දෙසිත විහ සිත මුව අග
මසිත විකසිත කුසුම නුඹ ලඟ
සිසිත නුඹ දන්නවාද
නුඹේ නමට පිදෙනා වග.......//
Saturday, January 5, 2013
නොසිත සිත සිට ගත් මග (සිසිත ප්‍රියන්කර ද සිල්වා උපහාර ගීතය)
දෙසිත විහ සිත මුව අග
මසිත විකසිත කුසුම නුඹ ලඟ
සිසිත නුඹ දන්නවාද
නුඹේ නමට පිදෙනා වග.......//
Friday, December 28, 2012
පාසල් නිල ඇඳුම් රෙදි ආනයන පාඩුව කෝටි 6 පනී
පාසල් සිසුන්ට නොමිලේ නිල ඇඳුම් රෙදි ලබා දීමේ අවශ්‍යතාවෙන් සියයට පනහක්‌ දේශීයව සපයා ගනිමින් ඉතිරි සියයට පනහ චීනයෙන් ආනයනය කිරීමට අධ්‍යාපන අමාත්‍යාංශය සැලසුම් කර තිබිණි. ඒ අනුව සුදු කමිස හා ගවුම් රෙදි මීටර් පනස්‌ එක් ලක්‍ෂ පන්දහසක්‌ ද සුදු කලිසම් රෙදි මීටර් දෙලක්‍ෂ පනස්‌ දහසක්‌ ද නිල් කලිසම් රෙදි මීටර් ලක්‍ෂ දෙකක්‌ද චීනයෙන් ආනයනය කිරීමට නියමිත විය. ඒ සඳහා අමාත්‍යාංශය මිල ගණන් කැඳ වූ අතර එහිදී අඩුම මිල ගණන් ඉදිරිපත් කර ඇත්තේ රාජ්‍ය ආයතනයක්‌ වන ලංකා සළුසල ආයතනය ය.
සුදු කමිස හා ගවුම් රෙදි මීටරයක්‌ රුපියල් 109.20 කට ද සුදු කලිසම් රෙදි මීටරයක්‌ රුපියල් 169 කට ද නිල් කලිසම් රෙදි මීටරයක්‌ රුපියල් 188.50 කට ද ආනයනය කර දීමට සළුසල ආයතනය මිල ගණන් ඉදිරිපත් කර තිබිණි. එහෙත් එම ටෙන්ඩරය පිරිනමා ඇත්තේ සුදු කමිස හා ගවුම් රෙදි මීටරයක්‌ රුපියල් 120.90 කට ද සුදු කලිසම් රෙදි මීටරයක්‌ රුපියල් 189.80 කට ද නිල් කලිසම් රෙදි මීටරයක්‌ රුපියල් 202.80 කට ද ආනයනය කර දීමට ඉදිරිපත් වූ පෞද්ගලික ආයතනයකට ය.
පෞද්ගලික ආයතනය ඉදිරිපත් කළ මිල ගණන් අනුව නිල ඇඳුම් ආනයනය කිරීම සඳහා රුපියල් හැට හතර කෝටි තිස්‌ එක් ලක්‍ෂයකට අධික මුදලක්‌ වැය වී ඇති අතර සළුසල ආයතනය ඉදිරිපත් කළ මිල ගණන් අනුව ආනයනය කළේ නම් වැය වන්නේ රුපියල් පනස්‌ හත් කෝටි හතලිස්‌ හත් ලක්‍ෂයකට මඳක්‌ වැඩි මුදලකි.
පසුගිය වසර තුන ඇතුළත ඩොලර් මිලියන තුනකට වැඩි වටිනාකමින් යුත් භාණ්‌ඩ ආනයනය කර තිබීම අනිවාර්ය සුදුසුකමක්‌ ලෙස ටෙන්ඩර් පත්‍රිකාවට ඇතුළත් කර තිබූ අනිවාර්ය රෙගුලාසිය නිසා සළුසල ආයතනයට ටෙන්ඩරය අහිමි වී තිබේ. එම අනිවාර්ය රෙගුලාසිය ඉවත් කරන ලෙස සළුසල ආයතනය රාජ්‍ය මූල්‍ය දෙපාර්තමේන්තුවෙන් මෙන්ම අධ්‍යාපන අමාත්‍යාංශයෙන් ද කළ ලිත ඉල්ලීම්වලට කිසිදු ප්‍රතිචාරයක්‌ ලැබී නැත.
එම අනිවාර්ය රෙගුලාසිය ටෙන්ඩර් පත්‍රිකාවට ඇතුළත් කර ඇත්තේ නිල ඇඳුම් ආනයනය කළ පෞද්ගලික ආයතනයටම ටෙන්ඩරය ලබා දීමේ අරමුණින් විය හැකි යෑයි අධ්‍යාපන අමාත්‍යාංශ ආරංචි මාර්ග සඳහන් කළේය.
නිලන්ත මදුරාවල
Thursday, December 27, 2012
වදක පුහුණව අද සිට
නවක සරසවි සිසුන්ට ලබාදෙන බලහත්කාරී හමුදා පුහුණුව අද සිට ආරම්භ වේ. මෙම පුහුණුව දිවයින පුරා හමුදා කඳවුරු 24 කදී පැවැත්වීමට නියමිතව ඇති අතර සිසුන් 10000 ක් මුල් වටය සඳහා සහභාගී වෙති. ඒ සඳහා රජය විසින් දරනු ලබන මුළුවියදම රු. මි. 350 ලෙස ඇස්තමේන්තු ගතකර ඇති අතර අවශ්‍ය නිර්දේශිත ද්‍රව්‍ය මිලදී ගැනීමට හා ප‍්‍රවාහන වියදම් සඳහා එක් එක් ශිෂ්‍යාට දරන්නට සිදුවන වියදම රු. 20000 ද ඉක්මවයි. උසස් අධ්‍යාපනයේ ප‍්‍රතිමාණයන්ට හා අරමුණුවලට පටහැනිව පවත්වනු ලබන මෙම පුහුණුවවට එරෙහිව උසස් අධ්‍යාපනයට සම්බන්ධ සියළුම පාර්ශව සිය විරෝධය පලකර ඇති අතර සරසවි ආචාර්යයවරුන්, පාසල් ගුරුවරුන්, අධ්‍යාපන වෘත්තීය වේදීන්, සිසුන් ආදී බලවේගයන්ද, සිසුන් හා දෙමවුපියන්ද ඒ අතර වෙති.
විශ්වවිද්‍යාල අධ්‍යාපනය සඳහා අත්‍යාවශ්‍ය මූලික දැනුමක්වන ඉංග‍්‍රීසි හා පරිගණක දැනුම ලබාදීමට මෙතෙක් නොමිලේ සිසුන්ට ලබාදුන් පාඨමාලා පවා අහෝසිකරමින්, එදිනෙදා නඩත්තුව පවා කරගැනීමට නොහැකි තරම් බරපතල මූල්‍ය අර්බුධයකින් සරසවි පෙළෙන තත්ත්වයක් තුළ මිලියන ගණනක මුදල් විනාශ කරමින් ජනතා විරෝධය මධ්‍යයේ බලහත්කාරායෙන්, මෙම පුහුණුව ලබාදීම තුළ එය කොතරම් දේශපාලනිකව ආණ්ඩුවට වැදගත්ද යන්න පෙන්නුම් කරන බව අපගේ විශවාසයයි. මේ පිළිබඳව අදහස් දක්වමින් සංජීව සහෝදරයා පැවසුයේ මෙම පුහුණුව සිසුන්ට විශාල කායික හා මානසික වදයක්වන අතර ආණ්ඩුවේ අරමුණ වී ඇත්තේ හමුදාකඳවුරු තුළ යොදන කායික හා මානසික බලහත්කාරය තුළ සිය දේශපාලන මතය සිසුන් තුළ කා වැද්දීමත්, හමුදා පන්නයේ විනයක් සිසුන් තුළ ඇති කිරීමත් බවයි.
ජයවර්ධන පුර විශ්වවිද්‍යාලයේ ආදී කතෲවරයකුවන වැලිවිටියේ ශී‍්‍ර සෝරත හිමි සරසවි ශිෂ්‍යා නිර්මාණශීලී, විචාරශීලී, විචක්ෂණශීලී හා විප්ලවවාදී වියයුතුයැයි පැවසූ අතර ඉන් දශක කිහිපයකට පසු සරසවි ශිෂ්‍යා හමුදා පන්නයේ ආකෘතියකට අනුව හැඩගැස්සවීමට බලධාරීන් තීරණය කිරීම තුළ උසස් අධ්‍යාපනයේ බිඳවැටීම කොතරම් බරපතලද යන්න විද්‍යාමාන වේ. වෙලාවට නැගිටින, දත්්මදින, මුහුණ සෝදන, වෙලාවට කන, කාලරාමුවකට අනුව වැඩකරන, ඉහළින් එන නියෝග අකුරටම පිළිපදින හුමුදා විනයක් සහිත ශිෂ්‍යයකු නිර්මාණය කිරීම හමුදා පුහුණුවේ ප‍්‍රකාශිත අරමුණ වන අතර එයින් සිදුවන්නේ නිර්මාණශීලීත්වයක්, විචාරබුද්ධියක් සහිත විප්ලවවාදී එනම් ලෝකය හා එහි පැවැත්ව කොරෙහි වෙනස් විදියට හිතන හා එය වෙනස්කීරීමට උස්සාහ කරන ශිෂ්‍යයකු වෙනුවට මුළුමනින්ම සම්මුතිකාමී නිවටයකු වන් උපාධිධාරියකු බිහිවීමයි.
එක් පැත්තකින් මෙම පුහුණුව රටේ අධ්‍යාපනයේ ඉදිරිගමනට බරපතල බාධාවක් වන අතර අනෙක් පසින් රට ක‍්‍රමිකව ගමන්කරමින් සිටින මිලිටරි රාජ්‍යයක් සඳහාවන භයානක ගමනෙහි එක් පැතිකඩක් නියෝජනය කරයි. මෙම රෝගය ලෝකයේ ඕනෑම මිලිටරිනායකයකුට වැලදෙන ජාතියේ රෝගයක් වන අතර මින් නොනැවතී මුළුරටම මිලිටරියට දනගැස්සවීම දක්වාම ගමන් කරනු ඇත. එමෙන්ම අර්බුධකාරී මෙම ක‍්‍රමය තුළ බංකොලොත් ආණ්ඩුවට සිය පැවැත්ම වෙනුවෙන් මිලිටරියෙහි සරන පැතීම හැර අන් විකල්පයක් ද නැත.
උපුටා ගැනීම: iusfsl.org
