිනේරු පලමු, දෙවන, තුන්වන වසරවල ශිෂ්‍යයින් පමිනෙමින් සිටියහ . එක එක වසරවල් වල ශිෂ්‍යයින්ට වට කිරීමට පැති බාර දී තිබුණි . NDT සිසුන් දෙදෙනෙකු දිවගොස් එවෙලෙහි රාජකාරියෙහි සිටි විශ්වවිද්‍යාල ආරක්ෂක .

(ගෝඨාභය රාජපක්ෂගේ සරසවි ආරක්ෂකයින් ) වෙත දැන්වුවද ඔවුන් පැමිණ නැත . මෙම තත්වය හමුවේ NDT සිසුන් අවට ඇති විදුලි පහන් කීපය ඔවුන්ට බලකර නිවා දමා ඇත.එමගින් NDT සිසුන් ප්‍රමාණය කොපමනදැයි ඉන්ජිනේරු ශිෂ්‍යයින් ට බලාගත නොහැකි විය . මේ වන විට ඉන්ජිනේරු ශිෂ්‍යයින් 1500 කට වැඩි ප්‍රමාණයක් වටකරමින් ගල් හා හිස් බීම බෝතල් වලින් විසිකර ගසමින් සිටියහ .ඔවුන් විශ්වවිද්‍යාල පරිශ්‍රයේ වූ ටකරන් යොදා ගනිමින් ආවරණය සකසාගනිමින් පහර දෙමින් සිටියහ . හතර වටින්ම වටවූ NDT සිසුන් පිරිස විටෙක එක් ඉන්ජිනේරු ශිෂ්‍යයින් රංචුවක් වෙත කෑ ගසමින් දුව යමින් ප්‍රහාර එල්ල කළේය .මෙසේ අඳුරේ කෑගසා තමා වෙත දිව එන පිරිස කොපමණදැයි නොදන්නා නිසා ඉන්ජිනේරු ශිෂ්‍යයින් රංචුවම පසෙකට දුව යමින් පසුබැස නැවතත් ඉදිරියට පැමිණ ආවරණ තනා ප්‍රහාර එල්ල කළේය.

මෙම ආකාරයට ඉන්ජිනේරු ශිෂ්‍යයින් විසින් NDT සිසුන් ට ප්‍රහාරය එල්ල කරේ නම් NDT සිසුන් 68 දෙනාට සිදුවන දේ සිතාගත හැකිය . එසේ නම් අද වන විට තත්වය වෙනස්ම ආකාරයකි. NDT සිසුන් පිරිස විසිරී සිට පහර දුන් නිසාත් ඉන්ජිනේරු සිසුන් පිරිස රංචු ආකාරයෙන් සිට පහර දුන් නිසාත් විසිකර ගැසූ ගල් හා හිස් බීම බෝතල් ප්‍රහාර හමුවේ ඉන්ජිනේරු සිසුන් ට සිදුවූ හානිය වැඩි විය . NDT සිසුන් මෙලෙස A නේවාසිකාගාරය අසල සිට මීටර් 100ක දුරින් වූ තුන් මුල්ල නම් ස්ථානයට ලඟා වනවිට පැය එක හමාරක් පමණ ගැටුම ඇති වී තිබුනු අතර තුන් මුල්ල හා විශ්වවිද්‍යලයේ ප්‍රධාන ගේට්ටුව දක්වා මීටර් 100ක දුර අතර ප්‍රදේශය විදුලි පහන් එලියෙන් ආලෝක වී තිබූ නිසා NDT සිසුන් පිරිස පැහැදිලිව ඉන්ජිනේරු ශිෂ්‍යයින් ඉලක්ක වන නිසා ඔවුන් සටන නවතා දිවගොස් ප්‍රධාන ගේට්ටුවෙන් එලියට පැනගත්තේය . ජයග්‍රහණය ඉන්ජිනේරු සිසුන්ට හිමිවිය. NDT සිසුන්ට අපහාස කරමින් විශ්වවිද්‍යාල භූමියේ සෑම තැනම වදන් ලියමින් ජය සමරුවේය. “E- fac” යනුවෙන් කෑ ගසමින් ජය සැමරුවේය.

පසුදා එලිවන විට ඉන්ජිනේරු හා NDT සිසුන්ට විශ්වවිද්‍යාලයට පැමිනීම තාවකලිකව තහනම් කර තිබුනි.පසුව තවදුරටත් හෙලිදරවු වූයේ ජනවාරි 2 ඇතිවූ මෙම ගැටුම දෙසැම්බර් 31 සිදු කිරීමට සලසුම් කර තිබූ බවයි .

ගැටුමකින් පසුව සිදුවන ක්‍රියාවලියන් වන විශ්වවිද්‍යාල පරිපාලනයට උත්තර බඳිමින් ආදී අවස්ථාවන්ට මුහුණ දෙමින් කාලය ගතවුනි.විශ්වවිද්‍යාල පරිපාලනයද මධ්‍යස්ථව කටයුතු කරන බවක් පෙන්නුවද ඉන්ජිනේරු සිසුන් වෙනුවෙන් පෙනී සිටින බව පැහැදිලිව පෙන්නුම් කෙරුණි . NDT ශිෂ්‍යය සංගමය කෙරෙහි පරිපාලනය වරද පටවමින් සිටියේය .මෙයින් NDT සිසුන් මහත් පීඩාවට පත්විය . NDT සිසුන් ඉන්ජිනේරු සිසුන්ට පහරදීම ට අවස්ථාවක් එනතුරු නොසන්සුන්ව සිටියහ . විශ්වවිද්‍යාලයෙන් ඉවත් වූ ශිෂ්‍යය කන්ඩායම් ද මේ ගැන නිතර මේ පිලිබඳව විමසිල්ලෙන් සිටින නිසා තම අභිමානය වෙනුවෙන් ප්‍රතිප්‍රහාරය එල්ල කිරීම අනිවාර්‍ය විය . නමුත් පැවති වාතාවරණය අනුව එය කෙසේ, කවදා කරනවාදැයි අදහසක් නොවිනි. මේ අතර අවසන් වසර ඉන්ජිනේරු සිසුන්ගේ විභාගය අවසන් වූ පසු නැවත විශ්වවිද්‍යාලයට නොඑන නිසා එය අවස්ථාවක් කරගනිමින් NDT සිසුන්ට දැවැන්ත ප්‍රහාරයක් පෙබරවාරි 2 වන දින එල්ල කර යාමේ සැලසුම පිලිබඳව ඉන්ජිනේරු සිසුන් අතර වූ කතාබහක් NDT සිසුන් ටද දැනගන්නට ලැබුණි. මෙයින් තව තවත් නොසන්සුන්තාවයට පත්වූ අතර නොසන්සුන් වූ ශිෂ්‍යයින්ගේ පීඩනය ශිෂ්‍යය සංගම් ක්‍රියාකරිකයින්ට පවා පාලනය කල නොහැකි තරම් විය . ඉන්ජිනේරු . මෙසේ නැවත ප්‍රහාරයක් එල්ල කිරීමට සලසුම් කලේ කලින් ප්‍රහාරය සැබෑ ජයග්‍රහණයක් ලෙස තහවුරු කර ගැනීමට නොහැකි වූ නිසා බව පැහැදිලිය. මේ නිසා දෙපිරිසම ප්‍රහරයකයට මුණ දීමට සූදානම් වූහ. මේ අතර ගැටුමට සම්බන්ධ අයගේ නම් වශයෙන් පරිපාලනයට නම් ඉදිරිපත් කර තිබිණි. NDT ශිෂ්‍යය සංගමය විසින් එලෙස ඉන්ජිනේරු සිසුන්ගේ නම් ද ඉදිරිපත් කර තිබුනි.

ජනවාරි 16 ගැටුම

ජනවාරි 16 දින රාත්‍රී NDT ශිෂ්‍යය සංගම් සභාපති හා තවත් ශිෂ්‍යය සංගම් ක්‍රියාකාරිකයකු විශ්වවිද්‍යාලය ඉදිරිපිටට පැමිනෙන ජංගම ආපනශාලා රථයෙන් කෑම ගෙන නැවත නේවාසිකාගාරය වෙත එමින් සිටියදී කිසියම් පිරිසක් විශ්වවිද්‍යාලය තුලදී අඳුරේ සිට පහර දී ඇත. ඔවුන් දෙදෙනා එතනින් මිදී නේවාසිකාගාරය වෙත වහා පලා දිව ගියහ . ඉන්ජිනේරු සිසුන්ගේ නම් ඉදිරිපත් කර තිබීම මීට හේතු වන්නට ඇත.

සහොදර ශිෂ්‍යයන් අතර සිද්ධිය පිලිබඳව ආරංචිය වේගයෙන් යන්නට විය . පරිපාලනය විසින් NDT සිසුන්ටම වරද පටවන වාතාවරණයක පරිපාලනයට සැබෑ තත්වය පෙන්වා දීමට මෙවර ඇති වූ සිද්ධි දෙක පිලිබඳ පැමිණිලි කිරීමට පහරකෑමට ලක්වූ NDT ශිෂ්‍යය සංගම් සභාපති හා අනෙක් ක්‍රියාකාරිකයා විශ්වවිද්‍යාල පරිපාලනය හමුවීමට ගියේය. පරිපාලනය එය නොසලකා ඇත . පාලනය කිරීමට නොහැකිවම තිබූ අවස්ථාවක ඇති වූ මේ සිද්ධි නිසා කැකෑරෙමින් තිබූ වෛරය මුදා හරිමින් විශ්වවිද්‍යාලයේ පිටත නවාතැන් ගෙන සිටි අනෙක් NDT සිසුන්ගේද සහය ඇතුව ඉන්ජිනේරු සිසුන් වෙත දැවැන්ත ප්‍රහාරයක් දියත් කලේය.

සමහර විටෙක එය මිලේච්ච ආකාරයක්ද විය . එක් ඉන්ජිනේරු ශිෂ්‍යයෙක්ගේ හිසට, මොලයට බරපතල හානි සිදුවන සේ පහර දීමට තරම් සිත්පිත් නොමැති පුද්ගලයන්ද විය .

මෙහිදී සඳහන් කළ යුතු දෑ කීපයකි . එනම් දැනට අපට හැමතැනම අසන්නට ලබෙන්නේ NDT සිසුන් මහා මිලේච්ච ප්‍රහාරයක් කළ බවකි. එක් ඉන්ජිනේරු සිසුවකු දැඩි සත්කාර ඒකකයේ ප්‍රතිකාර ගැනීමට තරම් පහර කෑමට ලක්වීමම එය තහවුරු කරයි .නමුත් එහෙම තත්වයක් අතිවීමට ඉන්ජිනේරු සිසුන් ද වගකිව යුතුය . මෙම ප්‍රහාරය සඳහා NDT සිසුන් විසින් පිටස්තර මැරයින් ගෙන්වාගෙන ඇතැයි යන ඉන්ජිනේරු සිසුන් ගේ චෝදනා අසත්‍යයය .ඔවුන් ඔවුන්ගේ සහෝදර NDT සිසුන් ගේ සහය ගෙන තිබුණි(ඉන්ජිනේරු සිසුන් ජනවාරි 2 ප්‍රහාරය සඳහා ඔවුන්ගේ සහෝදර ඉන්ජිනේරු සිසුන් ගේ සහය ගෙන තිබූ ආකාරයටම ). පොලු හා පෙට්‍රල් බෝම්බ ප්‍රහාරය සඳහා පාවිච්චි කර තිබූ බව සැබෑය. පෙට්‍රල් බෝම්බ ඉන්ජිනේරු සිසුන් ලඟද තිබුණි. තවද ගල් , ගැඩොල් , යකඩ, පොලු එකතු කර තිබුණි. එවා පෙබරවාරි 2 ප්‍රහාරයට ඔවුන් සූදානම් කර තිබූ ඒවාය. NDT සිසුන්ගේ හදිසි ප්‍රහාරය හමුවේ ඉන්ජිනේරු සිසුන් ට එවා පාවිච්චි කිරීමට නොහැකි විය. නමුත් ඔවුන් ඒවා ගැටුමෙන් පසු ජනවාරි 16 සිසුන්ගේ මිලෙච්චත්වය දෙගුණ තෙගුණ කර පිටට පෙන්වීමට පාවිච්චි කළේය . මෙහිදී විශේෂයෙන් සඳහන් කළ යුත්තේ ඉන්ජිනේරු සිසුන් ජනවාරි 2 හා ජනවාරි 16 ගැටුම් දෙකින්ම පසුව පිට සමාජයට හා ජනමාධ්‍යයට වැඩිපුර මවාපෑම් ප්‍රමාණයක් ඉදිරිපත් කරමින් ඔවුන්ගේ නිවැරදි භාවයත් සම්පූර්ණ වරද NDT සිසුන්ගේ බවත් පෙන්වා දුන්නේය. එය ගොඩක් දුරට සාර්ථකම විය . ජනමාධ්‍යය මගින් එය එලෙසම පෙන්වා දුනි. පරිපාලනයද NDT සිසුන් කෙරෙහි වැඩි වරද පටවමින් කටයුතු කලහ .

පහුගිය දිනවල සිදුවූ ගැටුම් වල සැබෑම කතන්දරයයි . මෙහිදී සඳහන් කළ දෑ අනුව NDT සිසුන් ට පක්ෂපාති බවක් හැඟේ . නමුත් ඇත්තටම සිදුවූ සිදුමීම් පෙළ මෙයයි .මෙම සත්‍යය ජවනිකා කිහිපය සටහන් කිරීමට හේතුව වූයේ අද වන විට අපට සිද්ධීන් ලෙස අපට අසන්නට ලබෙන්නේ වෙනස්ම ආකාරයේ කතාන්දරයක් නිසාය. මෙම සත්‍යය සිදුවීම් පෙළ අති බහුතරයක් ඉන්ජිනේරු සිසුන් ද නොදන්න බවට සහතිකය.

මොරටුව විශ්ව විද්‍යාලයේ ශිෂ්‍යය සංගම් ක්‍රියාකාරීත්වය

මොරටුව සරසවියට අභිමානවත් ශිෂ්‍යය ක්‍රියාකාරී ඉතිහාසයක් අතීතයේ තිබුනද මේ වන විට එය වෙනස් ය. ඉන්ජිනේරු , වාස්තු , IT පීඨ ශිෂ්‍යය සංගම් තුනද NDT ශිෂ්‍යය සංගමයද ස්වාධීන ලෙස කටයුතු කරයි(යථාර්තයට අනුව ස්වාධීන කියා කිසිවක් නොමැත) . NDT ශිෂ්‍යය සංගමයද අන්තර් විශ්ව විද්‍යාලීය ශිෂ්‍යය බල මණ්ඩලය හා තිබූ ගනුදෙනු වලින් ඉවත් වී අවුරුදු තුනකටත් වැඩි වේ .එතැන් පටන් NDT ශිෂ්‍යය සංගමයද බෙදෙමින් මතුපිටින් නොපෙනෙන අරාජිකත්වකට පත් වෙමින් තිබේ . NDT ශිෂ්‍යය සංගමය ගැන පවසන විට එහි බෙදීම වූයේ අන්තරයෙන් වෙන්වී ස්වාධීන යැයි කියගනිමින් කටයුතු කල කාලයේය . වෙන් වීම වෙනුවෙන් ඇප කැප වී කටයුතු කළ අය නාමල් රාජපක්ෂගේ හා SB දිසානයකගේ සෙවනෙහි වැඩෙන්නෝය. අනෙක් පිරිස යම් සංවිධානාත්මක එකමුතු කමකින් කටයුතු කරයි. එය විශ්ව විද්‍යාල පරිපාලනයට හා පාලකයින් ට යම් අභියෝගයක් බැවින් ඔවුන්ට එරෙහිව පරිපාලනය හා පාලකයින් කටයුතු කරන්නේ ඒ නිසාය . ඉන්ජිනේරු පීඨ ශිෂ්‍යය සංගමය ද බෙදී ඇත්තේ ඔවුන්ද ස්වාධීන යැයි කියාගත් කාලයේය. එය මෑතක සිදුවූවක් නොවේ. ඉන්ජිනේරු පීඨ ශිෂ්‍යය සංගමයට විශ්ව විද්‍යාල පරිපාලනය හා පාලකයින් පිටට නොපෙන්වන සෙනෙහසක් දක්වයි . එයට හේතුව ඔවුන් විශ්ව විද්‍යාල පරිපාලනයට හා පාලකයින් ට කිසිඳු අභියොගයක් වන ආකාරයෙන් කටයුතු නොකරන නිසාය .සියලු ශිෂ්‍යය සංගම් විශ්ව විද්‍යාල පරිපාලනය හමුවී සිදුකරන රැස්වීම් වලදී ඉන්ජිනේරු පීඨ ශිෂ්‍යය සංගමය කටයුතු කරන්නේ කෙසේදැයි ඒ අවස්ථාවන්ට සහභාගී වන සියලු දෙනා දනී.වාස්තු හා IT පීඨ ශිෂ්‍යය සංගම් විශ්ව විද්‍යාල පරිපාලනයට කිසිඳු අභියොගයක් නොවුනද වර්තමානයේ එය වෙනස් වෙමින් පවතින ස්වභාවයක් මතුවේ .

වෙනත් විශ්ව විශ්ව විද්‍යාල සාමුහිකව පොදු ප්‍රශ්න වෙනුවෙන් පෙනී සිටිද්දී , නිදහස් අධ්‍යාපනය රැක ගැනීම සඳහා සාමූහිකව අරගල කරද්දී මොරටුව විශ්ව විශ්ව විද්‍යාලයේ ශිෂ්‍යය සංගම් දීර්ග නින්දකට සමවැදී සිටි ආකාරයක් පෙන්නුම් කලේය. මහා ශිෂ්‍යය සංගමයක් තිබුනේ නමට පමනකි. මහා ශිෂ්‍යය සංගම් නියොජිතයින්ද පවසා සිටින්නේ මෙය අනෙකුත් විශ්ව විද්‍යාල වගේ නොවෙයි කියායි .අප සරසවියේ මේ තත්වය මත විශ්ව විද්‍යාල පරිපාලනය දීර්ග කාලයක සිට වෙනත් විශ්ව විද්‍යාලවල නොමති තරමේ නීති හා රීති ප්‍රමානයකින් ශිෂ්‍යය නිදහස හා සියලුම සිසු ක්‍රියාකාරකම් යටත් කරගෙන සිටිමින් පාලනය ගෙන යයි .මේවාට අප විශ්ව විද්‍යාලයේ සිසු සිසුවියන්ද අනුගතව සිටි හෙයින් එය පිළිබඳ එතරම් නොදැනේ. කනගටුවෙන් වුවද කිව යුත්තේ මොරටුව විශ්ව විද්‍යාලය ලොකයේ ඉහලම තැනක සිටියේ දැනුම අතින් වුවද සමාජයේ හා අධ්‍යාපනයේ සැබෑ අර්බුද කෙරෙහි අවබෝධයෙන් කටයුතු නොකරන යාන්ත්‍රික පිරිසක් ලෙස නම රන්දා තිබෙන බවයි . ඉඳ හිට සිදුවූ හුදෙකලා සිදුවීම් හෝ මේවා තේරුම් ගෙන සිටි අති සීමිත දෙනාගේ හුදෙකලා ක්‍රියාවන් නිෂ්ඵල විය . වරින් වර මහා ශිෂ්‍යය සංගම් සභාපති වරුන් ලෙස කටයුතු කළ ඉන්ජිනේරු , වාස්තු , IT පීඨ නියෝජිතයන් හා මෙතෙක් විශ්ව විද්‍යාලයේ සියලුම ශිෂ්‍යය සංගම් වල කිනම් හෝ වගකීමක කටයුතු කළ පිරිස් ද විශ්ව විද්‍යාලය වශයෙන් සියලුම ශිෂ්‍යය ප්‍රජාවද අප විශ්ව විද්‍යාලයේ මෙම බැලු බැලමට නොපෙනෙන එහෙත් දරුණු ලෙස සිදුවී ඇති අරාජිකත්වයට වගකිව යුතුය.

පහුගිය දින වල විශ්ව විද්‍යාලීය ශිෂ්‍යයින් ලෙස සහයෝගයෙන් මැදිහත් විය යුතුව තිබූ පොදු අරගල වලදී ඉන්ජිනේරු පීඨ ශිෂ්‍යය සංගමය තනිව ක්‍රියා කලේය. මහා ශිෂ්‍යය සංගමයේ සභාපති ලෙස සිටියේද ඉන්ජිනේරු පීඨ ශිෂ්‍යය සංගමයේ සභාපති වරයායි. නමුත් එය නමට පමණක් විය . ආචාර්‍ය වරුන්ගේ වැඩ වර්ජනය සමයේ මුල් කාලයේම එය විසඳා වහාම අධ්‍යන කටයුතු අරඹන්නැයි බලකරමින් උද්ගෝෂණයක් වාස්තු හා තොරතුරු තාක්ෂණ (IT) පීඨ හරහා යෝජනා වී සංවිධානය වන්නට විය.මහා ශිෂ්‍යය සංගමය ( ඉන්ජිනේරු , වාස්තු , IT පීඨ) හා NDT ශිෂ්‍යය සංගමය එකතු වී මේ උද්ගෝෂණය කිරීමට NDT ශිෂ්‍යය සංගමය කැමත්ත පල කළද ඉන්ජිනේරු පීඨ ශිෂ්‍යය සංගමය එය ප්‍රතික්ශේප කළා පමනක් නොව උද්ගෝෂණයක් කිරීමට පවා අදහසක් නොවිනි. පසුව ක්‍රියාමාර්ගය අත්නොහළ , වාස්තු , IT , NDT සිසුන් ඉන්ජිනේරු සිසුන්ටද ආරාධනා කොට මොරටුව විශ්ව විද්‍යාලයේ සියලුම ශිෂ්‍යයින් එකමුතු කර මෙය කිරීමේ අරමුණින් මොරටුව විශ්ව විද්‍යාලීය ශිෂ්‍යය සංගම් එකමුතුව නමින් විරෝධතා උද්ගෝෂණය හා පාගමන සංවිධානය කර දින නියම කර ප්‍රසිද්ද කරන ලදී. ඉන්ජිනේරු පීඨයේ අනෙකුත් සිසුන්ගේ ප්‍රශ්න කිරීම් වලටත් තම අභිමානය රැක ගැනීම වැනි දේ නිසාත් ඉන්ජිනේරු පීඨ ශිෂ්‍යය සංගමය හදිසියේ වෙනම උද්ගෝෂණයක් දින දෙකකටත් අඩු කාලයකින් සංවිධානය කර පෙර කී උද්ගෝෂණයට පෙර දින ලෙස දින යොදාගෙන කළේය . මෙයින් ඉන්ජිනේරු හා අනෙකුත් සිසුන් අතර යම් යම් වැරදි අවබෝධයන් , සිත් අමනාපකම් ඇති වෙන්නට ඇත . ඒ සඳහා ඉන්ජිනේරු පීඨ ශිෂ්‍යය සංගමය පැහැදිලිව වග කිව යුතුය . පලමු උද්ගෝෂණයෙන් පසුව මොරටුව විශ්ව විද්‍යාලීය ශිෂ්‍යය සංගම් එකමුතුව නමින් කළ උද්ගොෂණය සඳහාද එකමුතු කමෙහි උවමනාව , අගය වටහා ගත් ඉන්ජිනේරු සිසුන් පිරිස් පැමිණ සිටීම අගය කළ යුතුය . සමහර සිසුන්ගේ කැපවීම් මත විශ්ව විද්‍යාලයේ පොදු එකමුතුව ගොඩනගමින් තිබුනි . එහි ප්‍රතිඵල එම දින වල එසේ දක්නට ලැබුණි . පසුව සිදුවූ 6% පොදු අරගලයේ දැවැන්ත පාගමන සඳහා අප විශ්ව විද්‍යාලීය ශිෂ්‍යයන්ගේ පොදු උනන්දුව මත ශිෂ්‍යය සංගම් බේදයකින් තොරව බුද්ධිමත් සිසු සිසුවියන් දායකත්වය දුනි.ශිෂ්‍යය සංගම් අකාර්යක්ෂම වුවද අධ්‍යාපනයේ හා සමාජයේ අර්බුද කෙරේ සංවේදී ශිෂ්‍යය පිරිසක් සිටින බවත් හා නිදහස් අධ්‍යාපනය සුරැකීමේ අවශ්‍යයතාවය තේරුම්ගත් බුද්ධිමත් ශිෂ්‍යය බලවේගයක ශක්තියත් පෙන්නුම් කළේය .

මෙය ඈත ඉතිහාසයෙන් පසු සිදුවූ මහා සිසු පිබිදීමක් ලෙස හැදින්විය හැක. කෙසේ හෝ මේ සිදුවීම් මගින් විශ්ව විද්‍යාල පරිපලනයට හා පාලකයන්ට මෙතෙක් විශ්ව විද්‍යාලයේ තිබූ තත්වයට වඩා වෙනස් තත්වයක් උදා වෙමින් යන බව වැටහෙන්නට විය. එම තත්වය ඔවුන්ට අවාසිදායක වන බැවින් මෙතෙක් පවත්වාගෙන ආ තත්වයම පවත්වාගෙන යාමට සිසු අසමගිය නැවත මතු කරන්නට කටයුතු කළේය. මේ දිනවල අපට දිගටම අසන්න ලැබුනේ වෙනත් විශ්ව විද්‍යාල වල මහා ශිෂ්‍යය සංගම් සභාපති වරුන්ට, ශිෂ්‍යය සංගම් ක්‍රියාකාරිකයින්ට අන්ඩුවේ මැරයන් පහර දුන් සිද්ධින් ය. එලෙස විශ්වවිද්‍යාල වශයෙන් පාලකයන්ට අභියෝගයක් වන තැන් වලට පහරදීමත් , අසමගිය අරාජිකත්වය ඇති කිරීමට හැකි තැන් වල ගැටුම් ඇති කිරීමටත් පියවර ගැනුනි . මෙසේ කිරීමට හේතු වූයේ මේ දිනවල නොයෙක් දහම් ගැට දමා සම්මත කරගනිමින් තිබෙන අධ්‍යාපනය පෞද්ගලීකරණය කිරීමේ ආණ්ඩුවේ වැඩපිලිවෙල කෙරෙහි සිසු අවධානය යොමු නොවෙන්නට ඉඩ හැරීමටත් ඊට එරෙහි වන සිසු ක්‍රියාකාරකම් නතර කිරීමටත්ය.

2010 න් පසු අප විශ්ව විද්‍යාලයේ එකමුතුව ගොඩ නගමින් සිටි තත්වයක, ඉන්ජිනේරු සිසුන් හා NDT සිසුන් අතර සහෝදරත්වය ගොඩනැගෙමින් සිටි අවධියක මෙසේ ගැටුම් සිදු වූයේ ඉහත අවශ්‍යයතාවයන් මූලික කරගත් නිසාය . ඒ සදහා විශ්ව විද්‍යාලීය සිසුන් වශයෙන් අනෙකුත් ඉන්ජිනේරු ශිෂ්‍යයින්ද පොළඹවමින් ගැටුම්( ජනවාරි 2 ) සංවිධානය කල , දැනුවත්ව හෝ නොදැනුවත්ව ආණ්ඩුවේ උවමනාවන් ඉටු කළ ඉන්ජිනේරු සිසුන් ද පැහැදිලිව වග කිව යුතුය .දරුණු ලෙස ප්‍රහාර ලැබූ අප ඉන්ජිනෙරු සොයුරා පෙන්වමින් හා වැඩිමනත් බොරු සාධක පෙන්නමින් තම නිදොස් භාවය පෙන්නන්නට කටයුතු කරමින් සිටියද , තමා කළ පෙළඹවීම් , ක්‍රියාකරකම් වසන් කරමින් තමා කළ ප්‍රහාරයට වඩා වැඩි ප්‍රහාරයක් නැවත තමාටම අත්විදීමට වූ තැන ප්‍රහාරයේ ප්‍රමානයක් ගැන විවාද කරමින් සිටියද සැබෑවටම මෙම වර්තමාන තත්වයට ඉන්ජිනේරු පීඨ ශිෂ්‍යය සංගමය හා මෙම ගැටුම් නිර්මාණය කල ඉන්ජිනේරු සිසුන් වගකිය යුතුමය.

මෙම සටහන් තබන මා ඉන්ජිනේරු සිසුන් හා ඇති වෛරයක් නිසා ලියන ලද්දක් නොවන බව පැවසිය යුතුමය . සැබෑ තත්වය පැවසීම අත්‍යවශ්‍යය වී ඇති හෙයින් මෙසේ ලියන්නට වුන අතර එහිදී ඉන්ජිනේරු පීඨ ශිෂ්‍යය සංගමය හා මෙම ගැටුම් නිර්මාණය කල ඉන්ජිනේරු සිසුන් පිළිබඳ වැඩියෙන් සඳහන් කරන්නට වූයේ ඔවුන් සමඟ ඇති පෞද්ගලික තරහවකට නොවන බව බුද්ධිමත් පාඨක ඔබට වටහා ගත හැකි යයි සිතමි .

වර්තමානයේ ගැටුම් වලට මැදිහත් වන NDT හෝ ඉන්ජිනේරු සිසු දෙපිරිසේ සම්පූර්ණ වරදක් නොවන බව අප තේරුම් ගත යුතුය .වරද මා මුලින් සඳහන් කළ ආකාරයට මෙවන් තත්වයක් ඇති කළ හා හා ඒවායේ මූලයන්ට නිවැරදි ස්ථිර විසඳුම් නොසොයමින් තව තවත් එවා වක්‍රාකාරයෙන් පෝෂණය කරමින් සිටින පාලකයන්ගේය. මෙසේ මතුවුන ගැටුම් සඳහා මෙන්ම ගැටුමින් පසු එය සාධාරණීකරනය සඳහා වූ සීතල සටනේදී සියලු ශිෂ්‍යයින් ( ගැටුම් වලට ගිය , නොගිය මෙන්ම කිසිඳු දෙයක් නොදත් සියලු දෙනා පවා ) පෙනී සිටින්නේ තම තමන්ගේ ශිෂ්‍යය කණ්ඩායම් හා අධ්‍යයන පීඨයන් වෙනුවෙනි . මෙවිට සිසුන්ගේ බුද්ධියට වඩා හැඟීම් ඉස්මතු වී තරුණ උණද එය සමග මුසු වෙමින් තත්වය තවත් බරපතල වේ. සමගියෙන් පොදු සැබෑ ප්‍රශ්න වලට මුහුන දිය යුතුව තිබියදී අධ්‍යයන අංශයන්ගේ නාමයෙන් බෙදේ . එවිට විශ්වවිද්‍යාලයක් විදියට පිරිහීමට පත්වේ . සමාජය වෙනුවෙන් වගකිවයුතු , වගවියයුතු බුද්ධිමත් ප්‍රජාවකගේ සැබෑ කාර්‍යය භාරයන්ගෙන් ඈත්වේ. මෙය තෙරුම් ගනිමින් කටයුතු කරමු.

:- චමිල බාලසූරියමොරටු සරසවියේ ගැටුම් වල සැබෑම පැත්ත.

පසුගිය 16 වනදා මොරටුව විශ්වවිද්‍යාලයේ ඉන්ජිනේරු පීඨයේ සිසුන් හා NDT (ජාතික තාක්ෂණ ඩිප්ලෝමා ) සිසුන් අතර ඇතිවූ ගැටුමකින් ඉන්ජිනේරු ශිෂ්‍යයකු බරපතල තුවාල ලබා දැඩි සත්කාර ඒකකයට අතුලත් කරුණි. තවත් සිසුවකු කලුබෝවිල රෝහලට අතුලත් කෙරුණි . සැබවින්ම මෙය මිලෙච්ච ක්‍රියාවකි . නමුත් මෙම ගැටුම් ඇතිවීමට මූලික වූ සැබෑ හේතුව හෝ ගැටුම් මෙතරම් බරපතල වීමට හේතූන් කිසිවකුගෙන් අසන්නට නොලබේ . ආසන්න සිදුවීම් සලකා බැලීමෙන් හෝ ආසන්න සිදුවීම් වල ප්‍රමානය සලකා බැලීමෙන් සංවේදී වීම හා මේ පිලිබඳව තේරුම් ගැනීම ට බොහෝ දෙනා පෙලඹී ඇත . මාධ්‍යය මගින්ද ,අන්තර්ජාලයේද ඒ ආකාරයෙන්ම තොරතුරු ඉදිරිපත් කරමින් දැනුවත්ව හෝ නොදැනුවත්ව එක් පාර්ශවයක් ගනිමින් නිවැරදි දෑ ඉදිරිපත් නොකරමින් කටයුතු කරයි . මෙම ගැටුම් වල ඉතිහාසයත් ගැටුම් කාරී තත්වයක් ඉස්මතු වීමට හේතු වූ සැබෑ කරුණුත් , මෑතකදී සිදුවූ සිදුවීම් වල නිවැරදි තොරතුරුත් පිලිබඳ අවබෝධයක් ලබා දීමට අවශ්‍යය තත්වයක් උදා වී ඇති නිසා මෙම සටහන අත්‍යාවශ්‍යම තොරතුරු සමග හැකිතාක් කෙටියෙන් තබමි .

මොරටුව විශ්වවිද්‍යාලය විශ්වවිද්‍යාලයක් ලෙස ආරම්භ කිරීමට පෙර එම ස්ථානයේ පැවතුනේ තාක්ෂණ ආයතනයක් ලෙසය . පසුව එය විශ්වවිද්‍යලයක් බවට පත් කෙරුනු අතර එහි ඉන්ජිනේරු පීඨය , වාස්තු විද්‍යා පීඨය, තොරතුරු තාක්ෂණ පීඨය , යන පීඨ තුන සහ ආරම්භයේ පැවති ඉන්ජිනේරු තක්ෂණ ඩිප්ලෝමා වද (NDT) විශ්වවිද්‍යාලයට අනුබද්ධ කර ක්‍රියාත්මක විය .(1940 දී කනිෂ්ඨ කාර්මිකයන් පුහුණුකිරීමේ පාඨමාලාව (JTO ) ලෙස මරදාන කාර්මික විද්‍යාලයේදී ආරම්භ වී 1960 දී කැනේඩියානු ආධාර සහිතව කටුබැද්ද ප්‍රායෝගික තාක්ෂණික ආයතනය බවට පත්විය . 1966 දී කාර්මික ආයතනය බවට පත්විය . 1968 දී JTO පාඨමාලාව NDT බවට පත්විය . පසුව 1972 දී ශ්‍රී ලංකා කාර්මික ආයතනය ශ්‍රී ලංකා විශ්ව විද්‍යාලය කටුබැද්ද මණ්ඩපය බවට පත්වූ අතර 1978 දී මොරටුව විශ්වවිද්‍යාලය බවට පත්විය . 1987 ජුනි මස 05 දින සිට NDT පාඨමාලාව 1978 අංක 16 දරන විශ්ව විද්‍යාල පනතේ 29 (ඊ) වගන්තිය යටතේ මොරටුව විශ්ව විද්‍යාලීය 3න් අවුරුදු පූර්ණ කාලීන අභ්‍යන්තර පාඨමාලාවක් බවට පත් විය ).

ඉන්ජිනේරු පීඨ සිසුන් ඉන්ජිනේරු උපාධි ධාරීන් වන අතර NDT සිසුන් ඩිප්ලෝමාධාරීන් වේ . උපාධි දාරීන් හා ඩිප්ලෝමා දාරීන් අතර නොයෙක් දෑ සම්බන්ධයෙන් විරසක වීම් හටගනිමින් ගැටුම් දක්වා මේවා වර්ධනය විය .

ලංකාව තුල ක්‍රියාත්මක වන පසුගාමී ආර්ථික ක්‍රමයේ අර්බුදයේ ගිලී සිටින රැකියා හා අධ්‍යාපන යන ක්ෂේත්‍ර දෙකෙහිද විශමතා, දුර්වලතා , අවුල් නිසාම මාරාන්තික ගැටුම් දක්වා වර්ධනය වීමට හේතු කාරණා උත්පාදනය වේ .

මොරටුව විශ්වවිද්‍යාලයේ මෙම ගැටුම 1987 වර්ශයේ මොරටුව විශ්වවිද්‍යාලයට NDT ය අනුබද්ධ කිරීමෙන් පසුව එහි පලමු ශිෂ්‍යය කන්ඩායම විශ්වවිද්‍යාලයෙන් පිටවූ 1991 වර්ෂයේ සිටම ඇති වූ ගැටුමකි . මෙම ගැටුම් වලට අවුරුදු 20කට වැඩි ඉතිහාසයක් තිබේ . මෙම විසි අවුරුද්ද තිස්සෙම පැවති ආණ්ඩු කළේ ගැටුම තව තවත් වර්ධනය කිරීමයි.. ගැටුම් ඇතිවූ විට ශිෂ්‍යයින් කිහිප දෙනෙකුට දඬුවම් කරමින් තත්වය සමනය කලා වැන්නක් පෙන්නුම් කළේය . එයින් තාවකාලිකව යටපත් වුවද ගැටුමේ මූලයන් ට පිළියම් නොකිරීම නිසා විශ්වවිද්‍යාලය තුල මෙම ගැටුම අළු යට ගිනි පුපුරු මෙන් පැවතිනි . එම නිසා කලින් කලට මතුකරගන්නා සිද්ධියක් මුල් කරගනිමින් ගැටුම් අතිවේ නැවතත් තාවකලික පිළියමක් යොදමින් ශිෂ්‍යයින් ට නොතේරෙන සේ අර්බුධය පවත්වාගනියි . පැවති රජයන් මෙය සිදුකරන්නේ අරමුණු කීපයක් මුල් කරගෙනයි.

*ඉන් එකක් වන්නේ රාජ්‍ය විශ්ව විද්‍යාල වල මෙවැනි අරාජික තත්වයක් මතුකර සමාජයට පෙන්වීමෙන් රාජ්‍යය විශ්වවිද්‍යාල කෙරෙහි ඇති විශ්වාසය නැති කොට අධ්‍යාපනය විකිනීමට හෙවත් පාලකයන්ගේ මඩි තරකර ගැනීමේ පුද්ගලික විශ්වවිද්‍යාල කෙරෙහි යොමුවීම තව තවත් තහවුරු කරගැනීමයි .

* එමෙන්ම අතීතයේ සිට පවතින සාමුහික ශිෂ්‍යය අරගල වලින් පරාජයට පත්වූ පාලකයන්ගේ ක්‍රියාකරකම් නිසා විශ්වවිද්‍යාල සිසුන්ගේ අසමගිය ඇති කිරීම අනිවාර්‍යය වේ .එම නිසා උපක්‍රම පාවිච්චි කරමින් ගැටුම් කාරී තත්වයන් නිර්මාණය කරයි .

* තවද ඉන්ජිනේරු ක්ෂේත්‍රයේ මේ රැකියා පිලිබඳ අර්බුදයට ට සැබෑ හේතුව නොසොයා, හේතුව තම සහෝදර ශිෂ්‍යයින් ලෙස දකින දෙපිරිසම ඇතිකරගත් තත්වයද ආර්ථික අර්බුදයේ, රැකියා අර්බුදයේ ගිලී සිටින පාලකයින්ට ඉතාමත් වාසි සහගත තත්වයකි .

මෙයින් මෙම ගැටුම් ඇති වීමේ මූලයන් පිළිබඳ පහැදිලි අදහසක් අති වූවායැයි සිතමි .

මෙ දින කීපය තුල අති වූ සිද්ධි පිලිබඳව නිවැරදි කරුණු කිසිවකු හො නොපවසමින් ගෙන යන අසත්‍යය ප්‍රචාරයන් නිසා සිදුවු සිදුවීම් කිහිපය ගැනද සඳහන් කළ යුතුය .

ඉහත කී මූලයයන් නිසා හටගත් ගැටුම එක් පිරිසක් පහරකෑමට ලක්වූ පසු තම අභිමානය තහවුරු කරගැනීමට හා යටින් ක්‍රියාත්මක වන පාලකයන්ගේ උපක්‍රම වලට හසු වෙමින්, ඒ උවමනාවන් ඉටු කරමින් අනෙක් පිරිස ට නැවත කුමන හෝ කාලයකදී සලසුම් කර කුමක් හෝ සිද්ධියක් මුල් කරගනිමින් පහර දෙයි . නැවත නැවතත් සිදුවන්නේ මෙයයි .අතීතයේ සිට පවතින මේ ගැටුම් මාලාවේ .එක් ගැටුමක් 2010 වර්ශයේදී විය. එයට මූලිකව මැදිහත් වුන කන්ඩායම් වූයේ දැනට ඉන්ජිනේරු අවසන් වසර සිසුන් හා NDT 2009/ 2010 කන්ඩායමේ සිසුන් ය .දැනට එම සිසුන් රැකියාවල නියැලේ .

2010 න් පසුව විශේෂ යමක් සිදු නොවිනි . වාස්තු හා IT පීඨ ශිෂ්‍යය සංගම් මැදිහත් වී විශ්ව විද්‍යාලයේ එකමුතුව ගොඩනගමින් සිටි අවධියකි .

ජනවාරි 2 ගැටුම

ඒ වන විට විශ්වවිද්‍යාලය තුල සිටියේ NDT දෙවන වසර සිසුන් පමණි . අවසන් වසර ඉන්ජිනේරු සිසුන් තව ටික දිනකින් විශ්වවිද්‍යාලයෙන් ඉවත්ව යන බැවින් ඊට පෙර NDT සිසුන්ට පහරදී යාමට සැලසුම විය. NDT දෙවන වසර සිසුන් සහ අවසන් වසර ඉන්ජිනේරු සිසුන් විශ්වවිද්‍යාලය අභ්‍යන්තරයේ පිහිටි නේවාසිකාගාරයේ (Aහොස්ටල්හි ) දෙපැත්තක වාසය කරයි .2010 සිද්ධියෙන් පසු මේ දෙපිරිස අතර සුලු සිද්ධි මතුවෙමින් තිබුනද ඒවා දුරදිග නොයා යටපත් විය. (විශ්වවිද්‍යාල අර්බුද කරෙහි ශිෂ්‍යයින් ලෙස සාමුහිකව මැදිහත් වීමේදී මතුවූ තත්වයන්ද සඳහන් කිරීම පසුව වෙනමම කොටසකින් සටහන් තබමි .) දෙසැම්බර් 31 වනදා A නේවාසිකාගාරය තුල ඉන්ජිනේරු සිසුන් මත්පැන් පානය කොට රතිඤ්ඤා පත්තු කරමින් බීමතින් කෑගසමින් ගැටුමකට NDT සිසුන් පොළඹවාගැනීමේ ක්‍රියාකාරකම් කිහිපියක් කර ඇත.පසුව NDT දෙවන වසර සිසුන් මේ බාධාකාරී තත්වය පිළිබඳ විශ්ව විද්‍යාල පරිපාලනයට දන්වා ඇත ..පසුව තත්වය මගහැරී ගොස් ඇත .

ජනවාරි 2වනදා රාත්‍රී 9ට පමණ A නේවාසිකාගාරය අසලදී නේවාසිකාගාරය වෙත මෝටර් සයිකලයකින් එමින් සිටි NDT ශිෂ්‍යයකු මෝටර් සයිකලය ඉන්ජිනේරු ශිෂ්‍යයකුගේ ඇඟට කපා ඇතිවුන සිද්ධියක් ලෙස ගැටුමකට හේතු ගොඩ නැගිනි. කෙසේ වෙතත් ඔවුන් දෙදෙනා අතර ඇති වූ දෙය දන්නේ ඔවුන් දෙදෙනා පමණි . ඉන්පසු NDT ශිෂ්‍යයාට සමාව ගැනීමට තමන් වෙත පමිණෙන ලෙස ඉන්ජිනේරු ශිෂ්‍යයන් NDT ශිෂ්‍යයන් ට දැන්වුවද NDT ශිෂ්‍යයා තනියම ඔවුන් වෙත නොයවා ඇත .එදින නේවාසිකාගාරයේ සිටියේ NDT සිසුන් 68ක් පමණය . අනෙකුත් සියලු දෙනා ගෙවල්වල ගොස් සිටි මොහොතකි .

කාලය ගෙවී යත්ම NDT සිසුන් දැක ඇත්තේ A නේවාසිකාගාරය ආසන්නයේම තිබූ L කැන්ටිමේ සිට හිස් බීම බෝතල් සහිත බීම කේස් A නේවාසිකාගාරයේ ඉන්ජිනේරු ශිෂ්‍යයින් සිටි කොටසට අදිමින් ප්‍රහාරයකට සූදානම් වන ආකාරයයි. තත්වය හමුවේ තමන් අතට හසුවන දේ අරගෙන NDT සිසුන් පිරිසද නේවාසිකාගාරයෙන් එලියට පැන ඇත. එවිට සූදානම්ව සිටි ඉන්ජිනේරු ශිෂ්‍යයින් ටකරන් මගින් ආවරණය වෙමින් ඔවුන් සතු මෝටර් සයිකල් වල හෙල්මට් ද පැළඳ ගෙන හිස් බීම බෝතල් වලින් හා ගල් වලින් විසිකරමින් සටන් කෙරුනි. මෙය මුහුනට මුහුන සිදුවුන සටනක් නොවීය. දෙපිරිස අතර පරතරය මීටර් කීපයකි . NDT සිසුන් පිරිසද පෙරලා එලෙසම පහර දුනි . තවත් මොහොතකින් A නේවාසිකාගාරයේ එලියේ සිටි NDT සිසුන් පිරිස හතර වටින් වටකරමින් ඉන්ජිනේරු පලමු, දෙවන, තුන්වන වසරවල ශිෂ්‍යයින් පමිනෙමින් සිටියහ . එක එක වසරවල් වල ශිෂ්‍යයින්ට වට කිරීමට පැති බාර දී තිබුණි . NDT සිසුන් දෙදෙනෙකු දිවගොස් එවෙලෙහි රාජකාරියෙහි සිටි විශ්වවිද්‍යාල ආරක්ෂක .

(ගෝඨාභය රාජපක්ෂගේ සරසවි ආරක්ෂකයින් ) වෙත දැන්වුවද ඔවුන් පැමිණ නැත . මෙම තත්වය හමුවේ NDT සිසුන් අවට ඇති විදුලි පහන් කීපය ඔවුන්ට බලකර නිවා දමා ඇත.එමගින් NDT සිසුන් ප්‍රමාණය කොපමනදැයි ඉන්ජිනේරු ශිෂ්‍යයින් ට බලාගත නොහැකි විය . මේ වන විට ඉන්ජිනේරු ශිෂ්‍යයින් 1500 කට වැඩි ප්‍රමාණයක් වටකරමින් ගල් හා හිස් බීම බෝතල් වලින් විසිකර ගසමින් සිටියහ .ඔවුන් විශ්වවිද්‍යාල පරිශ්‍රයේ වූ ටකරන් යොදා ගනිමින් ආවරණය සකසාගනිමින් පහර දෙමින් සිටියහ . හතර වටින්ම වටවූ NDT සිසුන් පිරිස විටෙක එක් ඉන්ජිනේරු ශිෂ්‍යයින් රංචුවක් වෙත කෑ ගසමින් දුව යමින් ප්‍රහාර එල්ල කළේය .මෙසේ අඳුරේ කෑගසා තමා වෙත දිව එන පිරිස කොපමණදැයි නොදන්නා නිසා ඉන්ජිනේරු ශිෂ්‍යයින් රංචුවම පසෙකට දුව යමින් පසුබැස නැවතත් ඉදිරියට පැමිණ ආවරණ තනා ප්‍රහාර එල්ල කළේය.

මෙම ආකාරයට ඉන්ජිනේරු ශිෂ්‍යයින් විසින් NDT සිසුන් ට ප්‍රහාරය එල්ල කරේ නම් NDT සිසුන් 68 දෙනාට සිදුවන දේ සිතාගත හැකිය . එසේ නම් අද වන විට තත්වය වෙනස්ම ආකාරයකි. NDT සිසුන් පිරිස විසිරී සිට පහර දුන් නිසාත් ඉන්ජිනේරු සිසුන් පිරිස රංචු ආකාරයෙන් සිට පහර දුන් නිසාත් විසිකර ගැසූ ගල් හා හිස් බීම බෝතල් ප්‍රහාර හමුවේ ඉන්ජිනේරු සිසුන් ට සිදුවූ හානිය වැඩි විය . NDT සිසුන් මෙලෙස A නේවාසිකාගාරය අසල සිට මීටර් 100ක දුරින් වූ තුන් මුල්ල නම් ස්ථානයට ලඟා වනවිට පැය එක හමාරක් පමණ ගැටුම ඇති වී තිබුනු අතර තුන් මුල්ල හා විශ්වවිද්‍යලයේ ප්‍රධාන ගේට්ටුව දක්වා මීටර් 100ක දුර අතර ප්‍රදේශය විදුලි පහන් එලියෙන් ආලෝක වී තිබූ නිසා NDT සිසුන් පිරිස පැහැදිලිව ඉන්ජිනේරු ශිෂ්‍යයින් ඉලක්ක වන නිසා ඔවුන් සටන නවතා දිවගොස් ප්‍රධාන ගේට්ටුවෙන් එලියට පැනගත්තේය . ජයග්‍රහණය ඉන්ජිනේරු සිසුන්ට හිමිවිය. NDT සිසුන්ට අපහාස කරමින් විශ්වවිද්‍යාල භූමියේ සෑම තැනම වදන් ලියමින් ජය සමරුවේය. “E- fac” යනුවෙන් කෑ ගසමින් ජය සැමරුවේය.

පසුදා එලිවන විට ඉන්ජිනේරු හා NDT සිසුන්ට විශ්වවිද්‍යාලයට පැමිනීම තාවකලිකව තහනම් කර තිබුනි.පසුව තවදුරටත් හෙලිදරවු වූයේ ජනවාරි 2 ඇතිවූ මෙම ගැටුම දෙසැම්බර් 31 සිදු කිරීමට සලසුම් කර තිබූ බවයි .

ගැටුමකින් පසුව සිදුවන ක්‍රියාවලියන් වන විශ්වවිද්‍යාල පරිපාලනයට උත්තර බඳිමින් ආදී අවස්ථාවන්ට මුහුණ දෙමින් කාලය ගතවුනි.විශ්වවිද්‍යාල පරිපාලනයද මධ්‍යස්ථව කටයුතු කරන බවක් පෙන්නුවද ඉන්ජිනේරු සිසුන් වෙනුවෙන් පෙනී සිටින බව පැහැදිලිව පෙන්නුම් කෙරුණි . NDT ශිෂ්‍යය සංගමය කෙරෙහි පරිපාලනය වරද පටවමින් සිටියේය .මෙයින් NDT සිසුන් මහත් පීඩාවට පත්විය . NDT සිසුන් ඉන්ජිනේරු සිසුන්ට පහරදීම ට අවස්ථාවක් එනතුරු නොසන්සුන්ව සිටියහ . විශ්වවිද්‍යාලයෙන් ඉවත් වූ ශිෂ්‍යය කන්ඩායම් ද මේ ගැන නිතර මේ පිලිබඳව විමසිල්ලෙන් සිටින නිසා තම අභිමානය වෙනුවෙන් ප්‍රතිප්‍රහාරය එල්ල කිරීම අනිවාර්‍ය විය . නමුත් පැවති වාතාවරණය අනුව එය කෙසේ, කවදා කරනවාදැයි අදහසක් නොවිනි. මේ අතර අවසන් වසර ඉන්ජිනේරු සිසුන්ගේ විභාගය අවසන් වූ පසු නැවත විශ්වවිද්‍යාලයට නොඑන නිසා එය අවස්ථාවක් කරගනිමින් NDT සිසුන්ට දැවැන්ත ප්‍රහාරයක් පෙබරවාරි 2 වන දින එල්ල කර යාමේ සැලසුම පිලිබඳව ඉන්ජිනේරු සිසුන් අතර වූ කතාබහක් NDT සිසුන් ටද දැනගන්නට ලැබුණි. මෙයින් තව තවත් නොසන්සුන්තාවයට පත්වූ අතර නොසන්සුන් වූ ශිෂ්‍යයින්ගේ පීඩනය ශිෂ්‍යය සංගම් ක්‍රියාකරිකයින්ට පවා පාලනය කල නොහැකි තරම් විය . ඉන්ජිනේරු . මෙසේ නැවත ප්‍රහාරයක් එල්ල කිරීමට සලසුම් කලේ කලින් ප්‍රහාරය සැබෑ ජයග්‍රහණයක් ලෙස තහවුරු කර ගැනීමට නොහැකි වූ නිසා බව පැහැදිලිය. මේ නිසා දෙපිරිසම ප්‍රහරයකයට මුණ දීමට සූදානම් වූහ. මේ අතර ගැටුමට සම්බන්ධ අයගේ නම් වශයෙන් පරිපාලනයට නම් ඉදිරිපත් කර තිබිණි. NDT ශිෂ්‍යය සංගමය විසින් එලෙස ඉන්ජිනේරු සිසුන්ගේ නම් ද ඉදිරිපත් කර තිබුනි.

ජනවාරි 16 ගැටුම

ජනවාරි 16 දින රාත්‍රී NDT ශිෂ්‍යය සංගම් සභාපති හා තවත් ශිෂ්‍යය සංගම් ක්‍රියාකාරිකයකු විශ්වවිද්‍යාලය ඉදිරිපිටට පැමිනෙන ජංගම ආපනශාලා රථයෙන් කෑම ගෙන නැවත නේවාසිකාගාරය වෙත එමින් සිටියදී කිසියම් පිරිසක් විශ්වවිද්‍යාලය තුලදී අඳුරේ සිට පහර දී ඇත. ඔවුන් දෙදෙනා එතනින් මිදී නේවාසිකාගාරය වෙත වහා පලා දිව ගියහ . ඉන්ජිනේරු සිසුන්ගේ නම් ඉදිරිපත් කර තිබීම මීට හේතු වන්නට ඇත.

සහොදර ශිෂ්‍යයන් අතර සිද්ධිය පිලිබඳව ආරංචිය වේගයෙන් යන්නට විය . පරිපාලනය විසින් NDT සිසුන්ටම වරද පටවන වාතාවරණයක පරිපාලනයට සැබෑ තත්වය පෙන්වා දීමට මෙවර ඇති වූ සිද්ධි දෙක පිලිබඳ පැමිණිලි කිරීමට පහරකෑමට ලක්වූ NDT ශිෂ්‍යය සංගම් සභාපති හා අනෙක් ක්‍රියාකාරිකයා විශ්වවිද්‍යාල පරිපාලනය හමුවීමට ගියේය. පරිපාලනය එය නොසලකා ඇත . පාලනය කිරීමට නොහැකිවම තිබූ අවස්ථාවක ඇති වූ මේ සිද්ධි නිසා කැකෑරෙමින් තිබූ වෛරය මුදා හරිමින් විශ්වවිද්‍යාලයේ පිටත නවාතැන් ගෙන සිටි අනෙක් NDT සිසුන්ගේද සහය ඇතුව ඉන්ජිනේරු සිසුන් වෙත දැවැන්ත ප්‍රහාරයක් දියත් කලේය.

සමහර විටෙක එය මිලේච්ච ආකාරයක්ද විය . එක් ඉන්ජිනේරු ශිෂ්‍යයෙක්ගේ හිසට, මොලයට බරපතල හානි සිදුවන සේ පහර දීමට තරම් සිත්පිත් නොමැති පුද්ගලයන්ද විය .

මෙහිදී සඳහන් කළ යුතු දෑ කීපයකි . එනම් දැනට අපට හැමතැනම අසන්නට ලබෙන්නේ NDT සිසුන් මහා මිලේච්ච ප්‍රහාරයක් කළ බවකි. එක් ඉන්ජිනේරු සිසුවකු දැඩි සත්කාර ඒකකයේ ප්‍රතිකාර ගැනීමට තරම් පහර කෑමට ලක්වීමම එය තහවුරු කරයි .නමුත් එහෙම තත්වයක් අතිවීමට ඉන්ජිනේරු සිසුන් ද වගකිව යුතුය . මෙම ප්‍රහාරය සඳහා NDT සිසුන් විසින් පිටස්තර මැරයින් ගෙන්වාගෙන ඇතැයි යන ඉන්ජිනේරු සිසුන් ගේ චෝදනා අසත්‍යයය .ඔවුන් ඔවුන්ගේ සහෝදර NDT සිසුන් ගේ සහය ගෙන තිබුණි(ඉන්ජිනේරු සිසුන් ජනවාරි 2 ප්‍රහාරය සඳහා ඔවුන්ගේ සහෝදර ඉන්ජිනේරු සිසුන් ගේ සහය ගෙන තිබූ ආකාරයටම ). පොලු හා පෙට්‍රල් බෝම්බ ප්‍රහාරය සඳහා පාවිච්චි කර තිබූ බව සැබෑය. පෙට්‍රල් බෝම්බ ඉන්ජිනේරු සිසුන් ලඟද තිබුණි. තවද ගල් , ගැඩොල් , යකඩ, පොලු එකතු කර තිබුණි. එවා පෙබරවාරි 2 ප්‍රහාරයට ඔවුන් සූදානම් කර තිබූ ඒවාය. NDT සිසුන්ගේ හදිසි ප්‍රහාරය හමුවේ ඉන්ජිනේරු සිසුන් ට එවා පාවිච්චි කිරීමට නොහැකි විය. නමුත් ඔවුන් ඒවා ගැටුමෙන් පසු ජනවාරි 16 සිසුන්ගේ මිලෙච්චත්වය දෙගුණ තෙගුණ කර පිටට පෙන්වීමට පාවිච්චි කළේය . මෙහිදී විශේෂයෙන් සඳහන් කළ යුත්තේ ඉන්ජිනේරු සිසුන් ජනවාරි 2 හා ජනවාරි 16 ගැටුම් දෙකින්ම පසුව පිට සමාජයට හා ජනමාධ්‍යයට වැඩිපුර මවාපෑම් ප්‍රමාණයක් ඉදිරිපත් කරමින් ඔවුන්ගේ නිවැරදි භාවයත් සම්පූර්ණ වරද NDT සිසුන්ගේ බවත් පෙන්වා දුන්නේය. එය ගොඩක් දුරට සාර්ථකම විය . ජනමාධ්‍යය මගින් එය එලෙසම පෙන්වා දුනි. පරිපාලනයද NDT සිසුන් කෙරෙහි වැඩි වරද පටවමින් කටයුතු කලහ .

පහුගිය දිනවල සිදුවූ ගැටුම් වල සැබෑම කතන්දරයයි . මෙහිදී සඳහන් කළ දෑ අනුව NDT සිසුන් ට පක්ෂපාති බවක් හැඟේ . නමුත් ඇත්තටම සිදුවූ සිදුමීම් පෙළ මෙයයි .මෙම සත්‍යය ජවනිකා කිහිපය සටහන් කිරීමට හේතුව වූයේ අද වන විට අපට සිද්ධීන් ලෙස අපට අසන්නට ලබෙන්නේ වෙනස්ම ආකාරයේ කතාන්දරයක් නිසාය. මෙම සත්‍යය සිදුවීම් පෙළ අති බහුතරයක් ඉන්ජිනේරු සිසුන් ද නොදන්න බවට සහතිකය.

මොරටුව විශ්ව විද්‍යාලයේ ශිෂ්‍යය සංගම් ක්‍රියාකාරීත්වය

මොරටුව සරසවියට අභිමානවත් ශිෂ්‍යය ක්‍රියාකාරී ඉතිහාසයක් අතීතයේ තිබුනද මේ වන විට එය වෙනස් ය. ඉන්ජිනේරු , වාස්තු , IT පීඨ ශිෂ්‍යය සංගම් තුනද NDT ශිෂ්‍යය සංගමයද ස්වාධීන ලෙස කටයුතු කරයි(යථාර්තයට අනුව ස්වාධීන කියා කිසිවක් නොමැත) . NDT ශිෂ්‍යය සංගමයද අන්තර් විශ්ව විද්‍යාලීය ශිෂ්‍යය බල මණ්ඩලය හා තිබූ ගනුදෙනු වලින් ඉවත් වී අවුරුදු තුනකටත් වැඩි වේ .එතැන් පටන් NDT ශිෂ්‍යය සංගමයද බෙදෙමින් මතුපිටින් නොපෙනෙන අරාජිකත්වකට පත් වෙමින් තිබේ . NDT ශිෂ්‍යය සංගමය ගැන පවසන විට එහි බෙදීම වූයේ අන්තරයෙන් වෙන්වී ස්වාධීන යැයි කියගනිමින් කටයුතු කල කාලයේය . වෙන් වීම වෙනුවෙන් ඇප කැප වී කටයුතු කළ අය නාමල් රාජපක්ෂගේ හා SB දිසානයකගේ සෙවනෙහි වැඩෙන්නෝය. අනෙක් පිරිස යම් සංවිධානාත්මක එකමුතු කමකින් කටයුතු කරයි. එය විශ්ව විද්‍යාල පරිපාලනයට හා පාලකයින් ට යම් අභියෝගයක් බැවින් ඔවුන්ට එරෙහිව පරිපාලනය හා පාලකයින් කටයුතු කරන්නේ ඒ නිසාය . ඉන්ජිනේරු පීඨ ශිෂ්‍යය සංගමය ද බෙදී ඇත්තේ ඔවුන්ද ස්වාධීන යැයි කියාගත් කාලයේය. එය මෑතක සිදුවූවක් නොවේ. ඉන්ජිනේරු පීඨ ශිෂ්‍යය සංගමයට විශ්ව විද්‍යාල පරිපාලනය හා පාලකයින් පිටට නොපෙන්වන සෙනෙහසක් දක්වයි . එයට හේතුව ඔවුන් විශ්ව විද්‍යාල පරිපාලනයට හා පාලකයින් ට කිසිඳු අභියොගයක් වන ආකාරයෙන් කටයුතු නොකරන නිසාය .සියලු ශිෂ්‍යය සංගම් විශ්ව විද්‍යාල පරිපාලනය හමුවී සිදුකරන රැස්වීම් වලදී ඉන්ජිනේරු පීඨ ශිෂ්‍යය සංගමය කටයුතු කරන්නේ කෙසේදැයි ඒ අවස්ථාවන්ට සහභාගී වන සියලු දෙනා දනී.වාස්තු හා IT පීඨ ශිෂ්‍යය සංගම් විශ්ව විද්‍යාල පරිපාලනයට කිසිඳු අභියොගයක් නොවුනද වර්තමානයේ එය වෙනස් වෙමින් පවතින ස්වභාවයක් මතුවේ .

වෙනත් විශ්ව විශ්ව විද්‍යාල සාමුහිකව පොදු ප්‍රශ්න වෙනුවෙන් පෙනී සිටිද්දී , නිදහස් අධ්‍යාපනය රැක ගැනීම සඳහා සාමූහිකව අරගල කරද්දී මොරටුව විශ්ව විශ්ව විද්‍යාලයේ ශිෂ්‍යය සංගම් දීර්ග නින්දකට සමවැදී සිටි ආකාරයක් පෙන්නුම් කලේය. මහා ශිෂ්‍යය සංගමයක් තිබුනේ නමට පමනකි. මහා ශිෂ්‍යය සංගම් නියොජිතයින්ද පවසා සිටින්නේ මෙය අනෙකුත් විශ්ව විද්‍යාල වගේ නොවෙයි කියායි .අප සරසවියේ මේ තත්වය මත විශ්ව විද්‍යාල පරිපාලනය දීර්ග කාලයක සිට වෙනත් විශ්ව විද්‍යාලවල නොමති තරමේ නීති හා රීති ප්‍රමානයකින් ශිෂ්‍යය නිදහස හා සියලුම සිසු ක්‍රියාකාරකම් යටත් කරගෙන සිටිමින් පාලනය ගෙන යයි .මේවාට අප විශ්ව විද්‍යාලයේ සිසු සිසුවියන්ද අනුගතව සිටි හෙයින් එය පිළිබඳ එතරම් නොදැනේ. කනගටුවෙන් වුවද කිව යුත්තේ මොරටුව විශ්ව විද්‍යාලය ලොකයේ ඉහලම තැනක සිටියේ දැනුම අතින් වුවද සමාජයේ හා අධ්‍යාපනයේ සැබෑ අර්බුද කෙරෙහි අවබෝධයෙන් කටයුතු නොකරන යාන්ත්‍රික පිරිසක් ලෙස නම රන්දා තිබෙන බවයි . ඉඳ හිට සිදුවූ හුදෙකලා සිදුවීම් හෝ මේවා තේරුම් ගෙන සිටි අති සීමිත දෙනාගේ හුදෙකලා ක්‍රියාවන් නිෂ්ඵල විය . වරින් වර මහා ශිෂ්‍යය සංගම් සභාපති වරුන් ලෙස කටයුතු කළ ඉන්ජිනේරු , වාස්තු , IT පීඨ නියෝජිතයන් හා මෙතෙක් විශ්ව විද්‍යාලයේ සියලුම ශිෂ්‍යය සංගම් වල කිනම් හෝ වගකීමක කටයුතු කළ පිරිස් ද විශ්ව විද්‍යාලය වශයෙන් සියලුම ශිෂ්‍යය ප්‍රජාවද අප විශ්ව විද්‍යාලයේ මෙම බැලු බැලමට නොපෙනෙන එහෙත් දරුණු ලෙස සිදුවී ඇති අරාජිකත්වයට වගකිව යුතුය.

පහුගිය දින වල විශ්ව විද්‍යාලීය ශිෂ්‍යයින් ලෙස සහයෝගයෙන් මැදිහත් විය යුතුව තිබූ පොදු අරගල වලදී ඉන්ජිනේරු පීඨ ශිෂ්‍යය සංගමය තනිව ක්‍රියා කලේය. මහා ශිෂ්‍යය සංගමයේ සභාපති ලෙස සිටියේද ඉන්ජිනේරු පීඨ ශිෂ්‍යය සංගමයේ සභාපති වරයායි. නමුත් එය නමට පමණක් විය . ආචාර්‍ය වරුන්ගේ වැඩ වර්ජනය සමයේ මුල් කාලයේම එය විසඳා වහාම අධ්‍යන කටයුතු අරඹන්නැයි බලකරමින් උද්ගෝෂණයක් වාස්තු හා තොරතුරු තාක්ෂණ (IT) පීඨ හරහා යෝජනා වී සංවිධානය වන්නට විය.මහා ශිෂ්‍යය සංගමය ( ඉන්ජිනේරු , වාස්තු , IT පීඨ) හා NDT ශිෂ්‍යය සංගමය එකතු වී මේ උද්ගෝෂණය කිරීමට NDT ශිෂ්‍යය සංගමය කැමත්ත පල කළද ඉන්ජිනේරු පීඨ ශිෂ්‍යය සංගමය එය ප්‍රතික්ශේප කළා පමනක් නොව උද්ගෝෂණයක් කිරීමට පවා අදහසක් නොවිනි. පසුව ක්‍රියාමාර්ගය අත්නොහළ , වාස්තු , IT , NDT සිසුන් ඉන්ජිනේරු සිසුන්ටද ආරාධනා කොට මොරටුව විශ්ව විද්‍යාලයේ සියලුම ශිෂ්‍යයින් එකමුතු කර මෙය කිරීමේ අරමුණින් මොරටුව විශ්ව විද්‍යාලීය ශිෂ්‍යය සංගම් එකමුතුව නමින් විරෝධතා උද්ගෝෂණය හා පාගමන සංවිධානය කර දින නියම කර ප්‍රසිද්ද කරන ලදී. ඉන්ජිනේරු පීඨයේ අනෙකුත් සිසුන්ගේ ප්‍රශ්න කිරීම් වලටත් තම අභිමානය රැක ගැනීම වැනි දේ නිසාත් ඉන්ජිනේරු පීඨ ශිෂ්‍යය සංගමය හදිසියේ වෙනම උද්ගෝෂණයක් දින දෙකකටත් අඩු කාලයකින් සංවිධානය කර පෙර කී උද්ගෝෂණයට පෙර දින ලෙස දින යොදාගෙන කළේය . මෙයින් ඉන්ජිනේරු හා අනෙකුත් සිසුන් අතර යම් යම් වැරදි අවබෝධයන් , සිත් අමනාපකම් ඇති වෙන්නට ඇත . ඒ සඳහා ඉන්ජිනේරු පීඨ ශිෂ්‍යය සංගමය පැහැදිලිව වග කිව යුතුය . පලමු උද්ගෝෂණයෙන් පසුව මොරටුව විශ්ව විද්‍යාලීය ශිෂ්‍යය සංගම් එකමුතුව නමින් කළ උද්ගොෂණය සඳහාද එකමුතු කමෙහි උවමනාව , අගය වටහා ගත් ඉන්ජිනේරු සිසුන් පිරිස් පැමිණ සිටීම අගය කළ යුතුය . සමහර සිසුන්ගේ කැපවීම් මත විශ්ව විද්‍යාලයේ පොදු එකමුතුව ගොඩනගමින් තිබුනි . එහි ප්‍රතිඵල එම දින වල එසේ දක්නට ලැබුණි . පසුව සිදුවූ 6% පොදු අරගලයේ දැවැන්ත පාගමන සඳහා අප විශ්ව විද්‍යාලීය ශිෂ්‍යයන්ගේ පොදු උනන්දුව මත ශිෂ්‍යය සංගම් බේදයකින් තොරව බුද්ධිමත් සිසු සිසුවියන් දායකත්වය දුනි.ශිෂ්‍යය සංගම් අකාර්යක්ෂම වුවද අධ්‍යාපනයේ හා සමාජයේ අර්බුද කෙරේ සංවේදී ශිෂ්‍යය පිරිසක් සිටින බවත් හා නිදහස් අධ්‍යාපනය සුරැකීමේ අවශ්‍යයතාවය තේරුම්ගත් බුද්ධිමත් ශිෂ්‍යය බලවේගයක ශක්තියත් පෙන්නුම් කළේය .

මෙය ඈත ඉතිහාසයෙන් පසු සිදුවූ මහා සිසු පිබිදීමක් ලෙස හැදින්විය හැක. කෙසේ හෝ මේ සිදුවීම් මගින් විශ්ව විද්‍යාල පරිපලනයට හා පාලකයන්ට මෙතෙක් විශ්ව විද්‍යාලයේ තිබූ තත්වයට වඩා වෙනස් තත්වයක් උදා වෙමින් යන බව වැටහෙන්නට විය. එම තත්වය ඔවුන්ට අවාසිදායක වන බැවින් මෙතෙක් පවත්වාගෙන ආ තත්වයම පවත්වාගෙන යාමට සිසු අසමගිය නැවත මතු කරන්නට කටයුතු කළේය. මේ දිනවල අපට දිගටම අසන්න ලැබුනේ වෙනත් විශ්ව විද්‍යාල වල මහා ශිෂ්‍යය සංගම් සභාපති වරුන්ට, ශිෂ්‍යය සංගම් ක්‍රියාකාරිකයින්ට අන්ඩුවේ මැරයන් පහර දුන් සිද්ධින් ය. එලෙස විශ්වවිද්‍යාල වශයෙන් පාලකයන්ට අභියෝගයක් වන තැන් වලට පහරදීමත් , අසමගිය අරාජිකත්වය ඇති කිරීමට හැකි තැන් වල ගැටුම් ඇති කිරීමටත් පියවර ගැනුනි . මෙසේ කිරීමට හේතු වූයේ මේ දිනවල නොයෙක් දහම් ගැට දමා සම්මත කරගනිමින් තිබෙන අධ්‍යාපනය පෞද්ගලීකරණය කිරීමේ ආණ්ඩුවේ වැඩපිලිවෙල කෙරෙහි සිසු අවධානය යොමු නොවෙන්නට ඉඩ හැරීමටත් ඊට එරෙහි වන සිසු ක්‍රියාකාරකම් නතර කිරීමටත්ය.

2010 න් පසු අප විශ්ව විද්‍යාලයේ එකමුතුව ගොඩ නගමින් සිටි තත්වයක, ඉන්ජිනේරු සිසුන් හා NDT සිසුන් අතර සහෝදරත්වය ගොඩනැගෙමින් සිටි අවධියක මෙසේ ගැටුම් සිදු වූයේ ඉහත අවශ්‍යයතාවයන් මූලික කරගත් නිසාය . ඒ සදහා විශ්ව විද්‍යාලීය සිසුන් වශයෙන් අනෙකුත් ඉන්ජිනේරු ශිෂ්‍යයින්ද පොළඹවමින් ගැටුම්( ජනවාරි 2 ) සංවිධානය කල , දැනුවත්ව හෝ නොදැනුවත්ව ආණ්ඩුවේ උවමනාවන් ඉටු කළ ඉන්ජිනේරු සිසුන් ද පැහැදිලිව වග කිව යුතුය .දරුණු ලෙස ප්‍රහාර ලැබූ අප ඉන්ජිනෙරු සොයුරා පෙන්වමින් හා වැඩිමනත් බොරු සාධක පෙන්නමින් තම නිදොස් භාවය පෙන්නන්නට කටයුතු කරමින් සිටියද , තමා කළ පෙළඹවීම් , ක්‍රියාකරකම් වසන් කරමින් තමා කළ ප්‍රහාරයට වඩා වැඩි ප්‍රහාරයක් නැවත තමාටම අත්විදීමට වූ තැන ප්‍රහාරයේ ප්‍රමානයක් ගැන විවාද කරමින් සිටියද සැබෑවටම මෙම වර්තමාන තත්වයට ඉන්ජිනේරු පීඨ ශිෂ්‍යය සංගමය හා මෙම ගැටුම් නිර්මාණය කල ඉන්ජිනේරු සිසුන් වගකිය යුතුමය.

මෙම සටහන් තබන මා ඉන්ජිනේරු සිසුන් හා ඇති වෛරයක් නිසා ලියන ලද්දක් නොවන බව පැවසිය යුතුමය . සැබෑ තත්වය පැවසීම අත්‍යවශ්‍යය වී ඇති හෙයින් මෙසේ ලියන්නට වුන අතර එහිදී ඉන්ජිනේරු පීඨ ශිෂ්‍යය සංගමය හා මෙම ගැටුම් නිර්මාණය කල ඉන්ජිනේරු සිසුන් පිළිබඳ වැඩියෙන් සඳහන් කරන්නට වූයේ ඔවුන් සමඟ ඇති පෞද්ගලික තරහවකට නොවන බව බුද්ධිමත් පාඨක ඔබට වටහා ගත හැකි යයි සිතමි .

වර්තමානයේ ගැටුම් වලට මැදිහත් වන NDT හෝ ඉන්ජිනේරු සිසු දෙපිරිසේ සම්පූර්ණ වරදක් නොවන බව අප තේරුම් ගත යුතුය .වරද මා මුලින් සඳහන් කළ ආකාරයට මෙවන් තත්වයක් ඇති කළ හා හා ඒවායේ මූලයන්ට නිවැරදි ස්ථිර විසඳුම් නොසොයමින් තව තවත් එවා වක්‍රාකාරයෙන් පෝෂණය කරමින් සිටින පාලකයන්ගේය. මෙසේ මතුවුන ගැටුම් සඳහා මෙන්ම ගැටුමින් පසු එය සාධාරණීකරනය සඳහා වූ සීතල සටනේදී සියලු ශිෂ්‍යයින් ( ගැටුම් වලට ගිය , නොගිය මෙන්ම කිසිඳු දෙයක් නොදත් සියලු දෙනා පවා ) පෙනී සිටින්නේ තම තමන්ගේ ශිෂ්‍යය කණ්ඩායම් හා අධ්‍යයන පීඨයන් වෙනුවෙනි . මෙවිට සිසුන්ගේ බුද්ධියට වඩා හැඟීම් ඉස්මතු වී තරුණ උණද එය සමග මුසු වෙමින් තත්වය තවත් බරපතල වේ. සමගියෙන් පොදු සැබෑ ප්‍රශ්න වලට මුහුන දිය යුතුව තිබියදී අධ්‍යයන අංශයන්ගේ නාමයෙන් බෙදේ . එවිට විශ්වවිද්‍යාලයක් විදියට පිරිහීමට පත්වේ . සමාජය වෙනුවෙන් වගකිවයුතු , වගවියයුතු බුද්ධිමත් ප්‍රජාවකගේ සැබෑ කාර්‍යය භාරයන්ගෙන් ඈත්වේ. මෙය තෙරුම් ගනිමින් කටයුතු කරමු.

චමිල බාලසූරිය