ලාබයි ලාබයි වෛදය උපාධි ලාබයි...!

මීට කලකට පෙර අපේ සමාජයේ පෞද්ගලික වෛද්යය විද්යාල කියන ප්‍රශ්නය දැඩිව කතා වුනා. එහෙත් මේ වන විට ඊටත් වඩා ඉතා බරපතල ප්‍රශ්නයක් මතු වීගෙන එනවා. කොහොමද ඔයාලට කැමති උපාධියක් කැමති ගානකට ගන්න තිබ්බොත්. ඔන්න එහෙනම් එස් බ් ඇමතිතුමාගෙන් අලුත් වැඩසටහනක් ඇරබිලා තියනවා. ඒ තමයි මෙතෙක් කල් පෞද්ගලික විශ්ව විද්යාල හරහා ගෙනෙන ලද පුද්ගලික උපාදි වලට අමතරව තවත් කටයුත්තක් ඇරබීම. ඒ තමයි රජයේ විශ්ව විද්යල තුලම ශ්‍රි ලන්කවේ උපාදි විකිනීම්.

සමහර විට ඔයගොල්ලන්ටත් හිතෙන්න පුලුවන් කොච්චර හොදද අපටත් මහන්සි වෙන්නේ නැතිව උපාධි ගන්න පුලුවන්නේ කියලා. ඒකත් ඇත්ත කොච්චර හොදද දොස්තර කෙනෙක් වෙන්න තියනවනම් නේද..? ඔන්න එහෙනම් ඔය ගොල්ල හැමෝටම අවස්ථාව තියන්වා දොස්තර කෙනෙක් විතරක් නෙවෙයි, ඉංජිනේරුවෙක්, නීතිවේදියෙක් එහෙමත් නැත්නම් ලංකාවේ තියන ඕනැම උපාදියක් සල්ලි වලට ගන්න.

උපධි විකිනීමේ අලුත්ම ක්‍රමය හා මිල

ඔන්න එහෙනම් කතාවට එන්නම්, මෙතෙක් කල් අපේ විවිධ රජයන් උත්සහ කලා කෙසේ හෝ අධයාපනය පෞද්ගලිකකරනය කිරීමෙන් මුදල් උපයා ගන්න. ඔන්න එහෙනම් පසුගිය සතිය අවසානය වන විට එහි සම්පූර්ණ වැඩ කටයුතු අවසාන වීමෙන් අනතුරුව ගැසට් පත්‍රය නිකුත් වුනා. එහි සදහන් විදියට කොටියෙන්ම ලොකේ ඕනැම කෙනෙක්ට හෝ ලංකාවේ ඕනැම කෙනෙකුට අවශය මුදල තමා සතු බව පෙන්වීමෙන් මේ සදහා ඇතුල් විය හැකිය. එහි විවිධ කරුණු ගැන කතා කරලා තිබුනත් අවසන් වශයෙන් සාරංශය එයයි. ඒ සදහා $12,000 ක මුදලක් වාර්ෂිකව ගෙවිය යුතු වෙනවා. එය ආසන්න වශයෙන් වසරකට රුපියල් 1,560,000.00 මුදලක් වෙනවා. ඒ කියන්නේ වසර 5 අවසානයේ රුපියල් 7,800,000.00 එහෙමත් නැත්නම් රුපියල් ලක්ෂ 78ක් වැයවෙනවා. මෙය වෛද්යය සහ දන්ත වෛද්යය සිසුන් සදහා යන වියදමයි. ඊට අමතරව විව්ධ පාඨමාල සදහා විවිධ මුදල් නියම කර ඇත.

පරිපූරක වෛදය (හෙද, ඖෂධ, රසායනාගාර, භෞතචිකිත්සක)

 $ 10,000 >>> රුපියල් 5,200,000.00 (ලක්ෂ 52)
ඉන්ජිනේරු, ආයුරුවේද වෛදය 

 $ 8,000 >>> රුපියල් 4,160,000.00
අනෙකුත් විද්යා හා ගණිත පඨමාලා

 $ 6,000 >>> රුපියල් 3,120,000.00
නීතිය $ 5,000 >>> රුපියල් 2,600,000.00
කලමනාකරනය $ 4,000 >>> රුපියල් 2,080,000.00
කලා උපාධි පාඨමාලා $ 3000 >>> රුපියල් 1,170,000.00

ඇත්තෙන්ම අපි මේ සම්බ්න්ධව සිතා බැලුවොත් අධයාපනය අමු අමුවේ විකිනීමක් ආරම්භ කර ඇති ආකාරය පැහැදිලි වෙනවා. මෙතෙක් විවිද ආකාරයෙන් නිදහස් අධයාපනයට එරෙහිව ක්‍රියාත්මක වු ත්‍රස්ත වාදය අද වන විට එලි පිට ක්‍රියාත්මක වීම ආරම්භ වී ඇත. මේ හමුවේ නිදහස් අධයාපනය අනතුරෙහි වැටෙන්නේ කෙසේද යන්න සාකච්ඡා කිරීම වටී.

නිදහස් අධයාපනයට වන හානිය

සි ඩබ්ලිව් ඩබ්ලිව් කන්නන්ගර මහතා නිදහස් අධයාපන ප්‍රතිපත්තිය ගෙන ඒමෙන් බලාපොරොත්තු වුයේ එතෙක් රදල පැලැන්තිය අතර පමනක් පැවති අධයාපනය රටේ සියලුම ජනතාව අතරට ගෙන යාමයි. ඒ තුලින් ශ්‍රි ලංකීය නම් ලෝකය තුල ‍රැන්දු වෛදවරු, ඉංන්ජීනේරුවන් පරික්ෂකයන් හා විවිධ පුද්ගලයන් බිහි විය. ඒ තුලින් රටේ අනාගතයට හා සංවර්ධනයට විශාල දයකත්වයක් ලැබුනේ සුදුස්සාට හා දක්ෂයාට සුදුසු තැන ලැබීම නිසාය. එතුමා මධය විද්යාල සන්කල්පය වැනි සන්කල්ප තුලින් එය තවත් තීව්‍ර කලේය. ඉන් පසුව ක්‍රියත්මක වූ මහපොල ප්‍රතිපත්තියද එය තවදුරටත් ඉදිරියට ගෙන ගියේය.

නමුත් අද වන විට ඒ වෙනුවට අධයාපනය ක්‍රමයෙන් නැවතත් මුදල් වලට විකිනෙන තත්වයට පත් කරමින් පවතී. ඒ තුල අවසානයේ රටේ සියලුම විශ්ව විද්යාල පෞද්ගලික කරනය දක්වා කටයුතු සැලසෙනු ඇත. මෙහි ආරම්භය ලෙස 4.5% සිසුන් ප්‍රමනයකට මුදලට උපාදි විකිනීම ඇරබී ඇත. එය ඉතා සුලු සන්ඛයවක් ලෙස හැගුනද ඉතා විශල සංඛයාවකි මන්ද සම්පූර්ණ වෛද්යය සිසුන් ගනන 1000කට ආසන්න වෙයි. එයින් 4.5% යනු 45කි. දැනට විශ්ව විද්යල වලට එම සිසුන් ගැනීමටනම් පවතින සිසුන් සන්ඛයාවෙන් යම් ප්‍රතිශතයක් අඩු විය යුතුය. එය ආරම්බයේදි 17,000 පමන වන මුලු සිසු සන්ඛයාවට අනුව ආසන්න වශයෙන් සිසුන් 850ක අඩුවීමක් සිදු කල යුතුය. මෙය කොතරම් විශාල සංඛයවක්දැයි ඔබට එවිට වැටහෙනු ඇත. මෙය තව දුරටත් ඉහලට නොයනු ඇතැයි කිසිවෙකුට නිශ්චිතව කිව නොහැක.

ඔබටත් මෙයට ඇතුලත් විය හැකිද..?

මෙහි විහිලුවනම් මෙතරම් 0.0001Z පමන අගයක් අඩු වීමෙන් විශ්ව විද්යාල යාමට නොහැකි වූ සිසුන් කොතෙකුත් සිටියඩී S 3 සාමර්තය යටතේ සිදුකරන සම්මුඛ පරික්ෂනයකින් සිසුන තොර ගනු ලැබීමයි. ඒ තුල මෙම ගැටලුව කොතරම් හොදින් විසදෙනවාදැයි ඕනැම ළදරුවෙකුට වටහා ගත හැකිය. ඒ තුල ගමේ ගොවිතැන් කරන ගොවියගේ දරුවාටවත්, පාසලේ අනෙකුත් සිසුන්ගේ සිප් සතර කියා දෙන්නට වෙර දරන ගුරුවරයගේ දරුවාටවත් අවස්තාවක් නැත. එකම අවස්තාව ඇත්තේ මුදලට පමනි.

පෞද්ගලික විශ්ව විදයාල සන්කල්පයට අප විරුද්ධ විය, ඒ වෙන කිසිවක් නිසා නොව රටේ නිදහස් අධයාපනයට හා නිදහස් සෞඛ්යට වන හානිය දැකීමෙනි. එතැනින් පහලට අපට කිසිදු දේශපාලන අරමුනක් නොවීය. මෙම ප්‍රශ්නය තුල ඊට එහා ගිය ගැටලුවක් ඔබට අනාගතයේ මුහුන දෙන්නට සිදුවනු ඇත. ඒ තුල ඔබේ දරුවාද අයාලේ යන තවත් එකකු වනු ඇත. ඒ තුල සිදුවන් මානව හිමිකම් කඩවීම් කිසිවෙක් කතා නොකරනු ඇත. ඔබ නිහඩව සිටියහොත් අනාගතය ඔබට සාපකරනු ඇත. මෙය ලියන්නේ ඉතා කර්ය බහුල හෝර කිහිපයක් කැප කිරීමෙන් අනතුරුවය. මෙය බුද්ධිමත් මිනිසුන් සදහා මිස තමාගේ ප්‍රතිපත්ති මුදලට විකුනන හෝ මාධ්ය සදාචාරය නොදන්න ජනමාද්යය, දෙස ඔහේ බලා සිටින්නන් වෙනුවෙන් නොවේ. මා නිදහස් අධයපනයේ ප්‍රතිපල ලබා හමාරය. තව ටික කලකින් වෛදය වරයෙකි. එමනිසා මෙය කතාකිරීමෙන් මට ලැබෙන කිසිවක් නැත. එසේ වුවද මෙය සාකච්චාව සදහා විවර කරමි.

උපුටාගැනීම- Medical Clinic (වෙද මැදුර)

Read More

මැයි දින උපත හා අරුත!

May day

අප සතු සෑම වරප්‍රසාදයක්‌ම කිසියම් කාලයක, කිසියම් වකවානුවක කවර හෝ ජන කොටසක්‌ විසින් කරන ලද වෘත්තීය සටන්වල ප්‍රතිඵලයක්‌ ලෙස අප අමතක කළ යුතු නොවේ.

වරප්‍රසාද දිනා ගැනීමට සිදුකළ වෘත්තීය සටන් කෝටි සංඛ්‍යාත වැඩකරන ලෝක ජනතාව ජීවිත පරිත්‍යාගයෙන් ගෙනගිය සටන්වල ප්‍රතිඵලයක්‌ වන අතර කම්කරුවන්ගේ දිනය වන මැයි දිනය බිහිවන්නේද එලෙසය. වැඩකරන ජනතාවගේ උරුමයක්‌ වන මැයි දිනය මේ වන විට අවස්‌ථාවාදී දේශපාලනඥයින් විසින් සින්නක්‌කර අයිතියට පවරාගෙන භුක්‌ති විඳින බව අප සැමට ඇස්‌ පනාපිට පෙනෙන්නට ඇත.

ඒ කෙසේ වෙතත් කම්කරුවන්ගේ උත්කෘෂ්ඨ සැමරුම් දිනයක්‌ වන මැයි දිනය දේශපාලන පක්‍ෂවල නාඩගම් උළෙලක්‌ විය යුතු නැති අතර එම දිනය බිහිවුණේ කෙසේද යන්න අප විමසා බලමු.

කාර්මික යුගයේ මුල් අවධියේදී (1760-1830) කම්කරුවන් ගත කළ ජීවිතය අතිශය ශෝචනීය එකක්‌ විය. කර්මාන්ත හිමියන්ගේ අධික ලාභ ඉපැයීමේ අරමුණ නිසා කම්කරුවෝ දිනකට පැය පහළොවක පමණ කාලයක්‌ වැඩකළ යුතුවූ අතර ඉන්න හිටින්න තැනක්‌ හෝ නිසි ආහාරයක්‌ ඔවුනට නොවීය.

මෙම තත්ත්වයෙන් මිදීමට බුද්ධිමත් කම්කරු නායකයන්ගේ මෙහෙවීම යටතේ වෘත්තීය සමිති මගින් සංවිධානය වූ කම්කරු ජනතාව උද්ඝෝෂණ කරන්නට වූහ. ඒ අනුව එංගලන්තය, ඇමරිකාව, ජර්මනිය,

ප්‍රංශය වැනි සෑම රටකම වෘත්තීය සමිති බිහිවන්නට විය.

වැඩ කිරීමට යහපත් තත්ත්වයක්‌, සරිලන වැටුපක්‌ පැය අටක වැඩ දිනයක්‌, මිනිස්‌ අයිතිවාසිකම් යන ප්‍රධාන ඉල්ලීම් මුල්කර ගනිමින් උද්ඝෝෂණ ඇති වන්නට විය.

වෘත්තීය සටන් තීව්‍රර වුවද පාලකයින් හා කර්මාන්ත හිමියන් එම සටන් අඩපණ කිරීමට නොයෙකුත් ක්‍රියාමාර්ග ගත් අතර මේ හේතුවෙන් 1884 දී රැස්‌වූ සංවිධානය වූ කම්කරුවන්ගේ සමිති සම්මේලනය 1886 මැයි පළමු වැනිදා සිට නිත්‍යානුකූලව වැඩකරන කාලය පැය අටක්‌ බවට කම්කරුවන් විසින්ම සම්මත කර ගත යුතු බවට තීරණය කෙරිණි. ඒ සඳහා 1886 මැයි 01 වැනිදා මහා වැඩවර්ජනයක්‌ කිරීමටද තීරණය විය.

ඒ අනුව 1886 මැයි 01 වැනි දින ඇමරිකා එක්‌සත් ජනපදයේද ප්‍රධාන කාර්මික නගරවල පැය අටක වැඩ කරන දවසක්‌ ඉල්ලා උද්ඝෝෂණ දියත් විය.

මරණය සඳහා රට පුරා විසිරුණු කර්මාන්ත ශාල එකොළොස්‌ දහසකට අධික සංඛ්‍යාවක කම්කරුවෝ ලක්‍ෂ හතරකට ආසන්න සංඛ්‍යාවක්‌ එක්‌ වූහ.

වැඩ වර්ජනය ආරම්භයත් සමගම ඇමරිකා එක්‌සත් ජනපදයේ කම්කරුවන්ගේ උද්ඝෝෂණ ඒ පිළිබඳව වැඩි වන්නට විය. චිකාගෝ නුවර කර්මාන්ත ශාලා වැඩපළවල සේවා ඇන හිටිනි.

ඇමරිකානු ධනපති පන්තිය මෙම අරගලය පිළිබඳව දැඩි තැති ගැන්මට හා කණස්‌සල්ලට පත්වූ අතර එරට පුවත්පත් භයානක කොමියුනිස්‌ට්‌ තර්ජනයක්‌ පිළිබඳව අනතුරු ඇඟවීම් කරන්නට විය.

කම්කරු සටන්වල තිබූ උද්ෙHdගයක්‌ තීව්‍රර බවත් නිසා චිකාගෝ නගර ප්‍රධානීන් සහ ධනපති පන්තිය කම්කරු සටන් ව්‍යාපාරය තහනම් කිරීමට සහ කඩාකප්පල් කිරීමට අර අඳිමින් සිටියහ. විශාල පොලිස්‌ හා හමුදා නගරයට කැඳවීමට ඔවුන් කටයුතු කළ අතර කුලී හේවායින්ද ඒ අතර විය.

එහි කම්කරු සටන මෙහෙය වූ කම්කරු නායක ඇල්බට්‌ පාර්සන්ස්‌ සහ ඔහුගේ සහායක ඔගස්‌ටස්‌ ස්‌පයස්‌ අත්අඩංගුවට ගැනීමට පොලිසිය සූදානම් විය.

කම්කරු සටනට සහාය නොදුන් චිකාගෝ නුවර ප්‍රධාන සමාගමක්‌ මැයි 03 වැනිදා සටනට සහාය දැක්‌වීමත් සමගම කම්කරු සටන වඩාත් තීව්‍රර වන්නට විය. මේ අතර වැඩ වර්ජනය කඩාකප්පල් කිරීමට පොලිස්‌ රැකවරණ යටතේ යෙදූ කුලී හේවායන්ට විරුද්ධත්වය පළ කිරීම සඳහා කම්කරුවෝ රැස්‌වීමක්‌ සංවිධානය කරන්නට වූහ. මෙම රැස්‌වීමේදී නිරායුද කම්කරුවන්ට පොලිසිය විසින් ජීව උණ්‌ඩ යොදා ගනිමින් වෙඩි ප්‍රහාර එල්ල කළ අතර එහිදී කම්කරුවන් සිවු දෙනෙකු මියගොස්‌ තවත් විශාල පිරිසක්‌ තුවාල වූහ.

ඊළඟ දිනයේදී එනම් මැයි 04 වැනිදා පොලිසිය එම දුෂ්ඨ ක්‍රියා මාර්ගයට එරෙහිව විරුද්ධත්වය ප්‍රකාශ කිරීමේ රැස්‌වීමක්‌ "හේ මාර්කට්‌" චතුරශ්‍රයේ පැවැත්වීමට කම්කරුවෝ තීරණය කළහ.

ඒ සඳහා පුරපතිවරයාගේ අනුමැතියද අවසරයද හිමිවිය. රැස්‌වීම පස්‌වරු 8.00 ට පමණ ආරම්භ කරමින් කම්කරු නායක ඇල්බට්‌ පාර්සන්ඩ් අදහස්‌ දැක්‌වීය. ඉන් අනතුරුව කම්කරු නායකයින් දෙදෙනකු වන ස්‌පයස්‌ සහ µsල්ඩන් අදහස්‌ දැක්‌වූ අතර ඒ වන විට වෙලාව රාත්‍රි 10.00 ට ආසන්න වෙමින් තිබිණි. දැඩි වර්ෂාව හේතුවෙන් රැස්‌වීම අවසන් කෙරුණු අතර රැස්‌වීමට එක්‌ව සිටි පුරපතිවරයා සහ පර්සන්ස්‌ ඇතුළු කම්කරුවන් කොටසක්‌ ඉන් ඉවත්ව ගොස්‌ සිටියේය.

මේ අතරතුර කැප්ටන් බොන්µsල්ඩ් යටතේ පොලිස්‌ නිලධාරීන් 2000 ට අධික පිරිසක්‌ චතුරශ්‍රය තුළට ඇතුළු වන්නට විය. කැප්ටන් බොන්µSල්ඩ් ඉතිරිව සිටි කම්කරුවන්ට වහාම ඉන් ඉවත්වන ලෙස දන්වන ලදී. මෙහිදී කම්කරු නායකයකු වන ටී. µsල්ඩන් මෙම රැස්‌වීම සාමකාමී රැස්‌වීමක්‌ බව කැප්ටන්වරයා වෙත දන්වන ලදී.

එම සාකච්ඡාව එසේ සිදුවද්දී යම් අයකු විසින් අත්බෝම්බ ප්‍රහාරයක්‌ එයට එල්ල කළ අතර එය සටනක්‌ ඇරඹුමට සංඥවක්‌ බඳු විය. එම බෝම්බය එල්ල කළේ කවුරුන්ද යන්න අනාවරණය නොවුණු අතර ඔහු පොලිසිය විසින් කුලියට ගත් මැරවරයකු ලෙස සැලකේ.

මෙම බෝම්බ ප්‍රහාරයෙන් එක්‌ අයකු මරු තුරුළට ගිය අතර පස්‌ දෙනෙකුට තුවාල සිදුවිය. අනතුරුව සිදුවූ උණුසුම්කාරී තත්ත්වයේදී පොලිසිය විසින් කිසිදු ඉවක්‌ බවක්‌ නොමැතිව කම්කරුවන්ට බැටන් ප්‍රහාර හා වෙඩි ප්‍රහාර එල්ල කරන්නට විය. එහිදී කම්කරුවන් හය දෙනෙකු මරණයට පත්වූ අතර තුන්සියයකට අධික පිරිසක්‌ බරපතළ තුවාල ලැබූහ. පෙළපාලිකරුවන් අත තිබූ සුදු කොඩි ලෙයින් තෙමී රතු පැහැ ගැන්විය. මැයි දිනය ලෙසින් රත්වූයේ එලෙසය.

පසුව පොලිසිය විසින් නගරය දැඩි සෝදිසියට ලක්‌ කළ අතර කම්කරු සංවිධාන මූලස්‌ථාන, මුද්‍රණාල, සැකකටයුතු ස්‌ථාන දැඩි පරීක්‍ෂාවට ලක්‌ කෙරිණි. කම්කරුවන් දැඩි හිංසාවට ලක්‌ කළ අතර සිය ගණනක්‌ කම්කරුවන් සිර භාරයට ගන්නා ලදි.

කම්කරුවන්ගේ රුධිරයෙන් පළමු මැයි දිනය තෙත් කිරීමට පොලිසිය කටයුතු කළ අතර ලෝක වැඩ කරන ජනතාවගේ සටන්කාමී සංකේතය "රතු" වූයේ එලෙසය. එදා සිට කම්කරු කොඩිය රත්පැහැ ගැන්විය.

කම්කරුවන්ගේ ලෙයින් රත්වූ මැයි දිනයේදී වෘත්තීය අයිතීන් ගැන සටන්කාමී ස්‌මරණය කරනු විනා නාඩගම් නටා විකාරරූපී සංදර්ශන පවත්වා දේශපාලන විළි වසා ගැනීමට කටයුතු කළයුතු නොවේ.

සිරිමන්ත රත්නසේකර(Divaina)

Read More

විදෙස් සිසුන් ගෙන්වා ගැනීමට පෙර අපේ රටේ සිසුන්ට සරසවි වරම් ලබා දෙනු - SSU

අප රටේ ශිෂ්‍යයන්ට අවස්ථාව අහිමි කර විදෙස් සිසුන්ට රටේ අධ්‍යාපනය විකිණීමේ ආණ්ඩුවේ ක‍්‍රියාමාර්ගයට සමාජවාදී ශිෂ්‍ය සංගමය සිය දැඩි විරෝධය පලකර සිටින බවත් සිය පුරාජේරුව වෙනුවෙන් එස්.බී. දිසානායක ඇමතිවරයා ඇතුළු ආණ්ඩුව සිදුකරන මෙම නින්දිත කටයුත්ත වහාම නතරකර එම මුදල් රාජ්‍ය විශ්වවිද්‍යාල සංවර්ධනයට යොදවා, අපේ රටේ සිසුන් වැඩි ප‍්‍රමාණයක් බඳවා ගැනීමට කටයුතු කරන ලෙස අපි ආණ්ඩුවට බලකර සිටින බවත් සඳහන් කරමින් සමාජවාදී ශිෂ්‍ය සංගමය විසින් මාධ්‍ය නිවේදනයක් නිකුත් කර ඇත.

එම ශිෂ්‍ය සංමයේ ජාතික සංවවිධා‍යක නලින්ද ජයතිස්ස මහතාගේ අත්සනින් යුතුව නිකුත් කර ඇති එම නිවේදනයේ මෙසේද සඳහන්වේ.

"මෙරට රාජ්‍ය විශ්වවිද්‍යාල සඳහා පැමිණෙන විදෙස් සිසුන්ට නොමිලේ ගුවන් ටිකට් පත් හා ශිෂ්‍යත්ව ඇතුළු වරප‍්‍රසාද රැසක් ලබාදීමට උසස් අධ්‍යාපන අමාත්‍යංශය තීරණය කර ඇත. ඒ සඳහා හඳුනාගත් රටවල් 48ක ශිෂ්‍යයන්ට ශිෂ්‍යත්ව 100ක් ලබාදීමට 2011 වසරේ කටයුතු කල ද පැමිණ ඇත්තේ පකිස්ථානය, පලස්තීනය හා කෙන්යාව යන රටවලින් සිසුන් 05 දෙනෙකු පමණි.

අපේ රටේ විශ්වවිද්‍යාල සිය උසස් අධ්‍යාපන කටයුතු සඳහා විදෙස් සිසුන් විසින් තෝරා ගනු ලබයි නම් එය ඉදිරිගාමී පියවරකි. එමගින් පෙන්නුම් කරන්නේ අපේ රාජ්‍ය විශ්වවිද්‍යාල පද්ධතිය එවැනි තෝරා ගැනීමක් සඳහා ගුණාත්මකව සංවර්ධනය වී ඇති බවයි. එය ජාත්‍යන්තර ශ්‍රේණිගත කිරීම්වලදී ලංකාවේ රාජ්‍ය විශ්වවිද්‍යාලවලට ඉහළ ලකුණු හිමිවීමට හේතු වනු ඇත.

එහෙත් ආණ්ඩුව මේ කරමින් සිටින්නේ එවැනි කටයුත්තක් නොවේ. මහින්ද චින්තනයට අනුව ආණ්ඩුව පාරම් බෑවේ ලංකාව ආසියාවේ පංච බල කේන්ද්‍රය කරනා බවය. එනම් නාවික, ගුවන්, බලශක්ති, දැනුම, තොරතුරු තාක්‍ෂණය යන ක්ෂේත‍්‍රවල මහා පෙරලියක් සිදුකරනා බවයි. ලංකාව දැනුමේ කේන්‍ද්‍රස්ථානය බවට පත් කර චීනය, ඉන්දියාව වැනි රටවල සිසුන්ගෙන් මෙරට විශ්ව විද්‍යාල පුරවන බවය. එහෙත් නාවික කේන්‍ද්‍රයට ඉදිකල වරායට නැව් නොඑනා සේ, ගුවන් කේන්ද්‍රයට ඉදිකල ගුවන් තොටුපලට ගුවන් යානා නොඑනා සේ , බලශක්ති කේන්ද්‍රයට ඉදිකල විදුලි බලාගාර හැමදාම අක‍්‍රීය වී ඇතිවා සේ, දැනුමේ කේන්ද්‍රයටද විදෙස් සිසුන් පැමිණියේ නැත. දැන් ආණ්ඩුව සිදු කිරීමට උත්සාහ කරන්නේ ගුවන් ටිකට්පත්, වීසා,ශිෂ්‍යත්ව වැනි අල්ලස් ලබාදී කවර හෝ විදෙස් සිසුවකුගෙන් විශ්වවිද්‍යාල පිරවීමටය. ලංකාවේ විශ්වවිද්‍යාල වලට විදෙස් සිසුන් ගෙන්වා ගැනීම යනු හික්කඩුව හෝ ගල්කිස්ස මුහුදු වෙරළෙන් අහුලා ගන්න සුද්දන් විශ්වවිද්‍යාලවල වාඩි කරවීම නොවන බව ආණ්ඩුව තේරුම් ගත යුතුය.

අනෙක ආණ්ඩුව ශිෂ්‍යත්ව ලබාදීම හරහා සුදුසුකම් නැති විදෙස් සිසුන්ගෙන් අපේ රටේ විශ්වවිද්‍යාල පිරවීමට උත්සාහ දරන විට අ.පො.ස. උසස් පෙල "A" සමාර්ථ 3ක් ලබාගත් දහස් ගණනක් අපේ රටේ සිසුන්ට විශ්වවිද්‍යාලයක පස් පෑගීමට පවා වරම් අහිමි කර ඇත. වාණිජ විෂය ධාරාවෙන් "A" 3 ලබාගත් 3500ක් පමණද ගණිත විෂය ධාරාවෙන් පැරණි විෂය නිර්දේශයට පෙනී සිට "A" 3 ලබාගත් සිසුන් සිය ගණනකටද කළමනාකරණ හො ඉංජිනේරු පීඨ නොව විශ්වවිද්‍යාල ප‍්‍රවේශය පවා අහිමි වී ඇත. මෙවැනි අවස්ථාවක ජනතාවාදී, දේශපේ‍්‍රමී යයි කියාගන්නා ආණ්ඩුවක වගකීම එම දේශීය සිසුන් සියළු දෙනාට සරසවි වරම් හිමි කර දීමද? නැත්නම් ශිෂ්‍යත්ව ඇතුළු අල්ලස් ලබා දී කෙන්යාවෙන්,නයිජීරියාවෙන් ගෙන්වා ගන්නා විදෙස් සිසුන්ගෙන් අපේ රටේ විශ්වවිද්‍යාල පිරවීමද?.

අප රටේ ශිෂ්‍යයන්ට අවස්ථාව අහිමි කර විදෙස් සිසුන්ට රටේ අධ්‍යාපනය විකිණීමේ ආණ්ඩුවේ මෙම ක‍්‍රියාමාර්ගයට සමාජවාදී ශිෂ්‍ය සංගමය සිය දැඩි විරෝධය පලකර සිටී. සිය පුරාජේරුව වෙනුවෙන් එස්.බී. දිසානායක ඇමතිවරයා ඇතුළු ආණ්ඩුව සිදුකරන මෙම නින්දිත කටයුත්ත වහාම නතරකර එම මුදල් රාජ්‍ය විශ්වවිද්‍යාල සංවර්ධනයට යොදවා, අපේ රටේ සිසුන් වැඩි ප‍්‍රමාණයක් බඳවා ගැනීමට කටයුතු කරන ලෙස අපි ආණ්ඩුවට බලකර සිටිමු."

Read More

හොරකම් කරපු මුදලින්, හොර තිප්පලකට දාන දෙනවා වගේ වැඩක් - වෛද්‍ය පීඨ ශිෂ්‍ය කි‍්‍රයාකාරී කමිටුව

‘‘ආණ්ඩුව මාලඹේ උපාධි කඩය පවත්වගෙන යන්න පුළුවන් උපරිම මැදිහත්වීම කරමින් ඉන්නවා. ඒ පිළිබඳව ජනතාව තුළ යහපත් චිත‍්‍රයක් හදන්න නිරුවතින් රඟන තත්වයකට දැන් පත්වෙලා. ජනාධිපතිවරයාගේ සිට එක පෙළට පහළට සියළු දෙනා දැන් මේ රංගනයට සහභාගී වෙලා. අධ්‍යාපනය ලැබීමට ඇති අයිතිය තව දුරටත් පැවතිය යුතුයි කියලා හිතන සියළු දෙනා මේ තත්වය පරාජය කරන්න පෙරට ආ යුතුයි කියලා අපි ඉල්ලා සිටිනවා.’’

වෛද්‍ය පීඨ ශිෂ්‍ය කි‍්‍රයාකාරී කමිටුවේ කැඳවුම්කරු නජිත් ඉන්දික සහෝදරයා මෙම අදහස් ප‍්‍රකාශ කළේ පසුගිය 25 වන බ‍්‍රහස්පතින්දා මරදාන CSR ශාලාවේ පැවති මාධ්‍ය හමුවකදී

වැඩි දුරටත් අදහස් දැක්වූ ඒ සහෝදරයා...

වෛද්‍ය පීඨ ශිෂ්‍ය කි‍්‍රයාකාරී කමිටුව විදිහට මෙහෙම මාධ්‍ය හමුවක් සූදානම් කරන්න ආසන්න හේතූන් දෙකක් තියනවා. පළමුවැන්න තමයි පසුගියදා ජනාධිපතිවරයා අතින්, ජනාධිපති අරමුදලෙන් මාලඹේ පෞද්ගලික වෛද්‍ය විද්‍යාලයට ශිෂ්‍යයන් දස දෙනෙකුට ශිෂ්‍යත්ව ලබා දීම. අනෙක් කාරණාව තමයි අගමැතිවරයා ඇතුළු පිරිස විසින් එම ආයතනයට අනුබද්ධ ශික්ෂණ රෝහලක් විවෘත කිරීම. පසුගිය අපේ‍්‍රල් මාසයේ මුල් සතියේ මේ සිද්ධීන් දෙකම සිද්ධවුනේ දැවැන්ත මාධ්‍ය සංදර්ශන සහිතව. බලා හිටපු ජනතාවට ‘‘මේක නම් මාරයි’’ කියලා හිතෙන තරමට ආණ්ඩුව මේ සඳහා මැදිහත් වෙලා තිබුණා. අපි අද මාධ්‍ය හමුව පවත්වන්නේ ඒ කියන විදිහට මේක මාර නෑ, මේක සමස්ත සමාජයක අනාගතයට මරු කැඳවනවා කියන යථාර්තය පැහැදිලි කරන්න.

2008 වසරේ ඉදිකරපු මාලඹේ SAITM ආයතනයට ආණ්ඩුවේ සෘජු අනුග‍්‍රහය ලැබෙන්න පටන් ගත්තේ 2010 මහින්ද රාජපක්ෂ ජනාධිපතිවරයාගේ වත්මන් ආණ්ඩුව පත්වුනායින් පස්සේ. උසස් අධ්‍යාපන ඇමති කමට එස්.බී. මහත්තයා පත්වීමෙන්ම ආණ්ඩුවේ අධ්‍යාපන ප‍්‍රතිපත්තිය පැහැදිලි වෙනවා. ඔවුන් තමන්ගේ උසස් අධ්‍යාපන ප‍්‍රතිපත්තිය අධ්‍යාපන පෞද්ගලීකරණයයි, පෞද්ගලික විශ්ව විද්‍යාල ඉදිකිරීමයි කියන එක ඉතිහාසයේ පළමු වතාවට නිළ වශයෙන් පිළිගත්තා, ඒ අනුව කටයුතු කිරීම ඇරඹුවා. ඒ අනුව තමයි 2011 සැප්තැම්බර් මාසයේ ඉදිරිපත් කළ විශේෂ ගැසට් පත‍්‍රයක් මඟින් මාලඹේ ඒ උපාධි විකුණන ආයතනයට රෝහලක් ඉදිකරගන්නය කියලා රුපියල් මිලියන 600 ක මුදලක් ලබා දෙන්නේ. එහෙම කරන්නේ අවසන් වසර නිමකරන්න අවශ්‍ය පහසුකම් නැතිව, ඒවාට අවශ්‍ය ප‍්‍රතිපාදන වෙන් කරන්නේ නැතිව රජරට වෛද්‍ය පීඨයේ ශිෂ්‍යශිෂ්‍යාවන්ගේ ජීවිත අවුරුද්දකට අධික කාලයකින් පසුපසට ගියපු යථාර්තයක් ඇතුළේ. අනෙක් විශ්ව විද්‍යාලවල තත්වයත් මේකම තමයි.

ශිෂ්‍යයන්ගේ උසස් අධ්‍යාපනය ගැන ඒ ආකාරයේ දැක්මකින් ඉන්න ආණ්ඩුව තමයි ශිෂ්‍යයන් 10 දෙනෙකුට සරසවි වරම් දෙන්න මේ තරම් දඟලන්නේ. ඒකත් දැවැන්ත මාධ්‍ය සංදර්ශනයක් එක්ක. මුලින්ම කැබිනට් ප‍්‍රකාශක මාධ්‍යයට කියනවා උසස්පෙළ ඉහළින් සමත්වෙලා සරසවි අවස්තා නොලැබුණු සිසුන් ගැන ජනාධිපතිවරයට හුඟක් දුක හිතිලය වගේ කතාවක්. ඊට පස්සේ ජනාධිපතිවරයම රැස්වීම කිහිපයක කියනවා මොනවා හරි කරන්න ඕන මේකට, මාර ප‍්‍රශ්නයක්, ශිෂ්‍යයෝ ගොඩක් ඉහළින් උසස්පෙළ සමත් වෙලා සරසවි අවස්තා නොලැබී ඉන්නවා කියලා. ඊට පස්සේ තමයි විසඳුම විදියට මාලඹේ උපාධි විකුණන ආයතනයට ශිෂ්‍යත්ව 10 ක් ලබා දෙන්නේ මාධ්‍ය එහෙම කැඳවලා. අපි අහනවා දැන් හරිද කියලා. දැන් මේ හදන්නේ ජනතාවගේ අධ්‍යාපනය විනාශ කරන මෙවැනි උපාධිකඩ වලට ඒවායේ යථාර්තය වහලා, පුණ්‍යායතන වගේ ප‍්‍රතිරූපයක් හදන්න.

අනෙක තමයි ශික්ෂණ රෝහලක් විවෘත කිරීම. ඔවුන් කියනවා මෙය ඇඳන් 1001ක් සහිතව ලංකාවේ මෙතුවක් කාලයකට ඉදිකරපු විශාලතම ශික්ෂණ රෝහලයි කියලා. අගමැතිවරයා තමයි ඒක විවෘත කරන්න සහභාගී වෙන්නේ. අපිට ඒ සම්බන්දව පැහැදිලි කිරීමක් තියනවා. අනෙක් කාරණා සියල්ලම නොසලකා හැරියත් අපි දන්නවා ලංකාව ඇතුළේ පෞද්ගලික රෝහලකින් අධ්‍යාපනය දීලා වෛද්‍යවරයෙක් බිහිකරනවා කියන එක යථාර්තයක් නෙමෙයි. මොකද ඇඳන් තිබුණට ඇඳන් වලට බෑ වෛද්‍යවරු හදන්න.

අපි තේරුම් ගත යුතුයි ඇයි මෙහෙම වෙන්නේ කියන කාරණාව. උසස් අධ්‍යාපනය මුළුමනින්ම අඩපණ කරලා ඒ නිසා අර්බුදයක් මතුවෙනකොට, ඒ අර්බුදය විකුණන් කෑමක් තමයි මේ සිදුකරන්නේ. ජනාධිපතිවරයා ජනතාවගේ මුදල්වලින් ගෙවලා මාලඹේට ශිෂ්‍යයන් 10 දෙනෙක් යවනවා. මේක නිකන් හොරකම් කරලා දාන දෙනවා වගේ වැඩක්.

ජනතාවගෙන් අපි ඉල්ලන්නේ මේ දේවල්වල සැබෑව තේරුම් ගන්න කියලා. එහෙම නැතුව ජනාධිපති ඇතුළු නඩය කරන මේ මාධ්‍ය සංදර්ශන වලින් ඇස් නිලංකාර කරගත්තොත් අනිවාර්යෙන්ම ඒ අතරේ පිටිපස්සෙන් ඇවිත් පොල්ලකින් ගහනවා ජනතාවගේ ඔලූවටම. ඒක තමයි ඇත්ත.

අපි තව උදාහරණයක් කියන්නම්. අපි දිගටම අරගල කළා වෛද්‍ය අධ්‍යාපනය නංවන්න නම්, පෞද්ගලික විශ්ව විද්‍යාල හකුළා ගන්නා ලෙසත්, ඒ වගේම රජයේ වෛද්‍ය පීඨ පුළුල් කරන්න සහ වෛද්‍ය පීඨ නැති විශ්ව විද්‍යාලවල අලූතෙන් වෛද්‍ය පීඨ ඇති කරන්න කියලා. සබරගමුව විශ්ව විද්‍යාලයේ ප‍්‍රධාන සැලැස්මේ සඳහන් වෙනවා 2010 වසර වෙද්දි වෛද්‍ය පීඨයක් ඉදිකරලා පළමු කණ්ඩායම බඳවාගන්න. ඒ සඳහා රත්නපුර රෝහල ශික්ෂණ රෝහලක් වශයෙන් නම් කරලා තියෙන්නේ. වෛද්‍ය පීඨය ඉදිකිරීමට ඒ ආසන්නයේ ඉඩම් පවා වෙන්කරලා තියෙන්නේ. නමුත් එවැන්නක් සිදුකරන්නේ නෑ. ජනාධිපතිවරයා ඇතුළු ආණ්ඩුවට පොඩි හරි අවශ්‍යතාවයක් තියනවනම් උසස්පෙළ ඉහළින් සමත් වුණු කාටත් සරසවි අවස්තා ලබා දෙන්න කළ හැකි, කළ යුතු දේවල් ඕන තරම් තියනවා. සබරගමුව වෛද්‍ය පීඨය ගොඩනැඟුවා නම් 10 දෙනෙකුට නෙමෙයි, තවත් සිසුන් 200කට ඉගෙනගන්න අවස්තාව ලැබෙනවා. අපි මේ රටේ සියළු දෙනාගෙන්ම ඉල්ලා සිටින්නේ මේ කරන බොරුව තේරුම් ගන්න කියලා.

මේ කරන්න හදන්නේ මේ රටේ පවතින අධ්‍යාපන ක‍්‍රමය අංශක 180 කින් හරවන්න. ඒකට මුදල් දෙනවා, සහතික දෙනවා, මාධ්‍ය අනුග‍්‍රහය දක්වනවා විතරක් නෙමෙයි මේ ජාතියේ නාට්‍ය පෙන්වන්න පවා ජනාධිපතිගේ සිට පහළට ආණ්ඩුව එක පෙළට සූදානම් වෙලා ඉන්නේ. අපිට මේක තවත් එක පෞද්ගලික වෛද්‍ය විද්‍යාලයක් නෙමෙයි. ආණ්ඩුව අධ්‍යාපන ක‍්‍රමයම පෞද්ගලීකරණය කරන්න, අධ්‍යාපනයත් තවත් එක වෙළඳ භාණ්ඩයක් බවට පත් කරන්න යන ගමනේ, යන පෙරහැරේ ඉදිරියෙන්ම ගෙනියන කරඩුව තමයි මාලඹේ උපාධි කඩය. මේ කරඩුව බිම දාලා මේ පෙරහැර නැවැත්තුවේ නැත්නම් මේක හෙට දවසේ විකසිත වෙන්න බලාගෙන ඉන්න උපන් නූපන් දරු පරම්පරාවක හිස් මතින් ගමන් කරනවා. කුමන අසීරු තත්වයක් යටතේ වුනත් අපි ඒක යථාර්තය කියලා බාරගන්නේ නෑ. මේ සමාජය තුළ, මේ සමාජ ක‍්‍රමය තුළ අපේ ජීවිත වල හැම අස්සක් මුල්ලක්ම තීරණය කරන්නේ මුදල්, ආර්ථික සාධක මත. අපි කන්නේ බොන්නේ මොනවද, එහෙමත් නැත්නම් බඩගින්නේ ඉන්නවද, අපි අඳින්නේ මොන වගේ ඇඳුමක්ද, අපි ගමනක් බිමනක් යන්නේ පයින්ද පාරේ බස් එකේද එහෙමත් නැත්නම් කාර් එකකද කියන තැන ඉඳන් උපත, විවාහය, මරණය මේ හැම දෙයක්ම තීරණය කරන්නේ අතේ තියන මුදල, ආර්ථික සාධක මත. නමුත් කවුරු හරි දරුවෙක්ට ඉගෙනගන්න ආසාව, උනන්දුව, කැපවීම තියනවා නම් ආර්ථික සාධක නොසලකා පළමු වසරේ සිට උපාධිය දක්වා අධ්‍යාපනය ලබන්න හැකියාවක් මෙතෙක් තිබුණා නිදහස් අධ්‍යාපන ක‍්‍රමය පැවති නිසා. මේ නැති කරන්නේ අන්න ඒ අවසන් දේ.

අපි ජනතාවට ආරාධනා කරනවා මේ අරගලයත් එක්ක ඒකාබද්ධ වෙන්න කියලා. මේක අද දවසේ කුමන අසීරුතා මධ්‍යයේ හරි ජයග‍්‍රහණය කරා අරන් නොගියොත් විනාශ වෙන්නේ සමස්ත සමාජයක අනාගතය. අපි ඉදිරි සති 02 තුළ වෛද්‍ය පීඨ තුළ වැඩමුළු පවත්වමින් ආණ්ඩුවේ මෙම ප‍්‍රවේශය ගැන පුළුල් සාකච්ඡාවක් ගන්නවා. ඊට ගත යුතු ක‍්‍රියාමාර්ග පිළිබඳ තීරණයකට එනවා. ඉන් පස්සේ දැවැන්ත උද්ඝෝෂණ ආරම්භ කරන්න අපි සූදානම්. අපි ජනතාවගෙන් ඉල්ලනවා අපිට සහයෝගය දක්වන්න, මේ අරගලයත් එක්ක එකතු වෙන්න කියලා.

Read More

නිදහස්‌ අධ්‍යාපනය සුරකින රාජ්‍ය මැදිහත්වීමක අවශ්‍යතාව

නිදහස්‌ අධ්‍යාපන ප්‍රතිපත්තිය යනු පළල් වූත්, දුර දැක්‌මකින් යුක්‌ත වූත්, අධ්‍යාපන, ආර්ථික, සමාජයීය ආදී සමස්‌ත ක්‍ෂේත්‍රයන් ආවරණය වූ දැවැන්ත ප්‍රතිපත්තිමය ඓතිහාසික හැරවුම් ලක්‍ෂයකි. එවකට පැවැති අධ්‍යාපන, සමාජ, ආර්ථික පසුබිම අනුවත්, රටේ අනාගත ගමන් මඟ පිළිබඳවත් අධ්‍යයනයකින් අනතුරුව ඉදිරිපත් කරන ලද නිදහස්‌ අධ්‍යාපන ප්‍රතිපත්තිය අධ්‍යාපනයේ බොහෝ ගැටලුවලට, ප්‍රශ්නවලට විසඳුම් සහිත ප්‍රායෝගික යෝජනා මාලාවක්‌ විය. අතීතයේ පැවැති තත්ත්වය එසේ වුවද, නිදහස්‌ අධ්‍යාපනයේ වර්තමාන තත්ත්වය හා අනාගත අභියෝග සම්බන්ධයෙන් ශාස්‌ත්‍රීය වූත්, කාලීන වූත්, සංගායනාවක්‌, කතිකාවතක්‌ වර්තමානයේ පවත්වනු දැකීම උගටය.

Read More

ආණ්ඩුව බුරන්නේ වැ‍රැදි ගහට

උසස් අධ්‍යාපන ඇමති එස්. බී. දිසානායක, මොන දෙයක් වෙතත්, ආණ්ඩුවේ පෞද්ගලික විශ්ව විද්‍යාල ව්‍යාපෘතිය ඉදිරියට ගෙන යාමට සපථ කොට තිබේ. උසස් අධ්‍යාපනය සඳහා රට තුළ පවතින වැඩි වන ඉල්ලූම සැළකිල්ලට ගැනීමේ දී, පෞද්ගලික විශ්ව විද්‍යාලවල අවශ්‍යතාව වෙනදාටත් වඩා අද දැනෙන බව, පසුගිය සිකුරාදා ‘දකුණු ආසියානු තාක්ෂණ සහ වෛද්‍ය විද්‍යායතනයේ’ සමාරම්භක උළෙලේ ප‍්‍රධාන ආරාධිතයා වශයෙන් කතා කරමින් ඔහු කියා සිටියේය.

Read More

Govt. barking up the wrong tree

Govt. barking up the wrong tree

Higher Education Minister S. B. Dissanayake has vowed to go ahead with the government’s private university project come what may. Speaking at the opening of the South Asian Institute of Technology and Medicine (SAITM) teaching hospital, as a guest of honour, on Friday, he said the need for private universities had been felt more than ever, given the increasing demand for higher education in the country.

Read More

මහාචාර්ය සුචරිත ගම්ලත් පඬිවරයාණන් සමුගෙන යයි...!

පඬිතුමෙකු යැයි කට පුරා කිවහැකි ශ්‍රී ලංකාවේ පඬිවරුන්ගේ යුගයේ අවසන් පඬිතුමකු වූ මහාචාර්ය සුචරිත ගම්ලත් මහතා අද උදෑසන කොළඹ ජාතික රෝහලේදී ජනතාවගෙන් සමුගත් බව දැඩි ශෝකයෙන් දන්වා සිටිමු.

සමුගන්නා විට ඒ මහතාගේ වයස අවුරුදු 79 ක් විය. අවසාන කාලයේ පිලිකා රෝගයට ගොදුරු වූ ගම්ලත් මහතා මහරගම පිලිකා රෝහලින් ප්‍රතිකාර ලබමින් සිටියදී අසනීප තත්ත්වය වැඩි වීමෙන් මීට දින හතර පහකට පෙර කොළඹ ජාතික රෝහලට ඇතුලත් කළද ඔහු අද උදෑසන ජනතාවගෙන් සමුගෙන ගියේය.

සිංහල, ඉංග්‍රීසි, දෙමළ, සංස්කෘත, පාළි සහ ලතින් භාෂාවන්හි විශිෂ්ඨ ප්‍රවීනයෙකු වූ ගම්ලත් පඬිතුමා අචල භෞතිකවාදී මාක්ස්වාදී ට්‍රොට්ස්කිවාදියෙකු විය. සිය නිරවුල් ඓතිහාසික භෞතිකවාදී ස්ථාවරයේ සිටිමින් කලාව දේශපාලනය සම්බන්ධයෙන් සිදුකළ නිර්දය විචාරයන් 80-90 දශකයන්හි තරුණ ජනතාවට මහත් ආලෝකයක් ගෙන දුන්නේ ය.

තම ආචාර්ය උපාධිය ලන්ඩන් සරසවියෙන් ලබා සියරට පැමිණීමෙන් පසු යාපනය විශ්වවිද්‍යාලයේ භාෂා සහ සාහිත්‍ය අංශයේ ආරම්භක මහාචාර්යවරයා ලෙස කටයුතු කළේය. රුහුණ විශ්වවිද්‍යාලය ආරම්භ කළ පසු එහි ද කලා පීඨයේ ප්‍රධානත්වය දැරූ ඔහුගේ දේශපාලන මත ගැන උරණ වූ එවක කොළපාට ආණ්ඩුව ඔහු විශ්ව විද්‍යාලයෙන් නෙරපා දැමීය. ඉන්පසු ඔහු යළි සේවයේ පිහිටුවීමට නිල්-රතු ආණ්ඩුව හෝ ක්‍රියා නොකළේය. තව තවත් පර්යේෂණ කිරීමට ඉඩ සලසා දෙනවා වෙනුවට මේ තරම් වටිනා පඬිවරයෙකු විශ්ව විද්‍යාල සමාජයෙන් නෙරපා දැමූ ලෝකයේ එකම රට ශ්‍රී ලංකාව විය යුතුය. විදේශ විශ්ව විද්‍යාල රැසකින් ගම්ලත් පඬිතුමාණන්ට ආරාධනා ලැබුනද ඔහු ඒ ගැන උනන්දුවක් නොදැක්වූ අතර ශ්‍රී ලංකාවේ මහජනතාව වෙත තම හැකි පමණින් සේවය කිරීමට කටයුතු කෙළේය.

ඔහු ශ්‍රී ලාංකිකයන්ට දායාද කළ මහඟ= දායාදය නම් ශ්‍රී ලංකාවේ මෙතෙක් බිහිවූ අනර්ඝතම ඉංග්‍රීසි-සිංහල ශබ්ද කෝෂය නිම කිරීම විය යුතුය. ඒ සඳහා ඔහු වසර 15 ක පමණ කාලයක් කැප කෙළේය. අහුමුළුබුදු ලා විසින් සිංහල වචන සඳහා සිදුකළ වර්ගවාදී විකෘති නිරුක්තීන් වෙනුවට ගම්ලත් පඬිතුමා විසින් නිවැරදි ඓතිහාසික භෞතිකවාදී නිරුක්තීන් ඉදිරිපත් කෙළේය.

සරසවියෙන් එළවා දැමුවද නිර්මාණ සංවාද කුලකය, කොළඹ කවය ආදී 80-90 දශකයන්හි තිබූ බුද්ධි පිපාසයෙන් පෙළුනු තරුණයන්ගේ සංවිධානයන් ට මග පෙන්වූ ගම්ලත් පඬිතුමා එම සංවිධාන වල සිටි තරුණයන්ගේ අසහාය ගුරුවරයෙකු විය. සරසවියෙන් එළවා දමා සිටියදී වුව තම දේශන සඳහා නුවර සිට කොළඹ පැමිණි ඔහු තම ගමන් වියදම් හැර කිසිදු මුදලක් ඒ වෙනුවෙන් අය නොකළ බව කිවහොත් අද සිටින බොහෝ දෙනෙකු විශ්වාස නොකරනු ඇත.

මේ අසහාය සිංහල මහාචාර්ය වරයාට කලක් තම දිවි ගැට ගසා ගැනීම සඳහා ඉංග්‍රීසි ටියුෂන් දීමට සිදුවූයේද ශ්‍රී ලංකාවේ ආණ්ඩුවල බල මහිමය නිසාය.

ජාතිවාදයට ආගම්වාදයට දැඩි සේ විරුද්ධ වූ ඔහු තම දැනුම ඛෙදාහළේ ඒ වෙනුවෙනි. පුහු සමාජවාදී ප්‍රචාරක කලාවද පොළොවේ පය නොගැසූ හුදු සෞන්දර්යවාදී කලාවද ප්‍රතික්ෂේප කළ ඔහු ශ්‍රමයේ නිර්මාණයක් වූ සම්භාව්‍ය කලාව සම්බන්ධයෙන් සිංහල විචාර කලාවට නව මානයන් ගෙන ආවේය.

දර්ශනය, දේශපාලනය, විචාරය සම්බන්ධයෙන් වටිනා පොත් පත් දේශන රැසක් සිදුකර ඇති සුචරිත ගම්ලත් පඬිතුමා ගැන මෙය අසම්පූර්ණ සටහනකි. ඔහු පිළිබඳ පරිපූර්ණ සටහනක් සිදුකළ හැකි වියතෙක් ශ්‍රී ලංකාවේ සිටීදැයි යන්න පවා සැක සහිත ය.

මිනිසුන් සදාකාලිකව ජීවත් නොවේ. මහාචාර්ය සුචරිත ගම්ලත් පඬිතුමන්ගේ දැනුමින් ශ්‍රී ලංකාවේ ජනතාව නිසි ප්‍රයෝජනයක් නොගත් බවත් සකලාකාරයේ පාලකයන් විසින් ඒ සඳහා බාධා කළ බවත් අප දනිමු.

ලංකා ඊ නිව්ස්

Read More

අධ්‍යාපන මුදලින් කැලැන්ඩර් ඩයරි ගසයි

උතුරු මැද පළාතේ අධ්‍යාපනය නැංවීමට එම පළාත් සභාව මගින් මේ වසරට වෙන් කළ රුපියල් ලක්‍ෂ එක්‌දහස්‌ පන්සියයෙන් රුපියල් ලක්‍ෂ හාරසියයකට ආසන්න මුදලක්‌ වැයකොට දින දර්ශන, දිනපොත් ක්‌ෂේත්‍ර සටහන් පොත් මුද්‍රණය කර උතුරු මැද අධ්‍යාපන ඇමැතිවරයා විසින් පළාතේ පාසල්වලට බෙදා හැරලා. ඔහු මේවා කළේ ජනාධිපතිවරයාගේ සහ රජයේ අධ්‍යාපන ඇමැතිවයරාගේ අවසරය මතදැයි වහා රටට හෙළි කළ යුතු බව අනුරාධපුර දිස්‌ත්‍රික්‌ එක්‌සත් ජාතික පක්‍ෂ පාර්ලිමේන්තු මන්ත්‍රී පී. හැරිසන් මහතා පැවැසීය.

පෙරේදා (23 දා) අනුරාධපුරයේදී පැවැති මාධ්‍ය හමුවකට එක්‌වෙමින් මන්ත්‍රීවරයා මේ බව ප්‍රකාශ කළේය.

උතුරු මැද පළාත් අධ්‍යාපන සංස්‌කෘතික හා තොරතුරු තාක්‌ෂණ අමාත්‍ය පේෂල ජයරත්න බණ්‌ඩාර මහතා එම ධුරයට පත්වීමෙන් අනතුරුව ඔහුගේ න්‍යාය පත්‍රයකට අනුව කටයුතු කිරීමට යැමෙන් මේ වනවිට පළාතේ අධ්‍යාපනයට ෙ€දජනක තත්ත්වයක්‌ උදාවී ඇති බව පී. හැරිසන් මහතා පැවැසීය.

හෙතෙම වැඩිදුරටත් මෙසේ ද කීය.

සතියේ දිනවල පැවැත්විය යුතු මේ වසරේ පළමුවන වාර විභාගය ඇමැතිවරයා විසින් සති අන්ත දිනවලත් පවත්වන ලෙසට අනිවාර්ය කළා. ඊට විරෝධය පළ කොට ගුරුවරුන් සේවයට වාර්තා නොකිරීම නිසා පෙරේදා (23 දා) සිසු දරුවන්ට තමන්ගෙ විභාග තමන්ටම පවත්වා ගැනීමට සිදුවුණා. මෙවැනි අවාසනාවන්ත තත්ත්වයක්‌ උදාවී තිබුණේ පළාත් අධ්‍යාපන ඇමැතිවරයාගේ පෞද්ගලික න්‍යාය පත්‍රයකට අනුව ක්‍රියාකිරීමට යැම නිසයි.

ඔහු හිතුවක්‌කාරි ලෙස ඔහුට හිතවත් නිලධාරීන් සහ දේශපාලන කණ්‌ඩායම් යොදාගෙන උතුරු මැද පළාතේ අධ්‍යාපනය නඟා සිටුවීමට යැම නිසා මේ වනවිට පළාතේ දූ දරුවන් අසරණ වෙලා. මේ අධ්‍යාපන ඇමැතිවරයා පළාතේ මහ ඇමැතිවරයා සමඟ වැඩ කිරීමට කැමැති නෑ. පළාතේ ආණ්‌ඩුකාරවරයා හා රජයේ අධ්‍යාපන ඇමැතිවරයා කියන දේ අහන්නෙත් නෑ. මේ සියලු දෙනාටම ඇහුම්කන් නොදී පළාතේ සිසු දරුවන්ට සිදුකරන හානිය සම්බන්ධයෙන් පළාත් අධ්‍යාපන ඇමැතිවරයා වග කියන්න ඕනෑ.

උතුරුමැද පළාත් අධ්‍යාපන ඇමැතිවරයා ඉගෙනුමට මුල්තැන කියලා විශාල මුදලක්‌ වැය කර ලොකු කැලැන්ඩරයක්‌ මුද්‍රණය කර පාසල්වලට බෙදාදී තිබෙනවා. ඒ විතරක්‌ නොවෙයි දින පොත්, ගුරු අත්පොත්, ක්‌ෂේත්‍ර සටහන් පොත් මුද්‍රණය කර සහ ජනාධිපතිතුමාගේ, මෛත්‍රීපාල සිරිසේන ඇමැතිවරයාගේ හා පළාත් අධ්‍යාපන ඇමැතිවරයාගේ රුව සහිත ඡායාරූප අනුරාධපුර හා පොළොන්නරුව දිස්‌ත්‍රික්‌ක දෙකෙහි පාසල්වලට බෙදා දී තිබෙනවා. මේ එක ඡායාරූපයකට වියදම රුපියල් එක්‌දහස්‌ පන්සියයක්‌.
අනුරාධපුර විශේෂ - පර්සි කුරුනේරු

Read More

උපාධිධාරී අභ්‍යාසලාභීන් සඳහා හමුදා පුහුණුව

ආර්ථීක සංවර්ධන අමාත්‍යාංශයට අනුයුක්ත කර ඇති උපාධිධාරී අභ්‍යාසලාභීන් සඳහා නිපුණතා සංවර්ධන වැඩසටහනකට මුවාවී හමුදා පුහුණුව ලබාදීමට ව්‍යාපෘතියක් ආරම්භ කර ඇති බව වාර්තා වේ. මෙම වැඩසටහන මාර්තු 25 දින සිට අප්‍රේල් 09 දින දක්වා පැවැත්වීමට කටයුතු සූදානම් කර ඇත.

මේ සම්බන්ධයෙන් මාතර දිස්ත්‍රික් ක්‍රම සම්පාදන කාර්යාල මගින් මාතර ප්‍රාදේශීය ලේකම් කාර්යාලයට යවා ඇති ලිපියක දැක්වෙන්නේ ඒ අනුව රාජ්‍ය ආරක්ෂක අමාත්‍යාංශයේ සහාය ඇතිව ආර්ථීක සංවර්ධන අමාත්‍යාංශය මගින් සියලුම දිස්ත්‍රික්ක ආවරණය වන පරිදි උපාධිධාරී අභ්‍යාසලාභීන් පුහුණු කිරීමට කටයුතු සූදානම් කර ඇත යනුවෙනි.

මාතර ප්‍රදේශීය මහ ලේකම් කාර්යාලය මගින් උපාධිධාරීන් වෙත යවා ඇති ලිපියේ දෙවන ඡේදයේ සඳහන් වන්නේ හෘදයාබාද, වකුගඩු රෝග සහ වෙනත් බරපතල රෝග,‍ බෝවන රෝග, වෙනත් ආබාධ සහිත, ගර්භනී සමයේ පසුවන්නන්, ප්‍රසූත නිවාඩු ලබා සිටින්නන් සහභාගී නොවන ලෙසත් ඉහත රෝගී තත්වයන් සහිත නිලධාරීන් වෛද්‍ය වාර්තා මගින් ඒ බව සනාථ කළ යුතු බවත් දන්වා සිටිමි යනුවෙනි.

නිපුණතා සංවර්ධන වැඩමුළුවක් සඳහා නම් ඉහත නිලධාරීන් නුසුදුසු වන්නේ කිනම් පදනමකින්ද යන්න උපාධිධාරීන්ට ගැටලුවක් වී තිබේ.

මේ අතර මෙම වැඩසටහනට සහභාගී වන්නන් සඳහා විශාල බඩු කට්ටලයක්ද රැගෙන පැමිණෙන ලෙස දන්වා තිබේ. මේ අතර අත් දිග කමිස දෙකක්, අත්කොට කමිස 2ක්, දිග කලිසම් 2ක්, කොට කලිසම් 2ක්, කලිසමේ පාටට ගැලපෙන සපත්තු කුට්ටම් 1ක් මේස් යුගල 2ක්, කරපටි 2ක්, කැන්වස් සපත්තු යුගල 2ක්, රබර් සෙරෙප්පු යුගලක්, ඩෙනිම්, ටී ෂර්ට්, සාරි, නිදන ඇඳුම්, යට ඇඳුම්, කොට්ට උර, තුවා, ඇඳ ඇතිරිලි, රෙදි තොප්පි, සබන් දත් බුරුසු, ෆයිල් කවර, අභ්‍යාස පොත්, පෑන් පැන්සල්, පිඟන් කෝප්ප, සූට් කේස්, සපත්තු පොලිෂ් ආදිය අඩංගු වේ.

මෙම අභ්‍යාසලාභීන් සඳහා මසක දීමනාව රු. 10,000ක් පමණක් වේ.

Read More

ඇමරිකා එක්සත් ජනපදයේ 16 වෙනි ජනපති එබ්බ්‍රහිම් ලින්කන් තම පුතාගේ ගුරුවරයා වෙත යවන ලියුම

පරිවර්තනයේ සාරාංශය

ඔහු උගත්තෙක් විය යුතු බව මම දනිමි. සියලු මිනිසුන් සාධාරණ නැත. සත්‍ය වාදිද නැත. නමුත්, සෑම නොමිනිසේකුටම වීරයෙක්ද, ආත්මාර්ථකාමි දේශපාලකයේකුටම කැප උන නායකයෙක්ද, සෑම සතුරෙකුටම සහෘදයෙක්ද, සිටින බවත් ඔහුට උගන්වනු මැනවි.
ඊර්ශියාවන් ඉවතට ඔහු මෙහෙයවා සන්සුන්ව සතුටේ රසය විඳගනිමටත්, ඔහුට උගන්වනු මැනවි.
දුර්වලය තලා පෙලන්නා වැඩිකල් නොගොස් ඒ සදහා පසුතැවෙන බව ඔහුටම තේරුම් ගැනීමට ඉඩ හරිනු මැනවි.
පොත් පත් වල සැගවුන ආශ්චර්යය ඔහුට උගන්වන ගමන්ම, අහසේ පිය සලන කුරුල්ලාගේ සදාතනික මුණු මුණු වේද, හරිත කඳු වැටි අසබඩ විල්ගොමුවේ විහඟ, මි මැසි නාදයේද, අසිරිය විද ගැනීමට නිදහසට ඔහු හට ලබා දුන මැනව.
දයාබර ගුරුතුමනි අසමත්වීම, රැවටීමට වඩා ගෞරවනීය බව ඔහුට උගන්වනු මැනවි.
ලෝකයාගේ ගැරහුමට ලක් වුවද, තම අදහස් මත විශ්වාසය ගොඩ නගා ගැනීමට ඔහුව පුරුදු පුහුණු කල මැනවි.
සුමුදු හදවත් අතර සුමුදු වීමටත්, රළු පරිසරයකදී රළු වීමටත් අවශ්‍ය ශක්තිය ඔහුට ලබා දුන මැනවි.
වැඩි දෙනකු අනුගමනය කල පමණින්, යමක් අනුගමනය නොකිරීමට ශක්තිය ඔහුට ලබාදීමට උත්සහ කල මැනවි.
සියලු දෙනාටම හොදින් සවන් දීමට මෙන්ම, යහපත් දේ පමණක් තෝරා බේරා ගැනීමටත් ඔහුට උගන්වනු මැනවි.
ගෞරවනීය ගුරුතුමනි, කදුළු අතරින් සිනා සිමටත්, කදුළු බිදුවක ලැජ්ජාව නොදැනිමටත්, විවේචනයට බිය නොවීමටත්, පමණට වැඩි ප්‍රශංසාවන්ගෙන් ප්‍රවේසම් වීමට ඔහුට කියා දුන මැනවි.
ශක්තිය සහ මොළය උපරිම මිලකට අගය කිරීමටත්, එහෙත් හදවත මෙන්ම ආත්මයද, මිල නොකරන ලෙසටත්, ඔහුට උගන්වනු මැනවි.
නුවමනා කාලයේදී දෙසවන් වසා ගැනීමටත්, තාමා නිවැරදි යැයි සිතේ නම්, ඒ වෙනුවන් සටන් කිරීමටත් ඔහුට උගන්වනු මැනවි.
දයාබර ගුරුතුමනි, අනවශ්‍ය හුරතලයට ලක් නොකර, ඔහුට මෘදු ලෙස සලකනු මැනවි. මන්ද යත්, හොඳ වානේ පන්නරයක් ලැබෙන්නේ දැඩි ගින්දරකිනි.
නොඉවසිලිමත් වීමට ශක්තියත්, නිර්භිත වීමට ඉවසීමත්, නිරන්තරයෙන් තමා කෙරෙහි අපරිමිත විශ්වාසයක් තැබීමට ඔහුට උගන්වනු මැනවි.
එවිට පමණක් ඔහු සමස්ත මානව වර්ගයා කෙරෙහි අනන්ත වූ විශ්වාසයක් දක්වන්නේහිය.
ගෞරවනීය ගුරුතුමනි, මෙය විශාල ඇනවුමකි එහෙත්, කල හැකි දේ කුමක් දැයි බලනු මැනවි.

මේ අපුර්වතම කුඩා පැටියා මගේ ආදරණිය පුතුමය.....!

Read More

සියටැල්

වොෂින්ටන් නගරයේ සිටින බලවත්ම නායකතුමා අපේ භූමිය මිලදී ගැනීමට කැමති බව අපට දන්වා එවා ඇත. එමෙන්ම එතුමා අපේ මිත‍්‍රත්වය හා හොඳ හිත ද ප‍්‍රාර්ථනා කරයි. අපේ මිත‍්‍රත්වයෙන් ඔහුට එතරම් ප‍්‍රයෝජනයක් නැතත් එතුමාගේ කාරුණිකභාවය පිළිබඳව අපි එතුමන්ට කෘතඥ වෙමු. එතුමන්ගේ ඉල්ලීම පිළිබඳව ද අපි සලකා බලන්නෙමු.
ඔබ මේ අහස් තලය, පොළොවෙන් නගින උණුසුම් මිලදී ගන්නේ කෙසේද?
මේ අදහස අපට නම් විකාරයකි. සුළෙඟ් නැවුම් බව ජලයේ දිදුලන කාන්තිය අපට අයිති නොවේ නම් ඔබ ඒවා මිලදී ගන්නේ කෙලෙසද?
මේ පොළොවේ සෑම බිම් අඟලක්ම මගේ මිනිසුන්ට පූජනීයය. දේවදාර ගසක දිලිසෙන සෑම කිනිත්තක්ම වැලි කඳුවලින් පිරි සෑම වෙරළක්ම අඳුරු වන ගැබ තුළ වන සෑම මීදුම් වළාවක්ම, සෑම එළිමහනක්ම, ගී ගයන සෑම කුඩා ප‍්‍රාණියෙක්ම මගේ මිනිසුන්ට නම් පූජනීය මතකයෝ සහ අත්දැකීම් වෙති. තුරුලතා අතරින් දිවෙන සෑම මංපෙතක්ම රතු ඉන්දියානුවන් පිළිබඳව මතකයන් රැගෙන යයි.

එබැවින් වොෂින්ටනයේ මහා නායකයා අපේ ඉඩම් මිලදී ගැනීමට කැමති බැව් දන්වා එවීමෙන් හෙතෙම අපෙන් නොදිය හැකි දෙයක්ම බලාපොරොත්තු වෙයි. මන්දයත් මේ පොළව අපට පූජනීය වන හෙයිනි. මේ ගංගා දිගේ ගලා බසින්නේ හුදු ජලයම නොව අපේ මුතුන් මිත්තන්ගේ රුධිරයයි. පොකුණු දිය කඳ මත පතිත වන සෑම අඳුරු ඡායාවක්ම මගේ වර්ගයේම ජීවන අත්දැකීම් හා අනුස්මරණ බැව් ඔබේ දරුවන්ට කියා දෙනු මැනවි. මේ ජලය නගන මිමිනුම මගේ මුතුන් මිත්තන්ගේ කටහඬයි.

ගංගාවෝ අපේ සොහොයුරෝය. ඔවුහු අපේ පිපාසය සංසිඳවති. අපේ ඔරු පාරු ගෙන යති. අපේ දරුවන් පෝෂණය කරති. අප මේ භූමිය ඔබට විකිණුවහොත් වෙනත් ඕනෑම සහෝදරයෙකුට දක්වන කරුණාව ගංගාවලට ද දක්වනු මැනවි.

අපගේ පියවරුන්ගේ භෂ්මාවශේෂ අපට පූජනීය වන්නේය. ඔවුන්ගේ සොහොන් බිම් අපට පූජනීය වන්නේය. එහෙත් සුදු මිනිසුන් වන ඔබට නම් එක් භූමියක් තවත් භූමියකට වඩා වෙනස් නොවේ. ඔබේ මිනිස්සු භූමිය කොල්ලකා පලා යති. භූමිය ඔවුනට මිතුරෙකු නොව සතුරෙකි. එක් බිමක් අත්පත් කර ගැනීමෙන් පසුව ඔවුහූ තවත් බිම් සොයා ඉදිරියට ඇදෙති. කිසිදු හැඟීමකින් තොරව තම පියවරුන්ගේ සුසාන පසු කර යති. තම දරුවන්ගේ අනාගත භූමිය මංකොල්ල කති. මෙහි අවසන් ප‍්‍රතිඵලය වන්නේ හිස් කාන්තාරයක් පමණකි.

සුදු මිනිසාගේ නගරවල දර්ශනය රතු මිනිසාගේ නෙත්වලට වේදනාව ගෙන එයි. සුදු මිනිසාගේ නගරවල නිසංසල තැනක් සොයා ගත නොහැකිය. වසන්ත සමයෙහි තුරු ලතාවල ළපලූ විකසිත වන හඬ හෝ කුඩා කෘමි සතුන්ගේ පියාත්වල සිලිසිලිය ඔබේ නගරවලදී ඇසෙන්නේ නැත. එහි ඇත්තේ ඝෝෂාව පමණි. එය දෙසවනට මහත්ම හිරිහැරයකි.

ඇතැම් විට මා වැනි ම්ලේඡයෙකුට මේ දේවල් වටහා ගන්නට අසීරු විය හැකිය. එහෙත් හුදෙකලාවේ උලමා ගයන ගීතය හෝ රාති‍්‍රයේ පොකුණක් අසල මැඩියන්ගේ තර්ක විතර්ක නොඅසන ජීවිතයේ හරයක් වේද?

සත්තු, තුරුලිය හා මිනිස්සු යන අපි සියල්ලෝම එකම ප‍්‍රාණ වායුව හවුලේ බෙදා ගන්නෙමු. සුදු මිනිසුන් වන ඔබ තමන් ආශ්වාස කරන වාතය ගැනවත් නොදනියි. අපේ භූමිය ඔබට විකිණුවහොත් මේ සුළඟ අපට බෙහෙවින් අගනා දෙයක් වූ බව සිහි තබා ගත මැනවි. ඔබ එය ශුද්ධ වස්තුවක් ලෙස ආරක්ෂා කළ යුතුය.

ප්‍රෙයරි තණ බිම හරහා ගමන් කරන දුම්රියක සිට විනෝදයට වෙඩි තබා මරා දමන ලද කුණු වී යන දහස් ගණන් කුළු හරකුන්ගේ මළ සිරුරු මම දුටුවෙමි. කුළු හරකාට වඩා දුම්රිය වැදගත් වන්නේ කෙසේදැයි මට නම් වැටහෙන්නේ නැත. ඒ සමහර විට මා වනචාරී ම්ලේච්ඡයෙකු නිසා වීමට පුළුවන.

තිරිසන් සතුන් නොමැති ලොවක මිනිසා හුදෙකලාව ජීවත් වන්නේ කෙසේද? එසේ වුවහොත් ඒ හුදකලා බවින් ඔහුද විනාශ වී යනු ඇති. ඒ මන්ද යත් ඒ සත්වයින්ට සිදුවන දෙය ඉතා ඉක්මනින්ම මිනිසාටද සිදුවන නිසාය.

ඔබේ දරුවන් දෙපයින් නැගී සිටින විට මේ බිම අපේ මුතුන් මිත්තන්ගේ භෂ්මාවශේෂයෙන් පෝෂණය වී ඇති බව ඔවුනට වටහා දෙනු මැනවි. භූමිය අපගේ මාතාවයි. භූමියට සිදුවන සෑම හොඳක් හෝ නරකක්ම එහි දරුවන්ට ද උරුම වන්නේය. ඔබ භූමියට කෙළ ගසන්නේද ඔබ තමාටම කෙළ ගසා ගනී.

මේ මහ පොළොව මිනිසාට අයිති නැත. එහෙත් මිනිසා මහ පොළොවට අයත්ය. ඥාතීන් සියලූ දෙනා එකම බැම්මකින් බැඳෙන්නාක් මෙන් මෙලොව ඇති සියලූ දෑ එකිනෙක හා බැඳී තිබෙන බව අපි දනිමු. ජීවන ජාලය වියන ලද්දේ මිනිසා විසින් නොවේ. ඔහු හුදෙක් එහි එක් වරපටක් පමණකි. මේ ජීවන ජාලයට හෙතෙම යම් බලපෑමක් සිදු කරයි ද හෙතෙම එය තමන්ටම සිදු කර ගත්තා වේ. එහෙත් ඔබ අප වෙනුවෙන් වෙන් කොට ඇති වාසභූමි වෙත යාම පිළිබඳව අපි සලකා බලන්නෙමු. එවිට අප එකිනෙකාගෙන් වෙන්ව එහෙත් සාමයෙන් ජීවත් වනු ඇත.


අපි එක් දෙයක් දන්නෙමු. එනම් යම් කිසි දවසක සුදු මිනිසා අපේ දෙවියන් ඔබේ දෙවියන්ද වන බව වටහා ගනු ඇත. අපේ ඉඩම් අයිතිකර ගැනීමට සිතන්නාක් මෙන් දෙවියන් ද අයත් කර ගැනීමට ඔබට සිතෙනු ඇත. නමුත් ඔබට එසේ කිරීමට නොහැකි වනු ඇත.


එතුමන් මුළු මහත් මිනිස් වර්ගයාගේම දෙවියාය. උන්වහන්සේගේ දයාව සුදු මිනිසාට මෙන්ම රතු මිනිසාට ද එක හා සමානය. මේ පොළෝ තලය ඔහුට අනර්ඝ වස්තුවක් වෙයි. ඊට හානි කිරීම එහි නිර්මාපකයාට නිගරු කිරීමක් වේ. දිගින් දිගටම ඔබේ යහන අපවිත‍්‍ර කිරීමෙන් යම් රාති‍්‍රයක ඔබම නිපදවූ අපද්‍රව්‍ය ඔබේම හුස්ම හිර කරවනු ඇත.


එහෙත් විනාශය කරා යන ඔබ නිවෙන්නට පෙර දීප්තිමත්ව දැල්වෙන පහන් වැටියක් මෙන් උද්දීප්තිමත්ව බැබළෙනු ඇත. ඔබට මේ භූමියෙහි හා රතු ඉන්දියානුවන්ගේද ආධිපත්‍යය ලබා දුන්නා වූ දෙවියන්ගේ ශක්තිය ඊට හේතු වනු ඇත. සෑම කුළු හරකෙකුම මස් කරන ලද සෑම කැලෑ අශ්වයෙකුම හීලෑ කරන ලද පැහැබර කඳු ශිඛර කතා කරන කම්බිවලින් වැසී ගිය කල ඒ දෛවය අපට නම් අභූතයකි. වන ලැහැබ් කොහිද? නැති වී ගොස්ය. රාජාලියා කොහිද? නැති වී ගොස්ය. මේ සියල්ල කුමක්ද? ජීවිතයේ අවසානයයි. අපි ඔබේ ඉඩම් මිලදී ගැනීමේ යෝජනාව සලකා බලන්නෙමු.

අප ඊට එකඟ වුවහොත් ඔබ විසින් අපට දෙන්නට පොරොන්දු වී සිටින රක්ෂිත භූමියෙහි අපි ජීවත් වන්නෙමු. අන්තිම රතු මිනිසාත් පොළොවෙන් අතුරුදහන් වූ විට ඔහුගේ මතකය තණ බිම් මතින් පාවෙන වලාකුළක සෙවණැල්ලක් පමණක් වනු ඇත. මේ වෙරළ හා වනාන්තරය තවදුරටත් මගේ මිනිසුන් පිළිබඳ මතකය දරා සිටිනු ඇත. ඔවුන් මේ භූමියට ආදරය කළේ අලූත උපන් ළදරුවෙකු තම මවගේ හදවතේ රිද්මයට ආදරය කරන්නාක් මෙනි. ඉතින් අප භූමිය ඔබට විකුණා දැමුවොත් අප එයට ආදරය කළ හැටියටම ඔබත් ඊට ආදරය කරන්න. දෙවියන් අප සියලූ දෙනාටම ආදරය කරන ලෙසටම ඊට ආදරය කරන්න. අපි එක් දෙයක් දනිමු. අපේ දෙවියනුත් ඔබේ දෙවියන්මය. පොළොව ඔහුට බෙහෙවින් අගී. සුදු මිනිසාට පවා පොදු ඉරණමෙන් ගැලවිය නොහැකිය. ඒ අරුතින් අපි සියලූ දෙනාම සහෝදරයෝ නොවෙමුද?

   -සියටැල් 

Read More

කවුද මේ "e ටීචර්"

තොරතුරු තාක්‌ෂණික මෙවලම් ලෝකෙට එන්නේ පුදුම වේගයෙන්. මෙවලම් කීවේ මෘදුකාංග දෘඩාංග දෙකම. අපේ රටත් දැන් දැන් තොරතුරු තාක්‌ෂණයේ විවිධ අංශවලින් සංවර්ධනය වෙමින් යනවා. පසුගියදා දැකපු බොහොම වටින දෙයකට පසු වදනක්‌ ලියන්නයි මේ සූදානම් වෙන්නේ.

අධ්‍යාපන අමාත්‍යාංශයේ මැදිහත්වීමෙන් පසුගියදිනක e තක්‌සලාව වෙබ් ද්වාරය දියත් වුණා. (www.e-thaksalawa.moe.gov.lk) ඒක අපේ දරුවන්ට ඉගෙන ගන්න කියාපු තැනක්‌. මේ වෙබ් අඩවියේ බොහොමයක්‌ විෂයයන්ට අදාළව තොරතුරු තාක්‌ෂණය භාවිතා කරලා පාඩම් සකස්‌ කරලා තියෙනවා.

තොරතුරු තාක්‌ෂණය අධ්‍යාපනයට යොදා ගත්තොත් දරුවන්ට ඉගෙන ගන්න කොයි තරම් ලේසි වෙයිද? ඉගෙනුමේ ඵලදායිත්වය කොයි තරම් වැඩි කරන්න පුළුවන් වෙයිද. අපේ දරුවෝ කොයි තරම් ආසාවෙන් ඉගෙන ගනියිද? ඒ හරහා අපේ මේ පුංචි රටේ දරුවෝ කී දෙනෙක්‌ හෙට ලෝකය ජයග්‍රහණය කරාවිද?.

ඇත්තටම ඒක ලස්‌සන දෙයක්‌.

"ඒත් මේක කරන්න අමාරුයි ඇයි.?"

"අමාරුවෙන්න තියෙන ලොකුම හේතුව අපේ රටේ e Teachers ලා ගොඩක්‌ හිඟ හින්දයි කියලා මං හිතන්නේ."

"කාටද මේ e Teachers ලා කියන්නේ?"

"තමන්ගේ ඉගෙනුම ඉගැන්වීම් කාර්යය සඳහා තොරතුරු තාක්‌ෂණය භාවිතයට ගන්නා ගුරුවරුන් e Teachers කියලා කියන එකෙන් අදහස්‌ කළේ."

"තවත් ටිකක්‌ පැහැදිලි කළොත්?"

"අපේ ගුරුවර ඉගෙනුම් ආධාරක ලෙස වැඩිපුරම පාවිච්චි කළේ කළුලෑල්ලයි හුණු කූරයි දෙකනේ. අද වෙන කොට ඒකත් සුදු ලෑල්ලයි - මාකර් පානයි (white board - and maeker) විදියට වෙනස්‌ වෙලා. ප්‍රාථමික පන්තිවලදී මේ තත්ත්වය මීට වැඩිය ටිකක්‌ වෙනස්‌. ඒ ගුරුවරු නම් ඉගෙනුම් උපකරණ ටිකක්‌ හදාගන්නවා. කාඩ්බෝඩ් වල රූප ඇඳලා. නැත්තං අවශ්‍ය දේවල් හැඩතල වලින් හදාගෙන, ක්‌ලේ නැත්තං මැටි වගේ දේවල් වලින් අඹලා, ඔය වගේ විවධ ආකාරවලට දරුවගේ සංකල්ප වර්ධනය කරන්න උත්සහ ගන්නවා."

"මම මේ කියන e Teachers ත් ඔය හැම විදියටම උගන්නවා. ඒවට අමතරව එයා මෙන්න මේ වගේ දේවලුත් පාවිච්චි කරනවා. පරිගණකයක්‌, මල්ටිමීමිඩියා ප්‍රොජෙක්‌ටරයක්‌, පරිගණක විද්‍යාගාරයක්‌, ඩිජිටල් වයිට්‌ බෝඩ් එකක්‌, ප්‍රින්ටරයක්‌ PDA එකක්‌, ස්‌මාර්ට්‌ ෆෝන් එකක්‌, ඩිජිටල් කැමරාවක්‌, අන්තර්ජාල සම්බන්ධතාවක්‌, විවිධ ආකාරයේ පරිගණක, මෘදුකාංග, රූපවාහිනී යන්ත්‍රයක්‌, DVD ප්ලේයර් එකක්‌ වගේ දේවල්."

"එහෙම ගුරුවරු අපේ රටේ ඉස්‌කෝලවල ඉන්වාද?"

"ඉතාම අතලොස්‌සක්‌ ඉන්නවා."

"එතකොට ඒ ගුරුවරු අනික්‌ ගුරුවරුන්ට වඩා හොඳට දරුවන්ට උගන්නනවාද?

"ගුරුවරයකුට ඉගෙනුම් ආධාරක කියන්නේ මනමාලියකුට ආභරණ වගේ. කළු ලෑල්ලයි සුදු හුණු කෑල්ලයි අරගෙන උගන්නනවාට වඩා පාට හුණු කෑලි පාවිච්චි කළොත් තේරුම් කරන්නයි තේරුම් ගන්නයි දෙකම ලේසියි. ඒ වගේමයි තාක්‌ෂණික මෙවලම් ඉගැන්වීම් කාර්යයට පාවිච් කළාත් ඉගෙනුම් ඉගැන්වීම් කාර්යය තවත් පහසු වෙනවා. ළමයින්ටත් ප්‍රිය වෙනවා."

"ඔය කියන විදියේ උපකරණ ගොඩක්‌ මිල අධිකයි නේද?"

"මිල නම් තරමක්‌ ඉහළ තමයි. ඒත් මෙතන ප්‍රශ්නය උපකරණවල මිල නෙමෙයි. මං හිතන විදියට මෙතන තියන ලොකුම ගැටලුව තමයි මේ පිළිබඳව බොහෝ දෙනෙකුගේ තියෙන ධනාත්මක ආකල්ප අඩු එක. ඒකට ප්‍රධානතම හේතුව තාක්‌ෂණික උපකරණ මෙහෙයවීම පිළිබඳ දැනුම හා කුසලතාවන් තියෙන ගුරුවරු අඩුවීමයි".

"ඇයි එහෙම කියන්නේ?"

"පරිගණක මෙහෙයවීමට දන්න කෙනෙකුටම මේ විදියට උගන්වන එකේ වටිනාකම හොඳට තේරෙනවා."

"ඔබ මේ සඳහන් කරන e Teachers කෙනෙක්‌ නේන මොනවද දැනගෙන තියෙන්න ඕනේ?"

"මොන ගුරුවරයකු වෙන්නත් මුලින්ම තමන්ගේ වෘත්තියට ආදර කරන කෙනෙක්‌ වගේම උගන්වන විෂය ගැන හොඳ පැහැදිලි අවබෝධයක්‌ ඉගැන්වීමේ හැකියවකුත් තියෙන කෙනෙක්‌ වෙන්න ඕනෑ නේ. ඊළඟට පරිගණක මෙහෙයවීමේ හැකියාව තියෙන්න ඕනේ. සුදුසු මෘදුකාංග හා දෘඪාංග තියෙන්නත් ඕනේ. එම මෘදුකාංගවල සීමා හා පාඩමේ සීමා ගළපා ගත හැකි වෙන්නත් ඕනේ."

"මේ ක්‍රමය ක්‍රියාත්මක වීමට ගුරුවරුන් සිටීම පමණක්‌ ප්‍රමාණවත්ද?"

"කොහෙත්ම නැහැ. මුලින්ම මෙවැනි ක්‍රමයක්‌ ක්‍රියාත්මක කිරීමේ වටිනාකම පාසල් ප්‍රධානීන්ට අවබෝධවී තියෙන්න ඕනේ. එතකොට තමයි මේ සඳහා අවශ්‍ය පසුබිම සකස්‌ කර ගන්න පුළුවන් වෙන්නේ. පාසල් වල පන්ති කාමරවලට කළුලෑල්ල අයින්වෙලා වයිට්‌ බෝඩ් මාකර් පෙන් ආවේ ඒ ගැන තිබුණ යහපත් ආකල්පය නිසා මිස රජයේ හෝ වෙනත් බලපෑමක්‌ නිසා නොවෙයිනේ."

"මේ සඳහා කළ යුත්තේ කුමක්‌ද?"

"පාසල් ප්‍රධානීන්ට මෙවැනි වැඩසටහන් ගැන අවබෝධයක්‌ ලබාදිය යුතුයි.· ගුරුවරුන්ට තමාගේ විෂයයන්ට අදාළ අධ්‍යාපනික මෘදුකාංග පරිහරණයට අවස්‌ථාව ලබාදිය යුතුයි. මොකද මම මෙහෙම කියන්නේ ලංකාවේ ගොඩක්‌ ගුරුවරු එවැනි දේවල් ඇති බව වත් නොදන්නා නිසයි. එහි වටිනාකම අවබෝධ වූවාට පසු කෙසේ හෝ පරිගණක පිළිබඳ මූලික අවබෝධයක්‌වත් ලබා ගන්නට ගුරුවරුන් පෙළෙඹනවා නියතයි."

"භෞතික සම්පත් සපයා ගැනීමට වඩා මානව සම්පත් සංවර්ධනයයි මේ කටයුත්තේ පළමුව කළ යුතු වන්නේ. මොකද මේ සංකල්පය හදවත් තුළ රෝපණය කරන්න තමයි වැඩි කාලයක්‌ ශ්‍රමයක්‌ දරන්න වෙන්නේ."

"මේ විදියට වැඩ ආරම්භ කලොත් තව අවුරුදු කීපයකින් හරි ලෝකයත් එක්‌ක බැඳුණු පිsරිපුන් අධ්‍යාපන ක්‍රමවේදයකට අපේ දරුවන්ට මං පෙත් විවර වේවි·"

ලක්‍ෂ්මන් තිලකරත්න

Read More

සබරගමු සිසු විරෝධ උග්‍ර වේ

සබරගමුව විශ්වවිද්‍යාලයට ඇතුළත් වන නවක සිසු සිසුවියන්ගෙන් අය කරනු ලබන ගාස්‌තු ඉහළ දැමීමට එරෙහිව විරෝධතා ක්‍රියාමාර්ග ආරම්භ කළ එම විශ්වවිද්‍යාලයේ මහා ශිෂ්‍ය සංගමය සහ පීඨ ශිෂ්‍ය සංගම් පහක්‌ වහාම ක්‍රියාත්මක වන පරිදි තහනම් කිරීමට පරිපාලන අංශ ඊයේ (15 වැනිදා) පියවර ගත්තේය.

මෙම ක්‍රියාමාර්ගයට විරෝධය පළකරමින් විශ්වවිද්‍යාල සිසුහු විශාල පිරිසක්‌ මහ වැසි නොතකමින් විශ්වවිද්‍යාලයට නුදුරින් පිහිටි කොළඹ - බදුල්ල මහා මාර්ගය අවහිර කරමින් ඊයේ සවස පැයක පමණ කාලයක්‌ විරෝධතා ව්‍යාපාරයක නිරත වූහ.

මෙවර ඇතුළත් කළයුතු නවකයන් සංඛ්‍යාව 458 කින් අඩු කිරීම ද ඔවුන්ගේ විරෝධයට හේතුවක්‌ වී ඇත.

ගාස්‌තු ඉහළ දැමීමට හා සිසුන් අඩු කිරීමට එරෙහි විරෝධතාවලට සම්බන්ධ වූ සිසුන් හඳුනාගෙන ඔවුන්ට දඬුවම් කිරීම සඳහා ද පරිපාලන අංශ කටයුතු කරමින් සිටින බව එහි ආරංචි මාර්ග සඳහන් කළේය.

මෙතෙක්‌ නවකයන් ඇතුළත් වන විට පමණක්‌ ගෙවීමට සිදුව තිබූ රුපියල් නවසිය පනහක මුදල මෙවර රුපියල් දෙදහස්‌ හයසියය දක්‌වා වැඩි කර එම මුදල ද වාර්ෂිකව ගෙවිය යුතු මුදලක්‌ ලෙස දන්වා ඇති බවත් ශිෂ්‍ය සංගම් ප්‍රකාශකයෙක්‌ පැවසීය. මීට අමතරව නේවාසික ගාස්‌තු වශයෙන් රුපියල් පන්සියයක අමතර මුදලක්‌ ගෙවීමට සිදුවී ඇති බවත් හෙතෙම සඳහන් කළේය. මේ ආකාරයෙන් මෙවර නවක සිසු සිසුවියන්ගෙන් විශ්වවිද්‍යාලය අයකර ඇති මුදල ලක්‍ෂ ගණනක්‌ යෑයි ද එම ප්‍රකාශකයා කීවේය.

මෙම ක්‍රියාමාර්ගයන්ට එරෙහිව දිගින් දිගටම විරෝධතා ව්‍යාපාරවල යෙදී සිටින විට ශිෂ්‍ය ක්‍රියාකාරකම් නතර කළ යුතු බව පරිපාලන අංශ විසින් මහා ශිෂ්‍ය සංගමයට ලිතව දන්වා ඇත. එම ලිත දැනුම්දීමට අනුව ශිෂ්‍ය සංගම් රැස්‌වීම් පැවැත්විය නොහැකි අතර රාත්‍රි දහයෙන් පසුව කිසිදු ශිෂ්‍ය ක්‍රියාකාරකමකට අවස්‌ථාව නැත.

පරිපාලන අංශ ශිෂ්‍ය සංගම් තහනම් කිරීමට පියවර ගෙන ඇත්තේ එම නියෝග කඩකිරීම නිසා යෑයි විශ්වවිද්‍යාලයේ ජ්‍යෙෂ්ඨ නිලධාරියෙක්‌ සඳහන් කළේය.

මේ අතර පසුගිය 12 වැනිදා රාත්‍රි 7 සිට මධ්‍යම රාත්‍රිය දක්‌වා නවක සිසු සිසුවියන් බලහත්කාරයෙන් රඳවා ගනිමින් මහා ශිෂ්‍ය සංගමය රැස්‌වීමක්‌ පවත්වා ඇතැයි ද ඒ සඳහා නේවාසිකාගාරවලට ගොස්‌ සිසුවියන් කැඳවාගෙන පැමිණ ඇතැයි ද මේ සම්බන්ධයෙන් "දිවයින" කළ විමසුමකට පිළිතුරු දුන් උසස්‌ අධ්‍යාපන අමාත්‍යාංශයේ ශිෂ්‍ය කටයුතු අධ්‍යක්‍ෂ ජනරාල් කීර්ති මාවැල්ලගේ මහතා පැවසීය. මෙම රැස්‌වීම පැවැත්වීමට උපකුලපතිවරයාගෙන් කිසිදු අවසරයක්‌ ලබාගෙන නැතැයි ද ඒ සඳහා පෙරටුගාමී දේශපාලනයේ නියුතු කථිකයකු ද සහභාගි වී ඇති බව ද සඳහන් කළ ඒ මහතා මේ සම්බන්ධයෙන් සිසුන් හා දෙමවුපියන් අමාත්‍යාංශයට පැමිණිලි කර ඇති බව ද කීවේය.

ශිෂ්‍ය සංගම් තහනම් කිරීමට පරිපාලන අංශ පියවර ගෙන ඇත්තේ මෙම සිදුවීම් නිසා බව ද මාවැල්ලගේ මහතා සඳහන් කළේය.

කෙසේ වුවද මේ පිළිබඳව විමසීම සඳහා උපකුලපති මහාචාර්ය මහින්ද රූපසිංහ මහතා දුරකථනයෙන් සම්බන්ධ කර ගැනීමට අප ගත් උත්සාහය අසාර්ථක විය.

නිලන්ත මදුරාවල

Read More

බන්දුලගේ චක‍්‍රලේඛය අමු බොරුවක් - මහින්ද ජයසිංහ

පසුගිය මාර්තු 13 වන දින අධ්‍යාපන අමාත්‍යාංශය විසින් නිකුත් කරන ලද චක‍්‍රලේඛය මගින් පාසල් නඩත්තුව දෙමව්පියන් මත පැටවීම කිසිදු ආකාරයකින් නවතා නැති බවත් එම චක‍්‍රලේඛය රටේ ජනතාව රැවටීම සඳහා කරන ලද බොරුවක් බවත් ලංකා ගුරු සේවා සංගමයේ ප‍්‍රධාන ලේකම් මහින්ද ජයසිංහ මහතා පවසයි. අද (15) කොළඹ ජාතික පුස්තකාල ශ‍්‍රවණාගාරයේ පැවති මාධ්‍ය හමුවක් අමතමින් ඔහු මේ බව පැවසීය.

එහිදී ඔහු වැඩිදුරටත් කරුණු ඉදිරිපත් කරමින් මෙසේද පැවසීය.

‘‘ පසුගිය කාලය පුරාම දරුවන්ගෙන්, දෙමව්පියන්ගෙන් පාසල්වලට මුදල් එකතු කිරීම් බොහෝ සේ සිදු කළා. හොරණ ප‍්‍රදේශයේ ශිෂ්‍යාවක් පාසලට මුදල් හොයාගන්න පොල් ගෙඩි 8 ක් හොරකම් කිරීම නිසා උසාවි යාම හේතුවෙන් තමයි මේ පිළිබඳව රට පුරා කතා බහක් සිදුවුනේ. මුදල් එකතු කිරීම තහනම් කරමින් චක‍්‍රලේඛයක් නිකුත් කරන බවට ප‍්‍රකාශයක් කරා මේ සිදුවීම් එක්ක සති 2 ක් ඇතුළත අධ්‍යාපන ඇමතිවරයා විසින්. හැබැයි මාසයක් ඉකුත් වන විට පසුගිය මාර්තු 13 වන දින චක‍්‍රලේඛයක් නිකුත් කරා 2013/11 නමින්. මේක රාජකීය විහිළුවක් වගේම බරපතල ප්‍රෝඩාවක්. දැන් මේ අධ්‍යාපනය තුල ඇතිවෙලා තියෙන අර්බුදයට මේ ගෙනැල්ල තියෙන චක‍්‍රලේඛයෙන් කිසිදු පිළිතුරක් නැහැ. මුදල් එකතු කිරීම නතර කරන්න කටයුතු කරල නැහැ. අපි ලංකා ගුරු සේවා සංගමය විදියට පසුගිය පෙබ. 28 දින අධ්‍යාපන ඇමතිවරයාට ලිඛිතව දැනුම් දුන්නා 2008/35 චක‍්‍රලේඛය අහෝසි කරන ලෙස. මොකද එම චක‍්‍රලේඛයෙන් තමයි පාසල් වලට මුදල් එකතු කිරීමට අවසර ලබා දීල තියෙන්නෙ. මේ චක‍්‍රලේඛ හරහා පාසල් සංවර්ධනය, නඩත්තුව, මේ සියල්ල දෙමව්පියන් මත පටවල තියෙනවා. එම චක‍්‍රලේඛයේ 10.6 වගන්තියේ තියෙන විදියට ප‍්‍රධාන මුදල් ආදායම් තිබෙන්නෙ දෙමව්පිය පරිත්‍යාග හරහා.

දැන් මේ චක‍්‍රලේඛය තියෙද්දී පසුගියදා ඉදිරිපත් කරපු චක‍්‍රලේඛයේ තියෙන්නේ නීත්‍යානුකූල ගාස්තු පමණක් අයකිරීමට කටයුතු කළ යුතුයි යනුවෙන්. මේ චක‍්‍රලේකය කියන්නෙ කිසිදු වැදගැම්මක් නැති කොළ කෑල්ලක් විතරයි. මේකෙ මුදල් ලබාගැනීම් කිසිදු තැනක තහනම් කරල නෑ. පංති කව, ආදි ශිෂ්‍ය සංගම් හරහා මුදල් එකතු කරන්න බැහැ කියල කියනවා. හැබැයි දෙමව්පියන් සමග පාසල් සංවර්ධන සමිතියෙ අනුමත කරපු මුදලක් එකතු කරන්න කිසිදු තහනමක් නෑ මේ චක‍්‍රලේඛයෙ. මේක අමුම අමු ප්‍රෝඩාවක්. ආපහු මේ චක‍්‍රලේඛයෙන් කියනවා මේ නීත්‍යානුකූල ගාස්තු ගෙවීමට දෙමව්පියන්ට අනිවාර්ය කිරීමක් හෝ බල කිරීමක් නොකළ යුතුයි කියල. මේ ගාස්තු ගෙවන්න අපහසු නම් ග‍්‍රාම සේවක සහතික ගෙන ආ යුතුයි හා මේ ගාස්තු නොගෙවන සිසුන්ට මානසික හා කායික පීඩාවකට ලක් කරන්න බැහැ කියලත් මේ චක‍්‍රලේඛයේ කියල තියෙනවා. අපි අහනව මේ මුදල් ගෙවල ලබන අධ්‍යාපනය නිදහස් අධ්‍යාපනය වෙන්නෙ කොහොමද කියල. මේ කියල තියෙන විදියට කිසිම දෙමව්පියෙක් ග‍්‍රාමසේවක ගාවට ගිහිල්ල ලියුම් අරගෙන එන්න යන්නෙ නෑ. ඒ නිසා අර එක තාත්ත කෙනෙක් ඔරුව විකුණල පාසලට සල්ලි හොයල දුන්න වගේ මේ සල්ලි හොයල දෙනවා. ඒ නිසා මේ චක‍්‍රලේඛයෙන් ඇමති කියන එකක් ක‍්‍රියාත්මක කරන්න බැහැ. ඒක බොරු චක‍්‍රලේඛයක්. මේක කිසිදු අයුරකින් පාසල් නඩත්තුව දෙමව්පියන් මත පැටවීම නවත්වන්න කිසිදු සටහනක් නැහැ. ඒ නිසා ඉදිරියටත් විදුහල්පතිවරුන්ට සිදුවේවි පාසලේ නඩත්තුවට දෙමව්පියන්ගෙන් මුදල් එකතු කරන්න. මොකද පාසල් නඩත්තුවට රජයෙන් මුදල් ලැබෙන්නෙ නැති නිසා.

මේ රටේ ජනතාව බත් නොකන, රවට්ටන්න පුළුවන් කියල හිතාගෙන තමයි බන්දුල ඇමතිවරයා මේ චක‍්‍රලේඛය නිකුත් කරන්නෙ. ඒ නිසා අපි කියනවා 2008/35 චක‍්‍රලේඛය අහෝසි කරපු චක‍්‍රලේඛයක් නිකුත් කරන්න. නැතුව 2008/35 චක‍්‍රලේඛය බලාත්මක කරපු චක‍්‍රලේඛ ගේන්න එපා.

ආණ්ඩුව මගින් මේ රට තුල කරමින් සිටින අධ්‍යාපනයේ විනාශයට එරෙහිව මේ වෙනකොටත් අපි පසුගිය 12 වැනි දින සිට විරෝධතා සතියක් නම් කරල පාසල් සුරැකීමේ ජනතා ව්‍යාපාරය විදියට රටපුරා ගුරුවරුන්, සිසුන් හා දෙමව්පියන් සියළු දෙනා එක්ව අඩි 1000 ක බැනරයක් අත්සන් කරමින් ඉන්නවා. ඒ වගේම අපි ඉදිරියේදී දෙමව්පියන් හා එක්ව විරෝධතා පවත්වන්න කටයුතු සූදානම් කරමින් තිබෙනවා."

Read More

ප්‍රෝඩාව

පාසල්වල දෙමව්පිය පන්ති කව, දෙමව්පිය සංගම් හා ආදි ශිෂ්‍ය සංගම් මගින් විවිධ ව්‍යාපෘති සඳහා නීති විරෝධීව මුදල් එකතු කිරීම තහනම් කල බව පවසමින් අධ්‍යාපන අමාත්‍යාංශය විසින් ඊයේ (13 වැනිදා) චක්‍ර ලේඛයක්‌ නිකුත් කරන ලදී.
නමුත් ඒයින් මුදල් එකතුකිරීම වැලැක්වීම වෙනුවට තව තවත් මුදල් එකතු කිරීම සදහා නීත්‍යානුකූල මාර්ග සකසා ඇතිබව පෙනෙන්නට ඇත.

ඒහි ඇති දුර්වලතා මෙසේයඋපුටාගැනීම 2013/11 දරන එම චක්‍රලේඛය


1. මෙම නීත්‍යනුකූල ගාස්‌තු ගෙවීමට වුවද දෙමව්පියන්ට හා සිසුන්ට අනිවාර්ය කිරීමක්‌ හෝ බල කිරීමක්‌ නොකළ යුතු වේ.

2. නීත්‍යනුකූල ගාස්‌තු වුවද ගෙවීමට අපහසු සිසුන්, ග්‍රාම නිලධාරි සහතිකය මගින් ඒ බව තහවුරු කළ විට, සියලු ගෙවීම්වලින් එම ශිෂ්‍යයා නිදහස්‌ කළ යුතු අතර එසේ ගාස්‌තු ගෙවීමෙන් නිදහස්‌ කළ බවට අදාළ දෙමව්පියන් වෙත ලිතව දන්වා යෑවිය යුතුය.

3. ගාස්‌තු නොගෙවන සිසුන් කිසියම් ආකාරයක හෝ කායික, මානසික පීඩාවන්ට ලක්‌ නොකළ යුතුය.උපුටාගැනීම අවසන්

මෙයින් පෙනෙන්නේ කිසිම විටක මුදල් එකතුකිරීම තහනම් කර නොමැති බවත් අධ්‍යාපන අමාත්‍යංශ දිගින් දිගටම ජනතාව ගොනාට ඇන්දීමට කටයුතු කරන බවත්ය.පාසල් වලට රජයෙන් ලබාදෙන මුදල් කප්පාදු කිරීම නිසා කිසි විටෙකත් පාසල් ලට ලැබෙන මුදල් ප්‍රමානවත් නොමැත.එම නිසා මෙම චක්‍රලේකනයෙන් එහි පීඩනය තව තවත් ජනතාව මතට මුදාහැරීමට සිදුව ඇතිබව පෙනෙන්නට ඇත.

Read More

ආණ්ඩුව රාජ්‍ය විශ්වවිද්‍යාල පෞද්ගලික විශ්වවිද්‍යාල බවට පත් කරමින් සිටිනවා - අ.වි.ශි.බ.ම

ආණ්ඩුව මේවන විට රාජ්‍ය විශ්වවිද්‍යාල පද්ධතිය හා පෞද්ගලික විශ්වවිද්‍යාල අතර සමපාත බවක් ඇති කිරීමට උත්සහ කරමින් සිටින බවත් ඒ සඳහා රාජ්‍ය විශ්වවිද්‍යාල වල සිසුන්ගෙන් අර්ධ වශයෙන් මුදල් අයකරමින් සිටින බවත් අන්තර් විශ්වවිද්‍යාලයීය ශිෂ්‍ය බලමණ්ඩලය පවසයි.

ඊයේ (12) මරදාන CSR ශාලාවේ පැවැති මාධ්‍ය හමුවකදී අදහස් දක්වමින් එම බලමණ්ඩලයේ කැඳවුම්කරු සංජීව බණ්ඩාර මහතා මේ බව අනාවරණය කළේය.

එහිදී අදහස් දැක්වූ ඒ මහතා මෙසේ කරුණු දැක්වූහ.

2011වසරේ උසස් පෙළ විභාගයට මුහුණ දුන් සිසුන් මේ දිනවල විශ්වවිද්‍යාල වලට බඳවා ගැනීම් සිදුකරන අතර මේ වසරේදී මෙතෙක් අයනොකල ගාස්තු සිසුන්ගෙන් අයකරමින් සිටී.

උදාහරණ ලෙස

සබරගමුව විශ්වවිද්‍යාලය ලියාපදිංචි ගාස්තු වැඩිවීම - රු 950සිට රු 2600දක්වා

මේ අනුව සබරගමුව විශ්වවිද්‍යාලය මේ වර්ෂය පවත්වාගෙන යාමට අවශ්‍ය පුනරාවර්ථන වියදම් සිසුන්ගෙන් අයකරගන්නා බව සඳහන් කළ ඔහු නවක ශිෂ්‍යයන්ගෙන් පමණක් රු 53ලක්ෂයක් විශ්වවිද්‍යාලය උපයාගෙන ඇති බව දැක්වීය.

පේරාදෙණිය විශ්වවිද්‍යාලය ලියාපදිංචි ගාස්තු වැඩිවීම - රු 250සිට රු 500දක්වා

රුහුණ විශ්වවිද්‍යාලයේ නේවාසිකාගාර ගාස්තු වැඩිවීම - රු 300සිට රු 600දක්වා

රුහුණ කෘෂිකර්ම පීඨය හා වෛද්‍ය පීඨය - නේවාසිකාගාර විදුලි හා ජල බිල් සිසුන්ට ගෙවීමට

නියම කර ඇති අතර මේවන විට කාමර වලට ජල හා විදුලි මීටර් සවිකර ඇත.

කොළඹ විශ්වවිද්‍යාලය - සමාසිකයකට පරිගණක භාවිතයට රු 500.

නේවාසිකාගාරයේ දුරකථන භාවිතා කරන්නේ නම් රු 100

ශ‍්‍රී පාලි මණ්ඩපයේ නේවාසිකාගාර ගාස්තු රු 3000

"මෙලෙස රාජ්‍ය විශ්වවිද්‍යාලවල ගාස්තු වසරින් වසර ඉහළ දමමින් ආණ්ඩුව රාජ්‍ය විශ්වවිද්‍යාල පද්ධතිය අර්ධ පෞද්ගලික විශ්වවිද්‍යාල බවට පත්කිරීමට උත්සහ කරනවා. මෙනිසා දුප්පත් දෙමව්පියන්ගේ දරුවන්ට විශ්වවිද්‍යාල වලට ඇතුළත් වීමට අවස්ථාව ක‍්‍රමයෙන් අඩුවෙනවා. මෙලෙස ගාස්තු වැඩිවුණත් මහපොළ හෝ ශිෂ්‍යාධාර වසර 5කින් පමණ වැඩිවී නැහැ. දැනටමත් සිසුන් බොහෝ දෙනෙක් විවිධ අර්ධ රැකියාවල නියෙලෙමිනුයි මෙම ගාස්තු ගෙවාගන්නේ. මේ අතර විභාග වලට ඉදිරිපත් වීම සඳහා පැමිණීම 80%බලනවා. මෙයින් සිදුවන්නේ සිසුන්ට රැකියාවක් කරලාවත් ජීවත් වීමට නොහැකිවීමයි.

විශ්වවිද්‍යාල අධ්‍යාපනය ලබන කාලසීමාව තුළ අධ්‍යයන මානසිකත්වයෙන් සම්පූර්ණයෙන්ම බැහැර වෙමින් ශිෂ්‍යයන්ට රැකියාවන් කරමින් ඉගෙනීමට සිදුවීම අ.වි.ශ.බ.ම ලෙස අපි කොහොමටවත් අනුමත කරන්නේ නෑ."

ඒ වගේම මෙවර සිසුන් 2500ක් වැඩිපුර විශ්වවිද්‍යාල වලට බඳවාගන්න බවට ආණ්ඩුව පාරම්බෑ නමුත් බරපතල ලෙස බඳවාගැනීම් කප්පාදුකර ඇති බවත් සමහර විශ්වවිද්‍යාල වල 40%ක් පමණ පුරප්පාඩු ඇති බවත් ඔහු සදහන් කර සිටියා

පුරප්පාඩු ප‍්‍රමාණය

සබරගමුව විශ්වවිද්‍යාලය

සබරගමුව විශ්වවිද්‍යාලයේ කෘෂිකර්ම පීඨය - 53%

ව්‍යවහාරික විද්‍යා පීඨය - 74%

භූ විඥාපන පීඨය - 52%

කළමණාකරණ පීඨය - 11%ව්‍යවහාරික විද්‍යාපීඨයේ පරිගණක විද්‍යා හා ක‍්‍රීඩා කළමණාකරණ උපාධිය යන විෂයන් 2ට ප‍්‍රායෝගික පරීක්ෂණ පවත්වා අවසන් වන අතර නැවත කිසිවකුත් බඳවා ගන්නේ නැහැ.

ක‍්‍රීඩා කළමණාකරණ උපාධිය සඳහා වෙනත් වසර වලදී සිසුන් 155බඳවා ගත් අතර මෙවර එම විෂය සඳහා ඇතුළත් කර ගෙන ඇත්තේ සිසුන් 33දෙනෙකි.

පරිගණක විද්‍යා උපාධිය සඳහා සිසුන් 105ක් ගත යුතුයි. නමුත් බඳවාගෙන ඇත්තේ සිසුන් 39ක් පමණයි.

භූ විඥාපන පීඨයට සිසුන් 102ක් සඳහා ඉඩ ප‍්‍රස්තා ඇති අතර මෙවර බඳවාගෙන ඇත්තේ 52ක් පමණි.

රජරට විශ්වවිද්‍යාලය

රජරට විශ්වවිද්‍යාලය කළමණාකරණ පීඨය සඳහා සිසුන් 395ක් ගත යුතුයි. නමුත් බඳවාගෙන ඇත්තේ සිසුන් 309ක් පමණයි.

රජරට කෘෂිකර්ම විද්‍ය පීඨය සඳහා සිසුන් 155ක් ගත යුතුයි. නමුත් බඳවාගෙන ඇත්තේ සිසුන් 58ක් පමණයි.

රුහුණ විශ්වවිද්‍යාලය

රුහුණ විද්‍යා පීඨය සඳහා සිසුන් 402ක් ගත යුතුයි. නමුත් බඳවාගෙන ඇත්තේ සිසුන් භාගයකටත් අඩුවෙන්.

රුහුණ ධීවර හා සාගර සහ තාක්ෂණ විද්‍යා පීඨය සඳහා සිසුන් 93ක් ගත යුතුයි. නමුත් බඳවාගෙන ඇත්තේ සිසුන් 32ක් පමණයි.

වයඹ විශ්වවිද්‍යාලය

වයඹ ව්‍යවහාරික විද්‍යා පීඨය සඳහා සිසුන් 200ක් ගත යුතුයි. නමුත් බඳවාගෙන ඇත්තේ සිසුන් 60ක් පමණයි.

පේරාදෙණිය විශ්වවිද්‍යාලය

පේරාදෙණිය කළමණාකරණ පාඨමාලාව ගොඩනැගිල්ලක් නොමැති කමෙන් මෙම වසරේ සිට නවතා දැමුණා.

පේරාදෙණිය කෘෂිකර්ම පීඨයේ සත්ව පාලන හා මත්ස්‍ය විද්‍යා පාඨමාලාවට ගිය වසරේ සිසුන් 150ක් බඳවා ගත් නමුත් මෙවර 50ක් දක්වා අඩුකර තිබෙනවා.

"මේවා ගැන විමසුවහම පීඨ පරිපාලනය කියන්නේ බඳවා ගන්න බැහැ මුදල් ප‍්‍රතිපාදන නැහැ කියලා. විශ්වවිද්‍යාල පරිපාලන කොමිෂන් සභාව කියන්නේ ලබන වසරෙදි මේ පුරප්පාඩු වෙනුවෙනුත් බඳවා ගන්නවා කියලයි. නමුත් අපි අහනවා මෙවර අසාධාරණයට ලක්වු සිසුන්ට ලබන වර්ෂයේදී සාධාරණය ඉටුවෙන්නේ කොහොමද කියලා.

මෙලෙස විශ්වවිද්‍යාල වල ඉඩකඩ තිබියදිත් බඳවා ගැනීම් නොකර ජනාධිපතිතුමා පසුගිය දවසක කිව්වා ‘‘උසස් පෙළ A 3ක් අරගෙනත් විශ්වවිද්‍යාල යන්න බැරි සිසුන්ට ණයක් දීලා හරි පෞද්ගලික විශ්වවිද්‍යාල වලට යන්න කියලා’’. එස් බී මහත්තය ‘‘කියනවා වැඩිපුර සිසුන් 2500ක් ගන්න කියන අධිකරණ තීන්දුව ශිරාණි නෝනගෙ පිස්සුවක් කියලා’’. නමුත් අපිට තියෙන ප‍්‍රශ්නය තමයි වැඩිපුර සිසුන් ගැනීම කෙසේවෙතත් තිබෙන පුරප්පාඩු වත් පුරවන් නැත්තේ ඇයි කියන එක. විශ්වවිද්‍යාල වලට සිසුන් බඳවා ගැනීමට මුදල් නොමැති ආණ්ඩුවට පේරාදෙණිය විශ්වවිද්‍යාලය පුරා CCTVකැමරා පද්ධතියක් සවිකරන්න කෝටි 4ක මුදලක් හා නව ආරක්ෂක නිලධාරීන් බඳවා ගන්න මුදල් තිබෙනවා. අනෙක් විශ්වවිද්‍යාල වලටත් කෝටි ගණන් මුදල් වැය කරමින් කැමරා උපකරණ සවිකර තිබෙනවා. ආණ්ඩුවේ නිල ප‍්‍රතිපත්තිය අධ්‍යාපනය විකුණන එක. ශිෂ්‍යයො ඒකට විරුද්ධව හඬ නඟන නිසා ශිෂ්‍යයන්ව මර්දනය කිරීම වෙනුවෙන් වියදම් කරන්න මුදල් ආණ්ඩුවට තියෙනවා. අන්තර් විශ්වවිද්‍යාල ශිෂ්‍ය බලමණ්ඩලය ලෙස අපි රජයට අවධාරණය කර සිටිනවා සියලූ ශිෂ්‍යයො පාරට බහින්න කළින් අධ්‍යාපන සංහාරය නවත්වා සුබසාධන පහසුකම් වැඩිකර බඳවා ගැනීම් වැඩිකරන්න කියලා ඒ වගේම ශිෂ්‍ය මර්දනය නවත්වන්න කියලා. අපි ජනතාවට ආරාධනා කරනවා අධ්‍යාපන සංහාරය නවත්වන්න අන්තර් විශ්වවිද්‍යාලයීය ශිෂ්‍ය බලමණ්ඩලය ලෙස අප කරන අරගලයත් එක්ක දැනුවත්ව එකතු වන්න කියලා."

Read More

රුහුණු සරසවියට නව උපකුලපතිවරයෙක්

රුහුණු විශ්වවිද්‍යාලයේ උපකුලපතිවරයා ලෙස ජ්‍යෙෂ්ඨ මහාචාර්ය ගාමිණි සේනායක මහතා පත් කර තිබේ.

උසස් අධ්‍යාපන අමාත්‍යාංශය නිවේදනය කළේ වසර තුනක කාලයක් සදහා ඔහු එම තනතුරට පත් කර ඇති බවය.

1979 වසරේදී පේරාදෙණිය විශ්වවිද්‍යාලයේ කෘෂිකර්ම පීඨයෙන් ප්‍රථම උපාධිය ලැබූ මහාචාර්ය සේනානායක මහතා ආධුනික කථිකාචාර්යවරයකු ලෙස රුහුණු විශ්වවිද්‍යාලයට පත්වීම ලැබුවේ 1980 වර්ෂයේදීය.

ශාක ප්‍රවේනි විද්‍යාව හා අභිජනනය පිළිබඳව ඔහු සිය දර්ශන විශාරද උපාධිය හදාරා තිබේ.

2007 වර්ෂයේදී රුහුණුවිශ්වවිද්‍යාලයේ නියෝජ්‍ය උපකුලපතිවරයා ලෙස පත් කෙරුණු ජ්‍යෙෂ්ඨ මහාචාර්ය ගාමිණි සේනානායක මහතා ශාඛ ප්‍රවේනී විද්‍යාව පිළිබදව ශ්‍රි ලංකාවේ ප්‍රවිණතම ජ්‍යෙෂ්ඨ මහාචාර්යවරයා ද වේ.

Read More

නවක සිසු ආරක්ෂාවට පේරාදෙණි සරසවියේ බළඇණියක්

පේරාදෙණි විශ්වවිද්‍යාලයට ඇතුළු වන නවක සිසුන්ගේ ආරක්ෂාව සඳහා නව වැඩ පිළිවෙළක් ක‍්‍රියාත්මක කර ඇතැයි පේරාදෙණිය විශ්වවිද්‍යාලයේ උප කුලපති, මහාචාර්ය අතුල සේනාරත්න මහතා පැවැසීය.

විශ්වවිද්‍යාල තුළ නවක වදය අත්හිටුවීම සඳහා, ශිෂ්‍ය සංගම්වල උපරිම සහාය ලැබී ඇති අතර ඒ සඳහා ඔවුන් මූලිකත්වය ගෙන කටයුතු කිරීම සතුටට හේතුවක් බව ද උප කුලපතිවරයා පැවැසීය.

නව වැඩපිළිවෙළ යටතේ විශ්වවිද්‍යාලය තුළ පැය විසිහතර පුරා ක‍්‍රියාත්මක ආරක්ෂක සේවාවක් මෙන් ම, පොදු ස්ථානවල මුර සංචාර යෙදීමට කටයුතු යොදා ඇතැයි ද මහාචාර්යවරයා කීය.

මේ පිළිබඳව සොයා බැලීමට මාර්ෂල්වරුන් තිදෙනෙකු ද පත් කර ඇති අතර යම් ශිෂ්‍යයෙකු හෝ ශිෂ්‍ය පිරිසක් විනය විරෝධීව කටයුතු කරන්නේ නම් ඔවුන් විනය කමිටුවට ඉදිරිපත් කිරීමේ බලය ද මෙම මාර්ෂල්වරුන් සතු බව ඔහු පැවැසීය.

ඕනෑ ම හදිසි අවස්ථාවක දී දැනුම් දීම සඳහා හදිසි දුරකතන අංක සිසු සිසුවියන්ට ලබා දී ඇති බවත් නේවාසිකාගාර සහ දේශනශාලා අතර ප‍්‍රවාහන පහසුව ද සලසා ඇති බවත් කීය.

මීට අමතරව විශ්වවිද්‍යාල භූමියේ ආරක්ෂාව තහවුරු කිරීම සඳහා (සී.සී.ටී.වී) ආරක්ෂක කැමරා පද්ධතියක් ස්ථාපිත කිරීම කෙරෙහි ද අවධානය යොමු වී ඇතැයි උප කුලපතිවරයා පැවැසීය.

Read More

බඳවා ගැනීම් වල ප්‍රෝඩාවට එරෙහිව රජරට සිසුහු වීදි බසිති...

2011 වර්ෂයේ උසස් පෙළ ප්‍රතිඵල සම්බන්ධයෙන් සිදු වූ Z-Score අර්බුදයෙන් අසාධාරණයට පත් වූ ශිෂ්‍ය ශිෂ්‍යාවන්ට සාධාරණය ඉටු කිරීම සඳහා එම වසරේ විශ්වවිද්‍යාල ප්‍රවේශය සඳහා අතර සිසුන් 5609 ක ප්‍රමාණයක් මෙරට ජාතික විශ්වවිද්‍යාල පද්ධතියට ඇතුලත් කරගැනීමට අධිකරණ තීන්දුවක් දෙනු ලැබීය. දෙවන වරටද අධිකරණය මඟින් එම තීන්දුව සනාථ කරමින් අදාළ අමතර සිසු පිරිස බඳවා ගැනීමට කටයුතු කරන ලෙස අධ්‍යාපන බලධාරීන්ට උපදෙස් ලබා දුන් බව නොරහසකි. මේ වන විට නවක සිසුන් විශ්වවිද්‍යාල වල ලියාපදිංචිය කිරීම ආරම්භ කර ඇති අතර ලියාපදිංචි වී ඇති ශිෂ්‍ය සංඛ්‍යාව සැලකීමේදී පැහැදිලි වන කාරණය නම් ආණ්ඩුවේ බලධාරීන් අමතර සිසුන් ගැනීමට කටයුතු කරන බවට ප්‍රකාශ කරමින් මෙරට ජනතාවට කර ඇත්තේ බ්බරපතල ප්‍රෝඩාවකි.රජරට විශ්වවිද්‍යාලයේ දැනට නවක කණ්ඩායම් සඳහා ලියාපදිංචි වී ඇති ශිෂ්‍ය සංඛ්‍යාව සැලකීමේදී, කළමනාකරණ අධ්‍යයන පීඨය සඳහා ප්‍රවේශ 395 ක් ලබා දී ඇති අතර මේ වන විට ලියාපදිංචිය සිදු කර ඇත්තේ සිසුන් 309 ක් පමණි. කෘෂිකර්ම පීඨය සඳහා ප්‍රවේශ 155 ක් ලබාදී ඇති අතර ලියාපදිංචි වී ඇති ශිෂ්‍ය සංඛ්‍යාව 58 කි.ව්‍යවහාරික විද්‍යා පීඨය සඳහා සිසුන් 405 කට ප්‍රවේශ ලබා දීමට නියමිතව තිබුනද තොරතුරු තාක්ෂණ අංශය හැරුණු විට අනෙකුත් අංශ සඳහා ලියාපදිංචි වීමට ලිපි මගින් දැනුම් දීම් සිදු කර ඇත්තේ සිසුන් දෙනෙකුට පමණක් වන අතර එයින් ලියාපදිංචි ශ්සිෂ්‍ය සංඛ්‍යාව 95 කි.මෙම ශිෂ්‍ය සංඛ්‍යාව සැලකීමේදී පෙනී යන පැහැදිලි කාරණය නම් දැනට විශ්වවිද්‍යාලයේ සිටින සංඛ්‍යාවටත් වඩා එම ප්‍රමාණය අඩු බවයි. 

                 අමතර සිසුන් බඳවා ගන්නා බවට අධ්‍යාපන බලධාරීන් කයිවාරු ගැහුවද , මාර්තු 1 වනදා පවතී උසස් අධ්‍යාපන අමාත්‍යංශ රැස්වීමේදී උසස් අධ්‍යාප අමාත්‍යවරයාගේ හා ජනාධිපතිවරයාගේ ප්‍රකාශයන් සැලකීමේදී පැහැදිලි වන කාරණය නම් අමතර සිසුන් පිරිසක් බඳවා ගැනීමට කිසිඳු වගකිවයුතු අංශයක නිසි සුදානමක් නොමැති බව හේතුවෙන් සිසුන් දහස් ගණනකගේ ජීවිත බලහත්කාරයෙන් අනතුරක හෙලීමට මොවුන් කටයුතු කරන බවකි. අද වන විට රජරට විශ්වවිද්‍යාලයේ අධ්‍යයන හා සුභසාදන ගැටලු පිලිබඳ සලකා බැලීමේදී අර්බුද රැසක් පවතී.විශ්වවිද්‍යාලය තුල පවතිඅන මාර්ග පද්ධතිය සැලකීමේදී අද දක්නට ඇත්තේ මාර්ගය දෙපස මෙන්ම මැද ද ඇති විශාල දිය අඟල් ය. රජරටටම ඇති ජල ප්‍රශ්නය විශ්වවිද්‍යාලයට නැතැයි කියන ලේකඛාධිකාරීවරයා මෙම ප්‍රශ්න විසඳීමේ කිසිඳු උවමනාවක් අද වන විට නොමැත. නේවාසිකාර සම්බන්ධයෙන්ද අර්බුදය එසේමය. 2007 වර්ෂයේ ශිෂ්‍ය අරගලයක් මඟින් ලබා ගත පොලිස් නිවාස පද්ධතිය වසරක් ඇතුලත විශ්වවිද්‍යාලය සතු වියයුතු වුවත් තවමත් එම නිවාස පොලිස් නිවාස ලෙස භාවිතයට ගන්නා අතර එම නිවාස විශ්වවිද්‍යාලයට ලබාදීමට කටයුතු කරන ලෙස අප කකළ සාධාරණ ඉල්ලීම් වලට මෙතෙක් කිසිඳු යහපත් ප්‍රතිචාරයක් ලැබී නොමැත. ජනාධිපතිවරයා විවේචනය කළහොත් ශිෂ්‍ය සංගම් තහනම් කරන බවට තර්ජනය කරන උපකුලපතිවරයෙක් සිටින මොහොතක ,මහා ශිෂ්‍ය සංගමයේ සභාපති සහෝදරයාට මරණීය තර්ජන එල්ල වන මොහොතක සාකච්ඡා මාර්ගයෙන් අදාල ගැටලු විසඳීමට යාම ප්‍රතිඵල දායක නොවන බව අපගේ මතයයි. ඒ අනුව මෙම සියලු ගැටළු වලට විසදුම් ලබාදෙන ලෙස ආණ්ඩුවටත් විශ්වවිද්‍යාල පරිපාලනයටත් බලකිරීමේ උද්ඝෝෂණයක් රජරට විශ්වවිද්‍යාලයීය මිහින්තලා පරිශ්‍රයේදී ඊයේ (11) දහවල් පැවත්විණ. මේ සඳහා විශ්වවිද්‍යාල සිසු සිසුවියන් දහසකට අසන්න පිරිසක් එක්ව සිටියහ.

Read More