රුහුණ විශ්වවිද්‍යාලයේ මහා ශිෂ්‍ය සංගමයේ සභාපති හර්ෂ ගුණවර්ධනට පහරදීමට එරෙහිව අද දිනයේ උද්ගෝෂණ ව්‍යාපාරයක් හා පා ගමනක් සංවිධානය විය. ඊයේ (13/01/16) දින රාත‍්‍රියේ දස දෙනෙකුගෙන් පමණ සමන්විත සන්නද්ධ මැරපිරිසක් යොදා කළ මෙම පහරදීමට එරෙහිව වැල්ලමඩම රුහුණ විශ්වවිද්‍යාල පරිශ‍්‍රයේ සිට මාතර නගරය දක්වා සිසුන් දහසක් පමණ පා ගමනින් පැමිණ උද්ඝෝෂණයෙ යෙදුනේය.
අද දින (17) දහවල් 12ට පමණ ඇරඹි මෙම පාගමන සවස දෙක පමණ වනතෙක් පොලිසියේ බාධා නොතකා ඉදිරියට ඇදුනි. මාපලාන කෘෂි විද්‍යාලයේ සිසුන් එම පීඨය ඉදිරිපිටද කරාපිටිය වෛද්‍ය පීඨයේ සිසුන් එම පීඨය ඉදිරිපිටදීද මෙලෙස උද්ගෝෂණයේ යෙදුනේය.
මෙහිදී ඔවුන් ප්රකාශ කර සිටියේ මෑතකදී විශ්වවිද්‍යාල ආචාර්ය පා ගමනේදී ශිෂ්‍ය ව්‍යාපාරයෙන් උදුරාගත් ජනක හා සිසිත සොයුරන්ගේ මරණ සෑබෑ ලෙසම ඝාතනයන් යැයි තිබූ සැකය. හර්ෂ ගුණවර්ධනට එල්ල වූ ප‍්‍රහාරයේන් පැහැදිළි වන බවයි. එහිදී හර්ෂ පැහැරගැනීමට මැරයන් උත්සහ ගෙන තිබුණි. එලෙසම පසුගිය ආසන්න සමයේ යාපනේ සිසුන්ට එල්ලවූ ප‍්‍රහාර කැළණිය විශ්වවිද්‍යාලයේ සිසු නායකයාට එල්ල වූ ප‍්‍රහාරය මේ සියල්ලම එකම අරමුණ මත පිහිටා කරන ලද පහරදීම් බවයි.
පසුගිය දිනක උසස් අධ්‍යාපන නියෝජ්‍ය ඇමතිගේ මුවින් පිටවු පෞද්ගලික විශ්වවිද්‍යාල පනත නැවත ගෙන එනවා යන ප‍්‍රකාශය මේ හා බැදී ඇතිබව සිසුන් පවසයි. ආරක්ෂක අංශ යොදවා සිසුන්ට පහරදී සිසු නායකයන් දණ්ගෙඩියට යවා පෞද්ගලික විශ්වවිද්‍යාල පනත නැවත ගෙන ඒමට ගන්නා මෙම උත්සහාය එරෙහිව මේ ආරම්භ කළ සටන් ඉදිරියේ දී වඩා තීව් කරන බව මෙහිදී අදහස් දැක්වු සිසු නායකයන් ප්රකාශ කළහ.
